بالا باقشا كوپتەپ قۇرىلدى

    اداق شايمۇرات ۇلى حابارلايدى. ۇستەگى جىلى قۇتىبي اۋدانى بالا باقشا وقۋ-اعارتۋىنا ەرەكشە ءمان بەرىپ، باستان-اقىر وقۋعا ءتۇسۋ الدىنداعى تاربيەنى دامىتۋعا تاباندى بولىپ، تۇتاس اۋدانداعى وقۋعا ءتۇسۋ الدىنداعى بالالاردىڭ تاربيەسىن ءتۇيىندى تۇردە مىقتى ۇستادى. سونداي-اق، «وقۋ-اعارتۋ ارقىلى حالىق تۇرمىسىن جاقسارتۋدى» كوزدە ۇستاپ، 1-ءنومىرلى قۇرىلىس نىسانىن اتقارىپ، 230 ميلليون 460 مىڭ يۋان قارجى شىعارىپ، 14 بالا باقشاسىن جاڭادان سالدى، تاياۋدا جالپى بەتتىك پايدالانۋعا بەرىلدى.

    وسى اۋداننىڭ ۇگۋڭتاي قالاشىعى 19 وتباسى قىستاعىنىڭ تۇرعىنى گۇلشا: بۇرىن بۇل قىستاقتا بالا باقشا جوق بولىپ، جول ۇزاق بولسا دا باسقا قىستاقتاعى بالا باقشادان وقىتىپ كەلدىك. ال، ۇستەگى جىلى قىستاعىمىزدا جاڭادان بالا باقشا سالىندى جانە بالامىز اقسىز وقىپ جاتىر. قىستاق حالقى مەن بالالار ەرەكشە قۋانىشقا بولەندى، پارتيا مەن حالىق ۇكىمەتىنە ايرىقشا العىس ايتامىز،-دەدى قۋانىشتى كوڭىل-كۇيىن باسا الماي.

    سونىمەن قازىر قۇتىبي اۋدانىندا 42 بالا باقشا بار بولىپ، جالپى 2730 ءار ۇلت بالدىرعاندارى الاڭسىز ءبىلىم الۋدا.

جاۋاپتى رەداكتور:سايراش تۇرارجان قىزى