جەمەنەيدەگى ۇڭگىر اۋىزىنان 40 مىڭ جىلدىڭ الدىنداعى ادامزات قيمىلىنا ءتان قالدىق تابىلدى

    15-تامىزدان 17-تامىزعا دەيىن، جۇڭگو قوعامدىق عىلىم اكادەمياسى ارحەولوگيا زەرتتەۋ ورنى، جۇڭگو قوعامدىق عىلىم اكادەمياسى ومىرتقالى جانۋارلار مەن ەجەلگى ادامداردى زەرتتەۋ ورنى، بەيجيڭ ۋنيۆەرسيتەتى، جۇڭگو حالىق ۋنيۆەرسيتەتى، استانا پەداگوگيكا ۋنيۆەرسيتەتى قاتارلى عىلىمي زەرتتەۋ قۇرىلىمدارى مەن ماماندارى جەمەنەي اۋدانىندا ۇڭگىر اۋىزى ەسكى جۇرتى قىزمەت ناق مايدان جينالىسىن اشتى.

    ەلىمىزدىڭ باتىس بولەگىنە ورنالاسقان جەمەنەي اۋدانىنداعى «ۇڭگىر اۋىزىنان» ارحەولوگيا ماماندارى 40 مىڭ جىلدىڭ الدىندا ادامزات قيمىلىنا ءتان مول قالدىقتاردى بايقاعان. ماماندار بۇل ارانىڭ شينجياڭ اۋماعىندا كونە تاس قۇرالدار داۋىرىندەگى ۇڭگىر قالدىعى دەپ ەسەپتەيدى، بۇل شينجياڭ تاريحىنداعى ۇڭگىر ارحەلوگيالىق زەرتتەۋىندەگى اقتاڭلاقتى تولىقتىردى ءارى جۇڭگونىڭ كونە تاس قۇرالدار ءداۋىر ارحەولوگيالىق ماڭىزدى بايقاۋى، شينجياڭداعى 45 مىڭ جىل ىلگەرى ەرتە زامانعى ادامزاتتىڭ دامۋ بارىسىن ءتۇسىنۋ، وڭىرلىك مادەنيەت دامۋىنىڭ جىلدىق جۇلگەسىن ورناتۋدا ماڭىزدى مانگە يە. ەجەلگى جۇرتتىڭ جاعىراپيالىق ورنى مەن قازىپ الىنعان موستى مادەني بۇيىمدار — ازيا-ەۆروپا ۇلى قۇرىلعىنداعى باتىس-شىعىس باعىتتاعى ادام كوشى مەن، الماسۋ، تارالۋ جاعدايىن زەرتتەۋدە ماڭىزدى دەرەكپەن قامدايدى. 

جاۋاپتى رەداكتور:سايراش تۇرارجان قىزى