ۇلى وتانىمىزدى ءتىپتى دە كوركەم ەتىپ قۇرىپ شىعايىق

ۇرپاقتان - ۇرپاققا جالعاسقان كۇرەستى رۋحاني كۇشتەن بولە قاراۋعا بولمايدى

    «بۇكىل پارتيا، تۇتاس قوعام جاسىل دامۋ ۇستانىمىندا تاباندى بولىپ، سايحانبا رۋحىن ساۋلەلەندىرىپ، ەكولوگيالىق وركەنيەت قۇرىلىسىن تاباندىلىقپەن ىلگەرىلەتۋ كەرەك». باس شۋجي شي جينپيڭ جۋىقتا ماڭىزدى نۇسقاۋ بەرىپ، حىبەي ولكەسى سايحانبا ورمان الاڭىن قۇرۋشىلاردىڭ اسەرلى ىزگى ىستەرىن تولىق تۇراقتاندىرىپ، بورىشتى ەستە بەرىك ساقتاپ، جاپاعا شىداپ يگىلىك جاراتىپ، جاسىل دامۋ جولىمەن جۇرگەن سايحانبا رۋحىن وسكەلەڭ جيناقتاپ، بۇكىل پارتياعا، بۇكىل قوعامعا ۇلى وتانىمىزدىڭ كوركىن اناعۇرلىم اسىرۋ تۋرالى ۇلى ۇندەۋ جاريالاپ، بۇكىل پارتيانى، بۇكىل ەل حالقىن جاسىل دامۋدى، ەكولوگيالىق وركەنيەت قۇرىلىسىن ىلگەرىلەتۋ جولىندا تىنباي كۇرەس جۇرگىزۋگە شابىتتاندىردى.

    سايحانبا رۋحىن ساۋلەلەندىرۋدە، بورىشتى ەستە بەرىك ساقتاپ، كورىكتى جۇڭگو قۇرۋدىڭ تاريحي ماڭىزدى مىندەتىن ارقالاۋ كەرەك. 55 جىلدا سايحانبا «كۇننىڭ كوزىن قۇم كولەگەيلەپ، قۇستار قوناقتاۋعا بۇتا تاپپايتىن» قۇبا شولدەن «وزەننىڭ باستاۋ كوزىنە، بۇلتتىڭ مەكەنىنە، گۇلدىڭ الەمىنە، ورماننىڭ تەڭىزىنە، قۇستاردىڭ سايران باعىنا» اينالدى، بۇل، تۇپتەپ كەلگەندە، سايحانبالىقتاردىڭ پارتيانىڭ ۇندەۋىنە ءۇن قوسىپ، ەكولوگيانى قالپىنا كەلتىرۋ، ەكولوگيانى قورعاۋ سىندى تاريحي بورىشتى قاشاندا ەستەرىندە بەرىك ساقتاعانىنىڭ ارقاسى. بۇگىنگى تاڭدا، كورىكتى جۇڭگو قۇرۋ وسى بۋىننىڭ، ياعني ءبىزدىڭ جاڭا بورىشىمىز. بايلىقتىڭ تەجەمى بارعان سايىن كۇشەيىپ، قورشاعان ورتانىڭ لاستانۋى اۋىرلاپ، ەكولوگيالىق جۇيە جۇتاڭداعان قىسىلتاياڭ جاعدايدا، ءبىز بورىشتارلىقپەن تابيعاتقا جاسالعان ءارقانداي قياناتتىڭ اقىرى اينالىپ كەلىپ ادامزاتتىڭ وزىنە زيان جەتكىزەتىنىن ەستە بەرىك ساقتاۋىمىز، ەكولوگيالىق وركەنيەت قۇرۋدىڭ حالىقتىڭ باقىتىنا، ۇلتتىڭ بولاشاعىنا ساياتىن ۇزاق بولاشاقتىق ۇلى جوسپار ەكەنىن، ءسوز جوق، جەتە تانۋىمىز، شىنايى ارەكەتپەن بورىشتى اماليات بارىسىندا ورىنداۋىمىز، ءوزىمىز باس بولىپ جاۋاپكەرلىكتى تياناقتاندىرىپ،ءبىر ميلليارد 300 ميلليون ادامنىڭ كورىكتى جۇڭگونى بىرگە قۇراتىن جويقىن كۇشىن توپتاۋىمىز كەرەك.

 

جاۋاپتى رەداكتور:نۇرجان مينۋار قىزى