شەكارانى قورعاۋ — ورتاق بورىشىمىز

    تۇرسىنجان جاناتاي ۇلى حابارلايدى. التاي قالالىق پارتكوم مەن حالىق ۇكىمەتىنىڭ ورنالاستىرۋى بويىنشا، ۇستەگى جىلى 25 - مامىردان 10 - شىلدەگە دەيىن قىزىلتاس قالاشىق حالىق ۇكىمەتى موڭعىليامەن شەكارالاساتىن قالىقباي جانە جولساي شەكاراسىنداعى ۇزىندىعى 26 كيلومەتر كەلەتىن 8-، 9-، 10-، 11- قازىق قاتارلى 4 قازىقتى تەمىر تورمەن تورلادى.

    مۇندا، مالشى ازاماتتار مەن شەكارا قورعاۋشىلاردى اتتانىسقا كەلتىرىپ تۇيە، ادام كۇشىن ۇيىمداستىرىپ، توردى بەلگىلەنگەن ورىنعا جەتكىزىپ بەرۋ مىندەتىن وتەدىك.

    120 عا جۋىق تۇيە، 100 دىڭ ۇستىندە ادام كۇشىمەن ءبىر اي ۋاقىت 4 بەكىنىستىڭ تور تەمىرىن، قازىعى، قۇم، سەمونت، شاعىلىن بەلگىلەنگەن ورىنعا جەتكىزىپ بەرۋگە ەرەكشە ات سالىسىپ، مەرزىمدى ۋاقىت ىشىندە جۇمىستىڭ تولىق اقىرلاسۋىنا كۇش شىعاردى.

    شەكارانى قورشاۋشا تارتىلعان تور تەمىرگە قادالعان بەس جۇلدىزدى قىزىل تۋ تاۋ سامالىمەن جەلبىرەپ مەملەكەتتىڭ قۇدىرەتىن ايگىلەپ تۇرعانداي ايبىندى كورىنىس قالپتاستىردى.

    وسى جۇمىستىڭ باسى - قاسىندا بولىپ، جەتەكشىلىك ىستەگەن قىزىلتاس قالاشىق پارتكومنىڭ ورىنباسار شۋجيى، قالاشىق باستىعى سەرىك جانتاي ۇلى بىلاي دەدى: «ەڭ اۋەلى جۇمىسقا قاتىناسۋشىلاردىڭ تاماق، جاتىن ورىن سياقتى كۇندەلىكتى تۇرمىسىن تولىق قامتاماسىز ەتۋمەن قاتار، حاۋىپسىزدىككە ەرەكشە كەپىلدىك ەتىپ، ولاردىڭ قىزمەتكە دەگەن بەلسەندىلىگىن ارتتىردىق. مەملەكەت قورعانىسىن بەكەمدەۋ قارجىسىنان ادام ىستەتۋ، تۇيە مايلاۋعا كەتكەن قاراجات 600 مىڭ يۋاننان اسىپ، ءبىر جاعىنان جەرگىلىكتى ديقان - مالشىلاردىڭ كاسىپتەنۋىنە وراي جاراتىلدى. تورلاۋ مىندەتىن ورىنداۋ بارىسىندا جالاما تاۋ جولىندا كەزىككەن قيىندىقتاردى جەڭە وتىرىپ جوعارىنىڭ تالابى بويىنشا ءساتتى ورىنداپ، 3 جەردەن بەكىنىس ەسىگىن قويۋ ارقىلى ءبولىپ ورنالاستىرىلعان 72 شەكارا قورعاۋشى شەكارانى شارلاۋ قىزمەتىن جۇيەلى جۇرگىزىپ جاتىر. سونىمەن، اۆتونوميالى رايوننىڭ تالابى بويىنشا 4 بەكىنىس شەكارادان بىردە - ءبىر ادامنىڭ كىرە المايتىن، بىردە - ءبىر ادامنىڭ شىعا المايتىن بۇگىنگى جاقسى جاعداي قولعا كەلدى. جالپى شەكارانى تورلاۋعا ىستەتىلگەن تور، قازىق قاتارلى ماتەريالداردىڭ سالماعى 500 تونادان ارتىق بولىپ، بۇل زاتتاردى كۇدىرلى تاۋ جولىمەن تاسىمالداپ جۇمىسىن جۇرگىزۋگە قىزىلتاس قالاشىعى مەن بالباعاي اۋىلىنان جيىنى 100 دەن استام ادام قاتىناسىپ، ەڭ كوپ بولعاندا 120 تۇيە ىستەتىلدى».

جاۋاپتى رەداكتور:سايراش تۇرارجان قىزى