اسكەري جاتتىعۋ تاربيەسى جۇيەلى جۇرگىزىلۋدە

    ىنتىماق داۋلەتباي ۇلى حابارلايدى. بۋرىلتوعاي اۋداندىق 1-تولىق ورتا مەكتەبى تولىق ورتا 1-جىلدىعىنا جاڭادان قابىلدانعان وقۋشىلارعا جۇرگىزىپ جاتقان وقۋ الدىنداعى اسكەري ءتالىم-تاربيە، اسكەري جاتتىعۋ قيمىلى جۇيەلى تۇردە ءورىس الدىرىلۋدا.

    باستاعانىنا اپتاعا جۋىق بولعان بۇل قيمىلعا قازىر جەتەكشىلەر دە وقۋشىلاردا بەلسەنە ات سالىسىپ، ءوزارا تىعىز سايكەسىپ، ءبىر نيەت، ءبىر تىلەكپەن قيمىلدىڭ جوسپارداعى كۇن تارتىپتەرىن ويداعىداي ورىنداپ، ناتيجەلى اقىرلاسۋىنا بىرلىكتە كۇش سالۋدا.

    ۇعىسۋعا قاراعاندا، بۇل رەتكى قيمىل ەكى مازمۇندا جۇرگىزىلىپ، وقۋشىلار ءار كۇنى تۇسكە دەيىن وڭ-سولعا بۋرىلۋ، وتىرىپ-تۇرۋ، قۇرمەت قاداممەن ءجۇرۋ، اسكەري كومانداعا ىلەسۋ، مەملەكەت ءانىن ايتۋ سياقتى ناقتىلى اسكەري ارەكەتتەرگە جاتتىقسا، تۇستەن كەيىن كلاستا وتىرىپ زاڭ-ءتۇزىم تاربيەسى، ەرەجە-قاعيدا تاربيەسى، ۇلتتار ىنتىماعى تاربيەسى، جاستىق شاق بىلىمدەرى، وتانشىلدىق تاربيەسى، جاعداي تاربيەسى، ءدىني ۇشقارلىقتى الاستاۋ تاربيەسى قاتارلى بىلىمدەردەن جۇيەلى ساباق وقىپ، كەسكىن تاسپالارىن كورىپ، تۇسىنىك-اسەر سويلەپ، وزدەرىنىڭ ساياسي-نازاريالىق ورەلەرىن وسىرۋدىڭ تاماشا ورايىنا يە بولدى.

    وقۋشىلار بۇل رەتكى اسكەري جاتتىعۋ، اسكەري ءتالىم-تاربيە قيمىلى ارقىلى ءار تۇرلى ارەكەتتەرگە جاتتىعىپ، شىنىعىپ-شىڭدالۋمەن بىرگە، ءتۇرلى مازمۇنداعى نازاريالىق بىلىمدەردەن جۇيەلى ساباق وقىپ، وي-سانالارىن وسىرۋدىڭ، تاريحقا، دۇنيەگە عىلىمي كوزقاراس ورناتۋدىڭ بەرىك نەگىزىن دە قالادى.

جاۋاپتى رەداكتور:سايراش تۇرارجان قىزى