ورتالىق تەلەۆيزياسى امبەباپ ارناسىنىڭ «7 كۇندىك دۋمان» ايدارى ءانيپا وتباسىن ارناۋلى قويىلىم تۇسىرۋگە ۇسىنىس ەتتى

    قۇرمانگۇل اسپەن قىزى حابارلايدى. جۋىقتا، مەملەكەتتىك ايەلدەر بىرلەستىگى ۇگىت ءبولىمى، ورتالىق تەلەۆيزياسى امبەباپ ارناسىنىڭ  «7كۇندىك دۋمان» (《七天乐》) ايدارى ءانيپا وتباسىن ارناۋلى قويىلىمعا ۇسىنىس ەتتى.

    ورتالىق تەلەۆيزياسى جولداعان ۇسىنىس حاتتى تاپسىرىپ العاننان كەيىن، شىڭگىل اۋداندىق پارتكوم، ۇكىمەت، بۇل ىسكە باسا ءمان بەرىپ، ءتۇرلى ورنالاستىرۋلار جاسادى.

    5-قىركۇيەكتە، شىڭگىل اۋدانىنىڭ عىلىم-تەحنيكاعا جاۋاپتى ورىنباسار اۋدان اكىمى ليۋ نانا، ايەلدەر بىرلەستىگىنىڭ پارتگرۋپپا شۋجيى ۋاڭ ۋىنيڭ، ايەلدەر بىرلەستىگىنىڭ ءتورايىمى زيناتاي قاتارلىلار ءانيپا شەشەيدىڭ ۇيىنە بارىپ، بۇل جولعى قيمىلدىڭ ءمان ماڭىزى، كوڭىل بولەتىن ىستەر، حاۋىپسىزدىك تۋرالى ايقىن تالاپتاردى ورتاعا قويدى.

    اۋدانىنىڭ عىلىم-تەحنيكاعا جاۋاپتى ورىنباسار اۋدان اكىمى ليۋ نانا بىلاي دەدى: بۇل جولعى بەيجيڭدە بولاتىن قيمىل مەملەكەتتىك ايەلدەر بىرلەستىگى ۇگىت ءبولىمىنىڭ ۇسىنىسىمەن، بەيجيڭدە 1-كەزەكتى مەملەكەتتىك وركەنيەتتى وتباسىن سيلاۋ جينالىسىنا قاتىناسىپ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ قابىلداۋىندا بولعان مەملەكەتتىك وركەنيەتتى وتباسى ءانيپا الىماحۇن وتباسىمەن سۇحبات الىپ بارماق، ءانيپا شەشەي شىڭگىلگە، التايعا، بۇكىل شينجياڭعا ۋاكىل بولىپ بارادى. بۇل رەتكى قيمىل ارقىلى جاراسىمدى وتباسى، ۇلتتار ىنتىماعىن ايگىلەپ، شينجياڭدى، جۇيەدەن، التاي ايماعىنىڭ شىڭگىل اۋدانىن مەديالار ارقىلى ۇگىتتەۋ ورايىنا يە بولىپ وتىرمىز.

    ۇعىسۋعا قاراعاندا، بۇل رەتكى ساپار 6-قىركۇيەكتەن باستالىپ، 13-قىركۇيەككە دەيىن جالعاسادى ەكەن. قيمىلعا ۇقساماعان 6 ۇلتتان قۇرالعان 8 ادام قاتىناساتىن بولىپ، باستىسى وتباسىنىڭ جاراسىمدىلىعى، بەرەكەسى، وتباسىلىق تاماشا ءمورال ايگىلەنىپ، پارتيانى، وتاندى ءسۇيىپ، پارتيامەن بىرگە بولۋ، جۇڭحۋا ۇلتىنىڭ تاماشا ءمورالىن، وتباسى تاربيەسىن ۇرپاقتان-ۇرپاققا جالعاستىرۋ ماقسات ەتىلەدى ەكەن.

جاۋاپتى رەداكتور:سايراش تۇرارجان قىزى