حالىق ارمياسىن باستاپ، دۇنيە ءجۇزى بويىنشا تاڭداۋلى ارميا قۇرۋعا نىق قادام تاستادى

    − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ارميانى قۇدىرەتتەندىرۋ، ارميانى گۇلدەندىرۋ ىستەرىنە باسشىلىق ەتكەنى جانە العا ىلگەرىلەتكەنى تۋرالى

    كۇندەر جىلجىپ، ايلار اۋناپ جاتادى. ءاربىر ايبىندى ساپار تاريحتىڭ سالقار كوشىندە تەرەڭ ءىز قالدىرىپ وتىرادى.

    پارتيانىڭ 18 - قۇرىلتايىنان بەرى، قىسقا عانا 5 جىلدا ارميامىزدىڭ 90 جىلدىق شۇعىلالى بارىسىنداعى وسىنشالىق سۇبەلى، اسا ەلەۋلى − پارتيامىزدىڭ جاڭا جاعدايداعى ارميانى قۇدىرەتتەندىرۋ نىساناسى ايقىن تۇراقتاندىرىلىپ، ارميانىڭ ساياسي قۇرىلىسىن كۇشەيتۋ ىشكەرىلەي العا ىلگەرىلەتىلىپ، اسكەردى جاتتىقتىرۋعا، سوعىسقا دايىندالۋعا قاۋىرت ازىرلەنىپ، رەفورمادا قامال الۋ جالپى بەتتىك جەبەلىپ، ستيل دۇرىستاپ، ءتارتىپتى قاتايتۋ قۇدىرەتتى كۇشى ايگىلەندى... ءتوراعا شي جينپيڭ حالىق ارمياسىن جاپپاي قايتا تۇلەتۋگە، جاڭارتىپ تىڭ دەڭگەيگە كوتەرۋگە باسشىلىق ەتىپ جانە جەتەلەپ، ارميانى قۇدىرەتتەندىرۋ، ارميانى كوركەيتۋ جورىعىندا العا قاراي تاريحي نىق قادام تاستادى.

    قات - قابات قيىنشىلىقتارعا تولى جاڭا جورىق كورەگەن كوش باسشىدان ايرىلا المايدى. پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى، حالىق ارمياسىنىڭ ەڭ جوعارى قولباسشىسى − ءتوراعا شي جينپيڭ ماركسيزمشىل ساياساتكەرگە ءتان ساياسي پاراساتىمەن، نازاريالىق باتىلدىعىمەن، ەلەۋلى تالانتىمەن جانە جالپى جاعدايدى مەڭگەرۋ قابىلەتىمەن پارتيانى، مەملەكەتتى، ارميانى ارىندى جىگەرمەن جونگە سالىپ، ەل ءىشى - حالىقارالىق جالپى جاعدايىن ۇلى وي ورىسپەن جوسپارلاپ، رەفورمانى، دامۋدى، ورنىقتىلىقتى قاۋىرت العا ىلگەرىلەتتى، پارتيانىڭ، مەملەكەتتىڭ جانە ارميانىڭ بەت - بەينەسىندە وراسان زور وزگەرىس جارىققا شىعىپ، حالىق جۇرتشىلىعى مەن بۇكىل ارمياداعى كوماندير - جاۋىنگەرلەردىڭ شىنايى قۇرمەتىنە بولەندى.

    تاۋ بيىك بولعان سايىن باتىلدىقپەن ارى اسۋ، جەلكەن جايىپ ۇزدىكسىز ساپارعا اتتانۋ كەرەك. بۇكىل ارمياداعى كوماندير - جاۋىنگەرلەر ءتوراعا شي جينپيڭگە دەگەن سەنىممەن، قۇرمەتپەن، دۇنيە ءجۇزى بويىنشا تاڭداۋلى ارميا قۇرۋ سىندى بەرىك سەنىممەن ارميانى قۇدىرەتتەندىرۋدىڭ جۇڭگوشا جولىندا العا قاراي ارشىندى قادام تاستادى.

