ەلىمىزدىڭ كاسىپتىك – تەحنيكالىق دارىندىلارىنىڭ قوسىنى زورايىپ، ساپاسى جوعارىلاپ، قۇرىلىمى جاقساردى

    مەملەكەتكە اقىل – پاراسات جاعىنان مىعىم كۇش توپتالدى (قايراتتانا العا ۇمتىلعان 5 جىل، رەفورمانىڭ جاپپاي ىشكەرىلەي جۇرگىزىلۋى جونىندە)

    «ەڭبەك دارىندىلاردىڭ ارقاسىندا جەمىس بەرەدى، كاسىپ دارىندىلاردىڭ ارقاسىندا گۇلدەنىپ – كوركەيەدى». دارىندىلار بايلىعى ــ ەكونوميكا، قوعام دامۋىنداعى ءبىرىنشى بايلىق، قوزعاۋشى كۇشتە جاڭالىق جاراتۋ تۇپتەپ كەلگەندە دارىندىلاردى قوزعاۋشى كۇش ەتۋ سانالادى. كاسىپتىك – تەحنيكالىق دارىندىلار قوسىنى ەلىمىزدىڭ دارىندىلار قوسىنىنداعى تىرەكتى كۇش رەتىندە ەكونوميكانىڭ، قوعامنىڭ دامۋىن ىلگەرىلەتۋدە جانە عىلىم – تەحنيكادا جاڭالىق جاراتۋدا ماڭىزدى تىرەكتىك رول اتقارۋدا.

    پارتيانىڭ 18 – قۇرىلتايىنان بەرى ەلىمىز كاسىپتىك – تەحنيكالىق دارىندىلار قوسىن قۇرىلىسىن ۇزدىكسىز كۇشەيتتى، دارىندىلار ءتۇزىم رەفورماسىن ىلگەرىلەتىپ، دارىندىلار ساياساتىن جاڭالىق جاراتۋ نەگىزىندە كەمەلدەندىرىپ، دارىندىلاردىڭ الەۋمەتتىك قىزمەت وتەۋ جۇيەسىن بەكەمدەپ، دارىندىلاردىڭ جەتىلۋ ورتاسىن جاقسارتىپ، دارىندىلاردىڭ جاڭالىق، يگىلىك جاراتۋ ومىرشەڭدىك قۋاتىن اناعۇرلىم سەرپىلتتى.

    تاياۋ جىلداردان بەرى مەملەكەتتىڭ ساياسات جاعىنان زور كۇشپەن قولداۋىندا جانە قوعامنىڭ ايرىقشا نازار اۋدارۋىندا كاسىپتىك – تەحنيكالىق دارىندىلار قوسىنى قارىشتاپ دامىدى. 2015 – جىلدىڭ سوڭىنا دەيىن ەل بويىنشا كاسىپتىك – تەحنيكالىق دارىندىلار قوسىنىنىڭ جالپى مولشەرى 73 ميلليون 281 مىڭ ادامعا جەتىپ، 2010 – جىلداعىدان %32 ارتتى، جوعارى، ورتا، باستاۋىش دارەجەلىلەردىڭ سالىستىرماسى 11:36:53 نداي بولىپ، قوسىن كولەمى ۇزدىكسىز زورايدى، جالپىلىق ساپاسى ۇزدىكسىز جوعارىلاپ، دارىندىلار قۇرىلىمى ۇزدىكسىز جاقسارىپ، ەكونوميكانىڭ، قوعامنىڭ دامۋىنا قىزمەت وتەۋ رولى كورنەكتىلەنە ءتۇستى.

    تالاي جىلدان بەرى ەلىمىزدە ءبىر جاعىنان، كاسىپتىك – تەحنيكالىق دارىندىلاردىڭ جالپى مولشەرى از بولعان جوق، ەندى ءبىر جاعىنان، دارىندىلاردىڭ قۇرىلىمدىق تاپشىلىعى سىندى كورنەكتى قايشىلىق ورىن تەپتى، اسىرەسە، كەلەلى عىلىم – تەحنيكالىق زەرتتەۋ، كەلەلى ينجەنەريا، ءتۇيىندى عىلىم سالاسى سياقتى سالالاردا باستاماشى دارىندىلار وتە تاپشى بولدى.

    سوندىقتان ەلىمىز جوعارى ساتىلى جاسامپاز دارىندىلاردى ماڭىزدى ءتۇيىن ەتىپ، جوعارى دارەجەلى ماماندار قوسىن قۇرىلىسىن كۇش سالا دامىتىپ، ۇكىمەتتىڭ ەرەكشە ستەپەندياسى ءتۇزىمىن كەمەلدەندىرىپ، ۇكىمەتتىڭ ەرەكشە ستەپەندياسىنان يگىلىكتەنەتىندەردى 15 مىڭ ادامعا جۋىق كوبەيتتى؛ سونىمەن بىرگە، جاس جانە ورتا جاستاعى عىلىم – تەحنيكا باستاماشىلارىن تاڭداۋ، جەتىلدىرۋ قىزمەتىن كۇشەيتۋگە دەن قويىپ، مەملەكەتتىڭ جاڭا كەزەكتى «مىڭدىق، ون مىڭدىق» دارىندىلار ينجەنەرياسىن اتقارىپ، 10 جىلدا جاس جانە ورتا جاستاعى عىلىم – تەحنيكا باستاماشىلارىنان 4 مىڭ ادامدى جەتىلدىرۋدى جوسپارلادى، قازىر وسى ينجەنەرياعا مەملەكەت دارەجەلى ءبىر مىڭ 200 دەن استام دارىندى تاڭدالدى، ولار «ون مىڭ ادامدىق جوسپاردىڭ» اتقارىلۋىنا سەلبەسەدى، تاڭدالعان 192 دارىندى «جۇزدىك، مىڭدىق، ون مىڭدىق دارىندىلار» ينجەنەرياسىنا قولداۋ كورسەتەدى.

    باس شۋجي شي جينپيڭ: توڭىرەكتىڭ ءتورت بۇرىشىنان دارىندى جيىپ، اناعۇرلىم كوپ دارىندىلاردىڭ قابىلەتتەرىن ساۋلەلەندىرۋىنە وراي جاراتۋ كەرەك، ــ دەپ تالاي رەت دارىپتەگەن بولاتىن. ءبىر توپ دارىندى ەنگىزگەندە ءبىر كاسىپورىندى گۇلدەندىرۋگە بولادى، ءتىپتى، ءبىر كاسىپكە سەرپىن بەرۋگە بولادى.

جاۋاپتى رەداكتور:سايراش تۇرارجان قىزى