اۆتونوميالى رايوندىق ماماندار ۇيىرمەسى شىڭگىل اۋدانىنىڭ اۆتونوميالى رايون دارەجەلى باۋ-باقشالى اۋدان قۇرۋ قىزمەتىن العاشقى ادىمدا تەكسەرىپ وتكىزىپ الدى

    قۇرمانگۇل اسپەن قىزى حابارلايدى. 10-،11 شىلدە كۇندەرى، اۆتونوميالى رايوندىق تۇرعىن ٴۇي جانە قالا- اۋىل قۇرىلىسى مەڭگەرمەسى قالا قۇرىلىسى باسقارماسىنىڭ ورىنباسار باستىعى زىڭ يۇن ايماقتىق تۇرعىن ٴۇي جانە قالا- اۋىل قۇرىلىسى مەكەمەسىندەگى قاتىستى جاۋاپتىلاردىڭ سەرىك بولۋىندا، ماماندار گرۋپپاسىنداعى 6 ادامدى باستاپ، شىڭگىل اۋدانىنا كەلىپ، شىڭگىل اۋدانىنىڭ اۆتونوميالى رايون دارەجەلى باۋ-باقشالى اۋدان قۇرۋ قىزمەتىن تەكسەرىپ، جەتەكشىلىك ىستەدى.

    تەكسەرىپ وتكىزىپ الۋ گرۋپپاسىنداعىلار ناق مايداندا كوزدەن كەشىرۋ، دوكلات تىڭداۋ، تەحنيكالىق بايانداما كەسكىنىن كورۋ، ارحيۆ ماتەريالدارىن كورۋ سىندى تاسىلدەر ارقىلى شىڭگىل اۋدانىنىڭ اۆتونوميالى رايون دارەجەلى باۋ-باقشالى اۋدان قۇرۋداعى باستى قىزمەتىن جان-جاقتىلى ۇعىسىپ، ساقتالعان ماسەلەلەر تۋرالى ۇسىنىس-پىكىرلەر ايتتى.

    جاقىنعى جىلداردان بەرى، شىڭگىل اۋداندىق پارتكوم، اۋداندىق ۇكىمەت جاسىل دامۋ تانىمىن تەرەڭدەتىپ، باۋ-باقشالى اۋدان قۇرۋدى ماقسات ەتىپ، قالانىڭ ەكولوگيالىق ورتاسى مەن قونىستانۋ شار-جاعدايىن ماڭىزدى حالىق تۇرمىس ينجەنەرياسى رەتىندە مىقتى ۇستاپ، جاڭا ۇلگىدەگى قالا-قالاشىقتاندىرۋ جانە قالانىڭ ەكولوگيالىق ورتا قۇرىلىس اياق الىسىن ورنىقتى قاداممەن ىلگەرلەتىپ، جانعا جايلى تاماشا ورتا قۇرۋ ٴۇشىن قۇلشىندى.

 ٴتىلشىنىڭ قىزمەت ورنى: شىڭگىل اۋداندىق ۇگىت ٴبولىمى

جاۋاپتى رەداكتور:سايراش تۇرارجان قىزى