حالىق بۇقاراسىنىڭ تالابى ورىندالدى

    جەڭىسقان اسقار ۇلى، ۇلان بازاربەك ۇلى حابارلايدى. حالىق بۇقاراسىنىڭ كوپتەن بەرگى تالابى مەن تىلەگىنەن شىعىپ، حالىق تۇرمىسىنا قاجەتتى ناقتىلى ىستەر، ءونىمدى جۇمىستاردى قولعا الىپ كەلە جاتقان ساۋان اۋدانى مادەنيەت، دەنەتاربيە مەكەمەسىنەن كونە ساۋان قالاشىعى تۋگۇ قىستاعىنا تۇسكەن قىزمەت گرۋپپاسىنداعى جولداستار مەن قىستاق قوس القاسىنداعى جولداستاردىڭ ارناۋلى زەرتتەپ، تالقىلاۋى ارقىلى ورتاق وي قورىتىپ، كەڭەسپەن پىشكەن كەلەلى جۇمىسى 2017-جىلعى نەگىزگى ساتى قىستاقتارىنا ارناۋلى بەرىلگەن 500 ءجۇز مىڭ يۋاندىق نىسان قارجىسىن، قىستاقتاعى ءاربىر سەميا اۋلاسىنداعى كوكتات ەگەتىن جەردى سۋارۋ ءۇشىن، ارناۋلى سۋ جەتكىزۋ ترۋباسىن ءاربىر سەميا باس سايىن جەتكىزىپ بەرۋ نىسان قۇرىلىس تامىز ايىنىڭ سوڭىنان باستاپ رەسىمي جۇمىس باستادى.

    بۇرىن كونە ساۋان قالاشىعى تۋگۇ قىستاعىنداعى ءار ۇلت بۇقاراسى ءوز سەمياسىنىڭ الدىنداعى كوكونىستەرىن 4 تە 5 مىڭ يۋان قارجى جۇمساپ قازدىرعان قۇدىق سۋى ارقىلى سۋارىپ كەلگەن، قازىر كەيبىر سەميالاردىڭ قۇدىقتارى سۋ الىپ، كەيبىرىنىڭ سۋ ىعىستىرۋ مولشەرى تومەندەپ، كوكتەم، جاز ماۋسىمدارىندا سۋ جەتىسپەۋ احۋالدارى ۇنەمى كەزدەسەتىن. مىنە وسى ءبىر حالىق تۇرمىسىنا اۋاداي قاجەتتى يگىلىكتى جۇمىستىڭ باستالۋى تۋگۇ قىستاعىنداعى ءار ۇلت بۇقاراسىنىڭ قىزۋ قارسى الۋىنا يە بولدى.

    قىستاق تۇرعىنى شيە فۋرىن بىلاي دەدى: «قىزمەت گرۋپپاسىنداعى جولداستاردىڭ بەلسەندى ارالاسۋى مەن جان-جاقتىلى زەرتتەپ، زەردەلەۋىندە جوعارىعا جولدانىپ بەكىتىلىپ، مىنە ەندى جۇمىس باستاپ وتىرعان حالىق تۇرمىسىنا قاجەتتى نىسان قۇرىلىسىنىڭ ءساتتى، ساپالى الىپ بارۋىنا ءارى كومەكشى ءارى باقىلاۋشى بولامىز».

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى