6-كەزەكتى شينجياڭ قالامشا، گۇل-ءشوپ كورمەسى قۇتىبي اۋدانىندا اشىلدى

   اداق شايمۇرات ۇلى حابارلايدى. شينجياڭ بويىنشا وتكىزىلگەن 6- كەزەكتى قالامشا، گۇل-ءشوپ كورمەسى تاياۋدا قۇتىبي اۋدانىندا تابىستى اشىلىپ، كورمەگە مەملەكەتتەن، اۆتونوميالى رايون جانە سانجى وبلىسىنان قاتىستى باسشىلار كەلىپ قاتىناستى.

    ەكى كۇن ۋاقىتپەن اشىلعان كەزەكتى كورمەگە ەل ىشىنەن ەكى مىڭنان استام ادام كەلىپ، حوش ءيىسى اڭعىعان، جۇپار لەپى ەسكەن الۋان گۇلدەردى تاماشالاپ، جاقتىرتقاندارىن ساتىپ الىپ قايتىپ جاتتى.

    سوڭعى جىلداردان بەرى، قۇتىبي اۋدانى ىرشليدان قالاشىعىنداعى شارۋالار قالامشا، گۇل-ءشوپ ءوسىرۋ كاسىبىن دامىتىپ، اۋىل-قىستاق ەكونوميكالىق قۇرىلىمىن ساپالاندىرىپ، شارۋالاردىڭ كىرىسىن ارتتىرۋداعى تىرەكتى كاسىپ رەتىندە قارادى.

    قازىر وسى قالاشىقتا قالامشا، گۇل-ءشوپ ەگىلگەن جەر 142 مىڭ مۋعا جەتىپ، تۇتاس شينجياڭداعى قالامشا، گۇل-ءشوپ ەگىلگەن جەر كولەمىنىڭ 38 پايىزىن يەلەدى، جالپى ءتۇرى 260 گە، قالامشا كاسبىمەن شۇعىلدانىپ وتىرعان وتباسىلار 280 گە، شارۋالار سەلبەستىك كووپەراتيۆ 72 گە جەتىپ، شينجياڭداعى 47 اۋدان، قالاعا تارالىپ قالماستان، لياۋنيڭ، حىنان، شاندۇڭ، جيلۇن سياقتى 15 ولكە، قالاعا ساتىلىپ، شينجياڭداعى كولەمى ەڭ ۇلكەن، ءونىم ءتۇرى ەڭ كوپ قالامشا، گۇل-ءشوپ ءوندىرۋ بازاسىنا جانە باتىس سولتۇستىك رايونداعى قالامشا، گۇل-ءشوپ ساۋدالاۋ ورنىنا اينالدى.

    قازىرگە دەيىن، اۋدان 6 كەزەك قالامشا، گۇل-ءشوپ ساۋدالاۋ-كورسەتۋ تەكشەسىن تابىستى قالىپتاستىرىپ، شينجياڭنىڭ قالامشا، گۇل- ءشوپ كاسبىنىڭ دامۋىن ىلگەرىلەتتى. سونىمەن، وتكەن جىلعى قالامشا، گۇل-ءشوپتىڭ جىلدىق ساتىلىم مولشەرى 1 ميلليارد 500 ميلليون ءتۇپ بولىپ، جىلدىق كىرىسى 13 ميلليارد 700 ميلليون يۋانعا جەتتى.

    قازىر، قۇتىبي اۋدانى «تۇڭعىش اۆتونوميالى رايون دارەجەلى اۋىل شارۋاشىلىق عىلىم-تەحنيكا باقشا رايونى»، «مەملەكەت بويىنشا قالامشا، گۇل- ءشوپ ەكسپورت ەتۋ بازاسى» جانە وتكەن جىلى كۇزدە «باتىس سولتۇستىك قالامشا، گۇل-ءشوپ بازاسى» بولىپ بەلگىلەدى.

ءتىلشىنىڭ قىزمەت ورنى: قۇتىبي اۋدانى تورعايتى قالاشىعى

جاۋاپتى رەداكتور:سايراش تۇرارجان قىزى