ىنتىماقتى نىعايتىپ، جاراسىمدىلىقتى بەكەمدەۋ «جۇمىسشىلار ۇيىمى ساۋىتى» اتىنداعى جىر مۇشايرا جارىسى بولىپ ءوتتى

    ءادىل تۋعانباي ۇلى حابارلايدى. ۇلتتار ىنتىماعىنىڭ ۇگىت تاربيە قىزمەتىن ونان ارى ۇنەمىلىككە ايلاندىرىپ، اۋدانىمىزداعى ءار ۇلت ادەبيەت اۋەسكەرلەرىنىڭ ءوزارا ۇيرەنۋلەرىنە وراي جاراتىپ بەرۋ ءۇشىن، قابا اۋداندىق ۇگىت ءبولىمى، اۋداندىق باس جۇمىسشىلار ۇيىمى، اۋداندىق ادەبيەت-كوركەمونەرشىلدەر بىرلەستىگى بىرلەسىپ «ىنتىماقتى نىعايتىپ، جاراسىمدىلىقتى بەكەمدەۋ» «جۇمىسشىلار ۇيىمى ساۋىتى» اتىنداعى قوس ءتىل جىر ءمۇشايراسىنىڭ شەشۋشى جارىسى شىلدەنىڭ 14-كۇنى قابا اۋداندىق راديو-تەلەۆيزور مەكەمەسىندە بولىپ ءوتتى.

    ءارقايسى اۋىل-قالاشىق، اۋدانعا قاراستى مەكەمە ورىنداردان جيىنى15دەي شاباندوز شەشۋشى جارىسقا قاتىناستى.

    جارىستا شاباندوزدار «ىنتىماقتى نىعايتىپ، جاراسىمدىلىقتى بەكەمدەۋ» جايىنداعى ولەڭ-جىرلارىن ناقىشىنا كەلتىرە وقىپ، ىنتىماق بولمايىنشا، بەرەكە بولمايىنشا باقىتتىڭ اۋىلى الىس ەكەنىن، باقىتتان مۇلدە اۋىز اشۋعا بولمايتىنىن ولەڭ جولدارى ارقىلى ءبىر-بىرلەپ ساناعا ءسىڭىرىپ، ىنتىماقتىڭ، بەرەكەنىڭ ادامزات قوعامىندا قانشاما ماڭىزدى ەكەنىن تارتىمدى دا رۋحتى ولەڭ جىرلار ارقىلى تىڭدارمان قاۋىمعا جەتكىزىپ بەردى.

    قيان-كەسكى ونەر دوداسىندا تەرەكتى اۋىلدىعىنان كەلگەن انار شىڭعىس قىزى ءبىرىنشى دارەجەلى سيلىقتى ەنشىلەدى. جايىلما اۋىلدىعىنىڭ ونەرپازى نۇرلان ماپاي ۇلى مەن كولباي اۋىلدىعىنان كەلگەن شاباندوز بەيسەنباي دالەلقازى ۇلى ەكىنشى دارەجەلى سيلىقتى ەنشىلەدى.

جاۋاپتى رەداكتور:سايراش تۇرارجان قىزى