قانداي جاعدايدا اۆتوكولىك ۇستاپ قالىنادى، ونى سۇيرەپ اكەتۋ اقىسىن كىم ارقالايدى

    شوفەر دوستاردىڭ ەڭ الاڭدايتىنى اۆتوكولىك جۇرگىزۋ بارىسىندا قاتىناس شىرعالاڭى تۋۋ مەن شىرعالاڭنان كەيىن قاتىناس ساقشىلارىنىڭ اۆتوكولىك ۇستاپ قالۋى. ەندەشە، قاتىناس شىرعالاڭى تۋعاننان كەيىن قاتىناس ساقشىلارىنىڭ زاڭ بويىنشا اۆتوكولىك ۇستاپ قالۋىنا بولا ما؟ اۆتوكولىك سۇيرەپ اكەتۋ اقىسىن كىم ارقالايدى؟

    قاتىستى بەلگىلەمەلەرگە نەگىزدەلگەندە، تومەندەگى احۋالداردىڭ بىرىندە ءار دارەجەلى قوعام حاۋىپسىزدىگى ورگانىنىڭ قاتىناس باسقارۋ اترەتتەرى اۆتوكولىكتى ۇستاپ قالۋعا ۇقىقتى:

    (1) ماس بولىپ، اراق ءىشىپ اۆتوكولىك جۇرگىزسە؛

    (2) شوفەرلىك كۋالىگى جوق نەمەسە شوفەرلىك كۋالىگىنىڭ نەگىزگى داپتەرى مەن قوسىمشا داپتەرى ۇستاپ قالىنعان كەزدە اۆتوكولىك جۇرگىزسە؛

    (3) قارىزعا العان، رۇقساتسىز ىستەتكەن، وزگەرتىلگەن، جالعاننان جاساپ العان، الدامشىلىق تاسىلىمەن العان، كۇشكە يە ۋاقىتى ءوتىپ كەتكەن شوفەرلىك كۋالىگىن الىپ ءجۇرىپ اۆتوكولىك جۇرگىزسە؛

    (4) شوفەرلىك كۋالىگىندە جۇرگىزۋىنە رۇقسات ەتىلگەن اۆتوكولىك تۇرىنە سايكەسپەيتىن اۆتوكولىك جۇرگىزسە؛

    (5) شوفەرلىك مەكتەپ كۋرسانتتارى جاتتىعۋ اۆتوكولىگىن ءوز بەتىمەن جۇرگىزسە؛

    (6) اۆتوكولىكتى حاۋىپسىز جۇرگىزۋگە ىقپال جەتكىزەتىن ناۋقاسى بارلار اۆتوكولىك جۇرگىزسە نەمەسە شەكتەن ارتىق شارشاعان كەزدە اۆتوكولىك جۇرگىزسە؛

    (7) حاۋىپسىزدىك قالپاعىن كيمەي ەكى دوڭگەلەكتى موتوتسيكل جۇرگىزسە؛

    (8) اۆتوكولىك ءنومىر تاقتاسى وزگەرتىلگەن، جالعاننان جاساپ الىنعان، الدامشىلىق تاسىلىمەن العان، باسقالاردىڭ ءنومىر تاقتاسىن ىستەتكەن، باسقالاردىڭ ىستەتۋىنە بەرگەن، كۇشىنەن قالدىرىلعان بولسا؛

    (9) جىلدىق تەكسەرۋدەن وتكىزبەگەن نەمەسە جىلدىق تەكسەرۋدە تولىمسىز بولعان اۆتوكولىكتى جۇرگىزسە؛

    (10) ءنومىر تاقتاسى، جولعا شىعۋ كۋالىگى جوق، سونىمەن بىرگە باسقاداي جولعا شىعۋعا رۇقسات ەتۋ زاڭدىق سىپاتى بولماعاندار؛

    (11) اۆتوكولىكتىڭ ءنومىر تاقتاسى نەمەسە موتورى، قوندىرعىسىنىڭ ءنومىرى اۆتوكولىكتىڭ جولعا شىعۋ كۋالىگىندە جازىلعان نومىرمەن سايكەس كەلمەسە؛

    (12) قاتىناس شىرعالاڭىن تۋدىرعان نەمەسە قاتىناس شىرعالاڭىن تۋدىرۋعا قاتىستى باسقا دا زاڭعا قايشىلىق جاساۋ قىلمىس كۇمانى بولسا؛

    (13) تەكسەرىپ - انىقتاۋ ۇقتىرۋى شىعارىلعان اتكەزشىلىك ەتىلگەن نەمەسە ۇرلانعان، تونالعان اۆتوكولىكپەن بوگەنايى ۇقسايتىن اۆتوكولىك بولسا.

    «جۇڭحۋا حالىق رەسپۋبليكاسىنىڭ اكىمشىلىك كۇشتەۋ زاڭىنىڭ» 26 - تارماعىندا: «پەشەتتەلگەن، ۇستاپ قالعان ورىندى، قۇرىلعىلاردى نەمەسە مال - مۇلىكتى اكىمشىلىك ورگان لايىقتى ساقتاۋى كەرەك، پايدالانۋعا نەمەسە ونىڭ كوزىن جويۋعا بولمايدى؛ زيان تۋدىرسا تولەم جاۋاپكەرشىلىگىن ارقالاۋى كەرەك» دەپ بەلگىلەنگەن.

    بۇل جەردەگى ماڭىزدى ءبىر ءسوز پايدالانۋعا بولمايدى دەگەن ءسوز، قاتىناس ساقشىسى اۆتوكولىكتى ۇستاپ قالعاننان كەيىن ارناۋلى اۆتوكولىك سۇيرەيتىن اۆتوكولىكپەن ءوزى قاراستى بولعان قوعام حاۋىپسىزدىگى قاتىناس باسقارۋ تاراۋلارىنا اپارىپ تاپسىرۋى كەرەك، جۇرگىزىپ اكەتۋىنە بولمايدى. سونىمەن بىرگە، سۇيرەپ اكەتۋ بارىسىندا اۆتوكولىكتى ءبۇلدىرىپ الۋىنا بولمايدى، ەگەر سۇيرەپ اكەتۋ بارىسىندا اۆتوكولىك بۇلىنسە تولەپ بەرۋى كەرەك.

    اۆتوكولىكتى سۇيرەپ اكەتۋ اقىسىنا كەلسەك، «جۇڭحۋا حالىق رەسپۋبليكاسىنىڭ جول قاتىناسى حاۋىپسىزدىگى زاڭىندا»: «قوعام حاۋىپسىزدىگى ورگاندارىنىڭ قاتىناس باسقارۋ تاراۋلارى اۆتوكولىكتى سۇيرەپ اكەتۋدە ىسكە قاتىستى ادامداردان اقى الۋىنا بولمايدى، سونىمەن بىرگە دەر كەزىندە ىسكە قاتىستى ادامعا ۇستاپ قالىنعان اۆتوكولىكتى توقتاتقان جەردى ۇقتىرىپ قويۋى كەرەك» دەپ ايقىن بەلگىلەمە شىعارىلعان.

    قاتىناس ساقشى تاراۋلارىنىڭ اۆتوكولىكتى سۇيرەپ اكەتۋى قوعام حاۋىپسىزدىگى ورگاندارىنىڭ اكىمشىلىك جاقتاعى قالىپتى شىعىنى، بۇل شىعىندى ارقالاۋىڭىزدىڭ ەشقانداي قاجەتى جوق.

جاۋاپتى رەداكتور:الىمبەك نۇرالين