بۇدان كەيىن شوفەرلىك كۋالىكتەن ءنومىر تارتىلاتىن بەلگىلەمەگە قايشى ارەكەتتەر

    بيىل ماۋسىمنىڭ سوڭىنان باستاپ تومەندەگى ارەكەتتەردى تۋدىرعان شوفەرلەرگە ايىپ سالىنعاننان سىرت، شوفەرلىك كۋالىگىنەن ءنومىر تارتىلاتىن بولدى.

    1. اۆتوكولىك جۇرگىزىپ بارا جاتىپ تەلەفوندا سويلەسۋ. اۆتوكولىك جۇرگىزىپ بارا جاتىپ تەلەفوندا سويلەسكەندەر بايقالسا، جاڭا بەلگىلەمە بويىنشا 100 يۋان ايىپ سالىنىپ، شوفەرلىك كۋالىگىنەن 2 ءنومىر تارتىلادى.

    2. قارقىندى بەلگىلەنگەن شەكتەن %10تەن %20كە دەيىن اسىرۋ. قارقىندى شەكتەن %10تەن %20كە دەيىن اسىرىپ جۇرگىزگەندەرگە 150 يۋان ايىپ سالىنىپ، شوفەرلىك كۋالىگىنەن 3 ءنومىر تارتىلادى.

    3. قارقىندى بەلگىلەنگەن شەكتەن %20تەن %50كە دەيىن اسىرۋ. قارقىندى شەكتەن %20تەن %50كە دەيىن اسىرىپ جۇرگىزگەندەرگە 150 يۋان ايىپ سالىنىپ، شوفەرلىك كۋالىگىنەن 6 ءنومىر تارتىلادى.

    4. باسقا كولىكتىڭ حاۋىپسىز جۇرۋىنە كەدەرگى بولۋ. باسقا كولىكتىڭ حاۋىپسىز جۇرۋىنە كەدەرگى بولىپ، قارسى باعىت جولىن يەمدەنگەندەرگە نەمەسە جول باعدارىن ءوز بەتىمەن وزگەرتكەندەرگە 100 يۋان ايىپ سالىنىپ، شوفەرلىك كۋالىگىنەن 2 ءنومىر تارتىلادى.

    5. ەسكەرتۋ بەلگى سىزىعىنىڭ كورسەتپەسىنە قيعاشتىق ىستەۋ. ەسكەرتۋ بەلگى سىزىعىنىڭ كورسەتپەسىنە قيعاشتىق ىستەگەندەرگە 200 يۋان ايىپ سالىنىپ، شوفەرلىك كۋالىگىنەن 3 ءنومىر تارتىلادى.

    6. كەرى باعىتتا ءجۇرۋ. تاق لەنيالى جولدا كەرى باعىتتا جۇرگەندەرگە 100 يۋان ايىپ سالىنىپ، شوفەرلىك كۋالىگىنەن 2 ءنومىر تارتىلادى.

    7. وڭعا بۇرىلعاندا الدىنداعى كولىكتى توسپاۋ. سيگنال شىراعى بار جول اۋزىندا وڭعا بۇرىلماقشى بولعاندا، ۇقساس باعىتتا سيگنال شىراعىن كۇتىپ تۇرعان كولىك بولسا، كەزەككە قاراماي وڭعا بۇرىلعاندارعا 200 يۋان ايىپ سالىنىپ، شوفەرلىك كۋالىگىنەن 2 ءنومىر تارتىلادى.

    8. سولعا بۇرىلعاندا جولدىڭ ورتالىق تۇيىنىندە جۇرمەۋ. سولعا بۇرىلماقشى بولعاندا، جولدىڭ ورتالىق تۇيىنىنە جەتپەي جاتىپ سولعا بۇرىلعاندارعا 100 يۋان ايىپ سالىنىپ، شوفەرلىك كۋالىگىنەن 2 ءنومىر تارتىلادى.

    9. شىراق ارقىلى مەڭگەرىلەتىن جول اۋزىندا جۇرۋگە ءتيىستى باعىت بويىنشا جۇرمەۋ. مۇنداي جاعدايدا 200 يۋان ايىپ سالىنىپ، شوفەرلىك كۋالىگىنەن 3 ءنومىر تارتىلادى.

    اۋدارعان: سەرىك سابىر ۇلى

جاۋاپتى رەداكتور:الىمبەك نۇرالين