اۋدانىمىز قوسىنعا جاڭادان قابىلدانعان اسكەرلەردى قارسى الۋ ءماجىلىسىن اشتى

    ءادىل تۋعانباي ۇلى حابارلايدى. 9-قىركۇيەكتە قابا اۋدانى 2017-جىلعى قوسىنعا جاڭادان قابىلدانعان اسكەرلەردى قارسى الۋ ءماجىلىسىن اشتى. حالىق قارۋلى ءبولىمىنىڭ ساياسي كوميسسارى ليۋ شياڭچۇن، اۋداندىق ۇكىمەتتىڭ ورىنباسار اكىمى چىن جيڭ، قوعام حاۋىپسىزدىگى مەكەمەسىنىڭ ساياسي كوميسسارى بولات، حالىق قارۋلى ءبولىمىنىڭ بارلىق كادرلارى، ءارقايسى اۋىل-قالاشىق قارۋلى ءبولىمىنىڭ ءبولىم باستىقتارى مەن بارلىق قوسىنعا جاڭادان قابىلدانعان اسكەرلەر جانە ولاردىڭ وتباسىنداعىلار جيىنعا قاتىناستى.

    قارسى الۋ جيىنى ايبىندى مەملەكەت انىمەن باستالىپ، حالىق قارۋلى ءبولىمىنىڭ ساياسي كوميسسارى ليۋ شياڭچۇن التاي ايماعى اسكەر قابىلداۋ مەكەمەسىنىڭ 2017-جىلعى اسكەر قابىلداۋ بۇيىرىعى مەن اۋدانىمىزدىڭ اسكەر قابىلداۋ باسشىلىق گرۋپپاسىنىڭ 7-قىركۇيەكتەگى قاۋلىسىنداعى 28 جولداستىڭ قوسىنعا كىرۋى تۋرالى بەكىتپەسىن جاريالادى.

    جيىن كۇن ءتارتىبى بويىنشا، جاڭا قابىلدانعان اسكەرلەرگە ەستەلىك بۇيىمىن تارتۋ ەتتى. سونىمەن بىرگە، ولاردىڭ وتباسىنداعىلارعا «اسكەري وتباسى» دەگەن داڭق ۆيۋەسكاسىن بەردى. قارسى الۋ جيىندا قوسىنعا جاڭادان قابىلدانعان اسكەرلەر ۋاكىلى مەن اتا-انا ۋاكىلى جەكە-جەكە ءسوز سويلەدى.

    اسكەرلەر ۋاكىلى: قوسىنعا بارعاننان كەيىن جاپاعا شىداپ جاتتىعۋ ىستەپ، قۇلشىنا ۇيرەنىپ، جاپادان، قيىنشىلىقتان قورىقپاي، قولباسشىلىققا بويسۇنىپ، باسشىنى قۇرمەتتەپ، جولداستارمەن ىنتىماقتى بولىپ، اسكەري ونەردى قۇلشىنا ۇيرەنىپ، ۇزدىك، تولىمدى اسكەر بولىپ شىعۋعا كۇش سالامىن. وتاننىڭ بەيبىتشىلىگى مەن تىنىشتىعى ءۇشىن قۇلشىنا ەڭبەك ەتىپ، ەڭبەك ءسىڭىرىپ، داڭق تورىنەن كورىنۋگە قۇلشىنامىن،-دەدى.

    جيىندا چىن جيڭ مىنالاردى تالاپ ەتتى: قوسىنعا بارعاننان كەيىن وتاننىڭ ءۇمىتىن اقتاپ، ساياسات، اسكەري ىستەر، وسى زامان عىلىم بىلىمدەرىن قۇلشىنا ۇيرەنىپ، باسشىنى قۇرمەتتەپ، جاۋىنگەر دوستارمەن ىنتىماقتى بولىپ، جاپاعا شىداپ جاتتىعۋ ىستەپ، يدەيا-ءمورالدا ۇزدىك، اسكەري ونەردە جەتتىك، ستيل-تارتىپتە قاتاڭ، مىندەتتى تولىق ورىندايتىن ۇزدىك جاۋىنگەر بولىپ شىعىپ، ەڭبەك ءسىڭىرىپ، اۋىلداعى حالىق بۇقاراسىنا داڭق سيلايتىن بولىڭدار،-دەدى.

جاۋاپتى رەداكتور:سايراش تۇرارجان قىزى