بورىشتى ادامنىڭ جۇبايىن اتقارۋ وبيەكتىسى ەتۋگە بولا ما

    سۇراۋ: 2016 - جىلى حالىق سوتى مەكەمەسى لي xxپەن ليۋ xxتىڭ الاشاق - بەرەشەگى جونىندە جاراستىرۋ قاعازىن جازعان بولاتىن، وندا ليۋxx 2016 - جىلى 10 - شىلدەدەن ىلگەرى لي xxتىڭ 100 مىڭ يۋان اقشاسىن وسىمىمەن قايتارۋى كەرەكتىگى جازىلعان. كەيىن ليۋ xx قارىزدى ۋاعىندا قايتارماعاندىقتان، لي xx حالىق سوتى مەكەمەسىنەن اتقارتۋدى تالاپ ەتەدى. ليۋ xxپەن ايەلى 2005 - جىلى نەكەلەنگەن، دەلونى اتقارۋ بارىسىندا داۋگەردىڭ ءوتىنىشى بويىنشا حالىق سوتى مەكەمەسى اتقارۋ كەسىمناماسىنا ليۋ xxتىڭ جۇبايى جاڭ xxتى دە اتقارۋ وبيەكتىسى ەتىپ كىرگىزىپ جىبەرەدى. جاڭ xx بۇعان مويىنسال بولمايدى. اتقارۋ بارىسىندا اتقارۋ وبيەكتىسىنىڭ جۇبايىن دا بورىشتى ەتىپ قوسۋعا بولا ما؟

    جاۋاپ: اتقارۋ ءتارتىبىن جۇرگىزۋ بارىسىندا اتقارۋ وبيەكتىسىنىڭ جۇبايىن تىكەلەي بورىشتى ەتۋگە بولمايدى. «ەڭ جوعارى حالىق سوتى مەكەمەسىنىڭ <جۇڭحۋا حالىق رەسپۋبليكاسىنىڭ نەكە زاڭى جونىندەگى ماسەلەلەرگە تۇسىندىرمەسىنىڭ>» (2) 24 - تارماعىندا بىلاي دەپ بەلگىلەنگەن: «قارىز يەسى نەكەسى كۇشكە يە جۇبايلاردىڭ بىرىنەن الاشاعىن تالاپ ەتكەندە، ەرلى - زايىپتىلاردىڭ ورتاق قارىزى رەتىندە ءبىر جاقتى ەتۋ كەرەك. الايدا ەرلى - زايىپتىلاردىڭ ءبىرى نەكە زاڭىنىڭ 19 - تارماعىنىڭ 3 - ابزاتسىنداعى بەلگىلەمەدەگى جايتكە جاعدايى ۇيلەسەتىن دالەلدەر باسقاشا قارالادى».

    بۇل تارماقتا ەرلى - زايىپتىلاردىڭ بىرەۋىنىڭ قارىزى ەكەۋىنە ورتاق بولاتىنى ايتىلعان، الايدا بۇل حالىق سوتى مەكەمەسىنىڭ داۋلى ادامداردىڭ داۋ - شارىن ءبىر جايلى ەتكەندە ازاماتتىق جاۋاپكەرشىلىكتى تۇراقتاندىرۋىنا دايەك ەتىلەتىن مۇمكىندىك بەرۋ سيپاتتى بەلگىلەمە. اتقارۋ ۇقىعى جالپىلىق ۇقىق قاسيەتىنە يە بولعاندىقتان، جالپىلىق ۇقىقتى قولدانۋدىڭ ادەتتەگى پرينسيبىنە بويسۇنادى، ياعني «مۇمكىندىك بەرۋگە امالسىز قالعاندا شەكتەۋ كەرەك». سوندىقتان اتقارۋ ءتارتىبىن جۇرگىزۋ بارىسىندا جوعارىداعى بەلگىلەمەنى كولدەنەڭ تارتىپ ەرلى - زايىپتىلاردىڭ ءبىرىن اتقارۋ وبيەكتىسى ەتىپ ۇستەمەلەۋگە بولمايدى، قارىز يەسى ايىرىم ارىز بەرىپ، اتقارۋ وبيەكتىسىنىڭ جۇبايىنىڭ اتقارۋىنا قاتىستى نەگىزبەن قامداعان سوڭ بارىپ بىرىكتىرىپ اتقارۋعا بولادى.

جاۋاپتى رەداكتور:الىمبەك نۇرالين