ورتا مەكتەپكە جاڭادان قابىلدانعان وقۋشىلاردىڭ اسكەري ماشىعى باستالدى

    ىنتىماق داۋلەتباي ۇلى حابارلايدى. 14-ٴشىلدە تاڭەرتەڭ، بۋرىلتوعاي اۋداندىق 1-تولىق ورتا مەكتەبى 2017-جىلى تولىق ورتا مەكتەپتىڭ 1-جىلدىعىنا جاڭادان قابىلدانعان وقۋشىلاردىڭ اسكەري ماشىق جانە اسكەري تاربيە قيمىلىن رەسمي باستادى. مەكتەپ سالتاناتتى باستالۋ مۇراسىمىن وتكىزىپ، ماشىققا قاتىناساتىن وقۋشىلاردى تاربيەشىلەرمەن تىعىز سايكەسىپ، جاپالى جاتتىعۋ جاساپ، جۇيەلى تاربيە قابىلداپ شىنىعىپ-شىڭدالعان ساپالى وقۋشىلاردان بولۋعا جىگەرلەندىردى.

    باستالۋ سالتىنا اۋداندىق حالىق قارۋلى بولىمىنىڭ جاۋاپتى باسشىلارى، مەكتەپتىڭ نەگىزگى قول باسشىلارى، ۇسىنىس ەتىلگەن تاربيەشىلەر، كلاس جەتەكشىلەرى مەن جاڭادان قابىلدانعان وقۋشىلاردان بولىپ 500 گە جۋىق ادام قاتىناستى. باستالۋ سالتىن مەكتەپ پارتيا باس ياچەيكاسىنىڭ شۋجيى ادال ۋاپا ۇلى باسقاردى ٴارى باستالۋ ٴسوزىن سويلەپ، بۇل رەتكى اسكەري ماشىق، اسكەري تاربيە قيمىلىنا ارنايى كەلىپ قاتىناسىپ وتىرعان باسشىلاردى، جەتەكشىلىك ەتەتىن اسكەري جولداستاردى، كلاس جەتەكشىلەرىن قىزۋ مەرەيمەن قۇتتىقتاي كەلىپ، بۇل رەتكى اسكەري ماشىق قيمىلىنىڭ ماڭىزدىلىعى مەن قاجەتتىلىگىن ايىرىقشا اتاپ ٴوتىپ، وقۋشىلاردان ماشىق كەزىندەگى حاۋىپسىزدىككە باسا نازار اۋدارۋ مەن بىرگە ٴتارتىپ-تۇزىمگە سانالى بويسۇنىپ، تاربيەشىلەردى قۇرمەتتەپ، تالاپ بويىنشا مۇقيات جاتتىعۋ جاساۋدى تالاپ ەتتى.

    ۇعىسۋعا قاراعاندا، بۇل رەتكى قيمىلعا اۋداندىق قارۋلى ٴبولىمنەن، تەمىر جول ساقشى اترەتىنەن، اۋداندىق قوعام حاۋىپسىزدىك تاراۋلارىنان تاجىريبەلى 10 جەتەكشى ۇسىنىس ەتىلىپ، 10 كۇن شاماسىندا جاتتىعۋ جۇرگىزىلەدى ەكەن.

 ٴتىلشىنىڭ قىزمەت ورنى: بۋرىلتوعاي اۋداندىق 1-تولىق ورتا مەكتەپ

جاۋاپتى رەداكتور:نۇرجان مينۋار قىزى