ەگەي ەڭبەكتەرىڭمەن ەلدەن وزىپ، شاڭىراقتارىڭنىڭ شارۋاشىلىعى شالقي بەرگەي

 
جاڭىل قاراقات تەرۋدە

    راحىمەتحان شوناي ۇلى حابارلايدى. نەكەلەنگەن ون نەشە جىلدان بەرى تاتۋ-ءتاتتى تۇرمىس كەشىرىپ، وتباسىن بارىمەن بازار قىلىپ كەلەجاتقان ۇلگىلى جاستارىمىزدىڭ قاتارىندا كوكتوعاي اۋدانى قۋ ەرتىس قالاشىعىنا قاراستى ەرتىس قىستاعىنىڭ تۇرعىنى داۋلەتبەك ماۋىتاي ۇلى مەن جاڭىل قۋانتقان قىزىن اۋىزعا الۋعا تاتيدى.

    ولار وتاۋ سەميا بولعاندىقتان، ەگىستىك جەرى نە مالى بولماسادا، ەشكىمگە الاقان جايماي، ەرلى-زايىپتى ەكەۋى ەكى جاقتاپ قۇلشىنا ەڭبەك ەتىپ، تابان ەت، ماڭداي تەرلەرى ارقىلى اۋقاتتانۋعا بەت الىپ، ءبىرى سىرتتان كوتەرمە جۇمىس ىستەپ ايىنا ورتا ەسەپپەن 3مىڭ يۋانداي اقشا تاپسا، ءبىرى وتباسىنا قاراپ ەكى بالاسىن باعىپ وقىتۋمەن بىرگە، ىرگەدەگى اۋدان قالاشىعىنا ءار كۇنى 60 كيلوگرام ءسۇت اپارىپ ساتىپ كاسىپتەنىپ كەلەدى.

    اسىرەسە، بۇلار جاقىنعى ءتورت جىلدان بەرى باسقالاردىڭ كولەمى ون مۋداي ەگىستىك جەرىنىڭ ءارمۋىن 350 دە 400 يۋاننان مايلاپ الىپ، وعان قاراقات، اق جۇگەرى (ادام جەيتىن جۇگەرى) ەگىپ ەرتەرەك بازارعا سالىپ ءونىمىن كورىپ، ورتا ەسەپپەن ءار مۋىنان ەكى مىڭ يۋاننان پايدا تاۋىپ كەلەدى.

    جاڭىل تىلشىگە بىلاي دەدى: 14جىلدىڭ الدىندا نە جەرىمىز، نە مالىمىز جوق شىققان وتاۋ بولاتىنبىز. داۋلەتبەك ەكەۋىمىز قوس قولىمىزعا سۇيەنىپ كىمدە قانداي جۇمىس بولسا سونى ىستەپ ەڭبەكتەنۋىمىزدىڭ ارقاسىندا، قازىر ەل قاتارىنداعى وتباسىنىڭ ءبىرى بولدىق. اۋقاتىمىز جاقسى، قارىزىمىز جوق. كولەمى ءجۇز شارشىمەتردەن استام باسپانامىز بار. قاراقاتىمىز جىلدا ەرتە پىساتىندىقتان، الارماندار اتىز باسىنا كەلىپ كيلوگرامىن 12يۋاننان تەرگىزىپ الىپ كەتەدى. قاراقات تەرىپ جەتىسپەي قالعاندا ادام مايلاپ ىستەتەمىز. قازىر ايلىق كىرىسىمىز ورتا ەسەپپەن 6 مىڭ يۋاننىڭ ۇستىندە،–دەدى.

    ءتىلشىنىڭ جاڭىلدان ۇعىسۋىنشا، وتباسىنداعى تىركەمەسى بار ءۇش دوڭگەلەكتى ەكى موتوسيكىلمەن ەرلى-زايىپتى ەكەۋى ەكى جاقتاپ ءار جەرلەرگە قاراقات ارالاتىپ ساتۋمەن بىرگە، داۋلەتبەك قول تراكتورمەن باسقالارعا تاسىمالعا جۇرەدى ەكەن. ونىڭ سىرتىندا تاعى 125-110 تۇرپاتتى ەكى دوڭگەلەكتى ەكى موتوسيكىلمەن قالاعا ءسۇت جەتكىزەدى ەكەن.

    ەگەي ەڭبەكتەرىڭمەن ەلدەن وزىپ، شاڭىراقتارىڭنىڭ شارۋاشىلىعى شالقي بەرگەي.

 

ءتىلشىنىڭ قىزمەت ورنى: ساياسيءماسىليحات كەڭەسى كوكتوعاي اۋداندىق كوميتەتى

جاۋاپتى رەداكتور:نۇرجان مينۋار قىزى