جاڭا بالالار باقشاسىنا بارعان بالدىرعاندار قۋانىش قۇشاعىنا شومدى

    سەرىك يمانقان ۇلى حابارلايدى. جاقىندا ياعني قىركۇيەكتىڭ 11- كۇنى بۋرىلتوعاي اۋدانى قاراماعاي قالاشىعىنىڭ 2017- جىلعى جاڭادان سالىنعان قوس ءتىلدى بالالار باقشاسى رەسمي اشىلدى. مىنە بۇل قالاشىقتىڭ وقۋ الدىنداعى ءۇش جىلدىق اقسىز تاربيەنى جالپى بەتتىك قامتىعان ستراتەگيالىق نىسانالى مىندەتتى ورىنداپ، وقۋ-اعارتۋعا تيىمدىلىك جاساۋداعى ءبىرىنشى ءنومىرلى ينجەنەريانى شىنايى تياناقتاندىرعانىنان دەرەك بەرەدى.

    ءتىلشىنىڭ وسى قالاشىقتىڭ قوس ءتىلدى بالالار باقشاسىنا بارعاندا، سۋداي جاڭا ۇستەل-ورىندىق، توسەكتەرىن، كورپە-جاستىق سياقتى قاجەتتى نارسەلەردىڭ تولىق ەكەنىن كوردى. تازالىق ءۇيى، قيمىل ۇيلەرىنىڭ قۇرىلعىلارى كەمەلدى بولىپ، وزگەشە ءتۇستى عيمارات، جاڭا ۇلگىدەگى كلاس ۇيلەرى، بالالار وينايتىن قۇرىلعىلار قاتارلىلاردىڭ بارلىعى تەرەڭ اسەر قالدىرعانداي بولدى.

    كەڭ دە اشىق كلاستا بالا تاربيەشىلەر بالاۋسا بالدىرعاندارىمەن سىر اعىتسا، الاڭقىدا بالعىن بالدىرعاندار اسىر ساپ ويناپ، كوڭىل قۇسىن كوككە كوتەرۋدە.

    ۇعىسۋعا قاراعاندا، ۇستەگى جىلى قاراماعاي قالاشىعى قاراستىلىعىنداعى قوس ءتىلدى بالالار باقشاسىن كەڭەيتىپ وزگەرتىپ سالدى. سونداي- اق، ويقورا قىستاعى، دەڭ قىستاعى، سارقۇم قىستاعى سياقتى ءۇش جەردەن جاڭادان بالالار باقشاسن سالدى. كەلتەكەي قىستاعى مەن قارا قويىن قىستاعىنىڭ بالالار باقشاسى جالعاستى سالىنۋدا. كەزەكتە، بالالار باقشاسىنىڭ دايىندىق جۇمىستارى قاربالاس جۇرىلۋدە.

    جاڭا بالا باقشانىڭ ەڭسە كوتەرۋى — قاراماعاي قالاشىعىنىڭ وقۋ الدىنداعى ءتالىم-تاربيەنى جاقسارتىپ، وقۋ جاسىنداعى اۋىل-قىستاق بالالارىنىڭ جاقىن ماڭىنان اقىسىز وقۋىنا مۇمكىندىك جاسادى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى