«رەفورمانى سوڭىنا دەيىن جۇرگىزەيىك» اتىنداعى 10 سەريالى كولەمدى ساياسي شولۋلىق ارناۋلى فيلم تاياۋدا قويىلادى

    پارتيا 18 - قۇرىلتايىنان بەرگى رەفورمانى جاپپاي تەرەڭدەتۋدەگى عالامات كەزەڭدەر تولىق ايگىلەنگەن

    شينحۋا اگەنتتىگىنىڭ 16 - شىلدەدە بەيجيڭنەن بەرگەن حابارى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى جاپپاي تەرەڭدەتۋدىڭ كەلەلى ستراتەگيالىق شەشىمدەرىن جاساپ، ءبىرسىپىرا ماڭىزدى رەفورما جوبالارىن شىعارىپ، اتقاردى، ماڭىزدى وڭىرلەر مەن ءتۇيىندى بۋىندارداعى رەفورما شارالارى كەلەلى جەتىستىكتەرگە قول جەتكىزدى. رەفورمانىڭ اياق الىسى مەن جەتىستىكتەرىن جان - جاقتى قورىتىندىلاۋ جانە كورسەتۋ ءۇشىن، ورتالىق «رەفورمانى سوڭىنا دەيىن جۇرگىزەيىك» اتىنداعى 10 سەريالى كولەمدى ساياسي شولۋلىق ارناۋلى فيلمدى ۇيىمداستىرىپ، ءتۇسىردى. بۇل فيلم 17 - شىلدەدەن باستاپ، ورتالىق تەلەۆيزياسىنىڭ امبەباپ ارناسىندا قويىلادى، سونداي - اق توعىسپالى اقپارات قۇرالدارى تۇعىرىندا بىرگە جاريالانادى.

    بۇل فيلم باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن تىعىز ارقاۋ ەتىپ، پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ وسكەلەڭ ساياسي جاۋاپكەرشىلىكپەن جانە كۇشتى تاريحي بورىشتىلىق سەزىممەن «بەستى ءبىر تۇلعالاندىرۋ» جالپى جوباسىن ءبىر تۇتاس ىلگەرىلەتكەنىن، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستىرە ىلگەرىلەتكەنىن، پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىسىندە بەلگىلەنگەن رەفورما مىندەتتەرىن ءبىر تۇتاس جوسپارلاپ، ورنالاستىرعانىن، ءبىر ميلليارد 300 ميلليون جۇڭگو حالقىن باستاپ، قيىنشىلىقتاردى جەڭىپ، ۇدەرە العا تارتىپ، رەفورمانى جاپپاي تەرەڭدەتۋدىڭ ۇلى امالياتىن تىڭعىلىقتى ىلگەرىلەتكەنىن تولىق ايگىلەيدى.

    بۇل فيلم رەفورمانى جاپپاي تەرەڭدەتۋدى تولىعىمەن، قۇزىرلى تۇردە قورىتىندىلاعان، ول ءبىرشاما كۇشتى يدەيالىلىق، نازاريالىق تەرەڭدىكتى ايگىلەۋمەن بىرگە، حالىق بۇقاراسىنىڭ ماڭايىنداعى رەفورماعا قاتىستى اسەرلى حيكايالاردى دا اڭگىمەلەيدى. تۇتاس فيلم 10 سەرياعا بولىنگەن، ولار مىنالار: «زامانا ساۋالى»، «ەكونوميكا دامۋىنىڭ جاڭا قالىبىنا جەتەكشىلىك ەتۋ»، «حالىق دەموكراتياسىنىڭ تىڭ ءورىسى»، «قوعامنىڭ تەڭدىگىن، ادىلدىگىن قورعاۋ»، «جۇڭحۋا مادەنيەتىنىڭ مايەگىن جالعاستىرۋ»، «ءمولدىر سۋ، جاسىل تاۋدى ساقتاۋ»، «ارميانى قۇدىرەتتەندىرۋ جولى (باسقى ءبولىم، سوڭعى ءبولىم)»، «پارتيانىڭ ءوزىن جاڭارتۋى»، «حالىقتىڭ تابىس سەزىمى».

    پارتيا 19 - قۇرىلتايى اشىلار الدىندا، وسى ساياسي نازاريالىق ارناۋلى فيلمنىڭ قويىلۋى، بۇكىل پارتيانى جانە بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورمانىڭ دۇرىس باعىتىنان جازباي، رەفورماداعى تۇراقتىلىق پەن تەبىندى ساقتاپ، يدەيانى ۇزدىكىسز ازات ەتىپ، جۇرەكتىلىكپەن امالياتتا ايگىلەپ، رەفورمانى جاپپاي تەرەڭدەتۋ ءىسىن ۇزدىكىسىز العا ىلگەرىلەتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن تالىقپاي كۇرەسۋگە ونان ارى شابىتتاندىرادى.

جاۋاپتى رەداكتور:سايراش تۇرارجان قىزى