قانتتى نەسەپ اۋرۋى بار ناۋقاستار جاز ماۋسىمىندا كوڭىل بولەتىن جايتتەر

    جاز ماۋسىمىندا تەمپەراتۋرا جوعارى بولىپ، قانتتى نەسەپ اۋرۋى بار ادامداردىڭ قارسىلىق قۋاتى تومەن بولادى دا، وڭاي ناۋقاستانىپ قالادى.

    ماماندار جاز ماۋسىمىندا قانتتى نەسەپ اۋرۋىنا شالدىققان ادامدار تۇماۋ تيىپ قالۋدان، ىستىق وتۋدەن، ءىش وتۋدەن ساقتانۋ كەرەك.

    چىڭدۋ قالالىق 2-شيپاحاناسى ىشكى سەكراتسيا ءبولىمىنىڭ شيپاگەرىنىڭ ايتۋىنشا، شىلدە ايىندا اۋا رايى ىستىق بولۋ سەبەبىنەن ءۇي ىشىندە اۋا تەڭشەگىشتى توقتاتپاي ىستەتۋ قالىپتى جاعاداي. سول سەبەپتى ءىشى مەن سىرتىنىڭ اۋا تەمپەراتۋرا پارقىنىڭ زور بولۋ سەبەبىنەن جاز ماۋسىمىندا قارسىلىق قۋاتى تومەن قانتتى نەسەپ اۋرۋى بار ادامدار وڭاي تۇماۋراتىپ قالادى.

    جاز ماۋسىمىندا، تەمپەراتۋرا جوعارى بولۋ سەبەبىنەن تاماقتاردا وڭاي بۇزىلىپ قالادى. بۇل تاماقتى تۇتىنعان قانتتى نەسەپ اۋرۋى بار ادامدارعا تەز اسەر ەتەدى دە، قۇسۋ، ءىشى ءوتۋ احۋالى بولادى. بۇل كەزدە قانداعى قانت قۇرامىن 3-4 ساعاتتا ءبىر ولشەپ، قانداعى قانت قۇرامى تومەن ءتۇسۋ احۋالى بولس، جەمىس شىرىنىن، سىير ءسۇتىن تۇتىنۋ كەرەك. ءبىراق، قۇرامىندا كوففەين بار سۋسىندىقتى تۇتىنباۋ كەرەك.

    قانتتى نەسەپ اۋرۋى مەن قوسا نەرۆ اۋرۋ وزگەرىسى بار ناۋقاستار دەنەسىنىڭ ىستىق-سۋىعىن جاقسى تەڭشەي المايتىندىقتان، وڭاي ىستىق ءوتىپ قالۋ احۋالى تۋىلادى. ىستىق وتكىزىپ العاندا اۋىز قۇرعاپ، دەنە السىرەپ، تەر باسىپ، قۇسقىسى كەلەدى. بۇنداي جاعدايدا سۋ مەن تۇز قۇرامىن تولىقتاپ. اۋىر بولعاندا شيپاحاناعا جاتىپ، ەمدەلۋ كەرەك.

    جاز ماۋسىمىندا، قانتتى نەسەپ اۋرۋىنا شالدىققان ناۋقاستار سۋدى كوپ تۇتىنعانى ءجون. ءار كۇنى 1000-2000 mlسۋ ءىشۋ كەرەك. سۋىق ىشىمدىك پەن سۋىقتىقتاردى كوپ تۇتىنباعان ءجون. ۇنەمى قانداعى قانت قۇرامىن ولشەپ، ۋاعىندا تەڭشەپ ەمدەلىپ تۇرۋ كەرەك.

جاۋاپتى رەداكتور:سايراش تۇرارجان قىزى