    ۇلى ىستەردى جوسپارلاپ، ارميانى قۇدىرەتتەندىرۋ جورىعىنا جەتەكشىلىك ەتتى.«جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى. وسى ۇلى ارمان مەملەكەتتى قۇدىرەتتەندىرۋ ارمانى، ارميا جونىنەن العاندا، بۇل ارميانى قۇدىرەتتەندىرۋ ارمانى بولىپ تابىلادى».

    − شي جينپيڭ

    1. اۋقىمدى دۇرىس باعامداۋ

  جۇڭنانحايداعى حۋايرىنتاڭ قازىرگى تاڭداعى جۇڭگونىڭ كورنەكتى ساياسي بەلگىسى. پارتيا مەن مەملەكەتتىڭ ۇلكەن باعىت - ساياساتتارى وسى ارادا اقىلداسىلادى، ورتالىق كوميتەتتىڭ ساياسي بيۋروسىنىڭ توپتىق ۇيرەنۋى دە وسىندا بولادى.

    تەڭىز - مۇحيتتاعى قۇدىرەتتى ەل قۇرۋ، دۇنيە ءجۇزىنىڭ اسكەري ىستەرىنىڭ دامۋىنداعى جاڭا اۋقىم جانە ارميامىزدىڭ اسكەري ىستەردەگى جاسامپازدىعىن العا ىلگەرىلەتۋ، مەملەكەت قورعانىسى جانە ارميا رەفورماسىن تەرەڭدەتۋ... پارتيا 18 - كەزەكتى ورتالىق كوميتەتىنىڭ ساياسي بيۋروسى اسكەري ىستەرگە قاتىستى ماسەلەلەردى ارقاۋ ەتە وتىرىپ ىلگەرىندى - كەيىندى 5 رەت توپتىق ۇيرەنۋ ۇيىمداستىردى.

    حالىقارالىق ستراتەگيالىق جاعداي مەن مەملەكەتتىڭ حاۋىپسىزدىك جاعدايىنداعى تەرەڭ وزگەرىستەرگە قالاي سايكەسۋ، ەلىمىزدىڭ حالىقارالىق ورنىنا ساي كەلەتىن، مەملەكەتتىڭ حاۋىپسىزدىك جانە دامۋ مۇددەسىنە ۇيلەسەتىن مىعىم مەملەكەت قورعانىسى مەن قۇدىرەتتى حالىق ارمياسىن قۇرۋ شي جينپيڭ جولداستى ۇيتقى ەتكەن پارتيا ورتالىق كوميتەتى ايرىقشا نازار اۋدارىپ وتىرعان كەلەلى ستراتەگيالىق ماسەلە سانالادى.

    ۇزدىكسىز جالعاسقان ۇيرەنۋ ءتىزىمىنىڭ استارىندا ۋاقىت پەن جاعدايدى انىق اڭعارۋ، تىنىشتىق پەن حاۋىپ - قاتەر جونىندە ەگجەي - تەگجەيلى تولعانۋ جاتىر.

    «دۇنيە جۇزىندە بۇرىن بولماعان ۇلكەن وزگەرىس تۋىلۋدا، ەلىمىز الىپ ەلدەن قۇدىرەتتى ەلگە قاراي دامۋدىڭ شەشۋشى كەزەڭىندە تۇر، ارميامىز توڭكەرىستىك وزگەرىستى باستان كەشۋدە». تىڭ تاريحي بەلەستە تۇرعان ءتوراعا شي جينپيڭ كەڭ كوزايامەن، تەرەڭ تولعانىسپەن حالىق ارمياسى قۇرىلىسىنىڭ، دامۋىنىڭ داۋىرلىك كوورديناتاسىن ايقىن تۇراقتاندىردى.

    بۇگىنگى دۇنيەدە حالىقارالىق جاعدايدا تەرەڭ ءارى كۇردەلى وزگەرىستەر تۋىلۋدا، حالىقارالىق جۇيە شاپشاڭ وزگەرۋ جانە ىشكەرىلەي رەتتەلۋ كەزەڭىنە قادام قويدى، حالىقارالىق كۇش سالىستىرماسىندا تاياۋ زاماننان بەرگى ەڭ تەرەڭ وزگەرىس تۋىلۋدا.

    بۇگىنگى جۇڭگو دۇنيە جۇزىلىك ساحنانىڭ تورىنە بۇرىن بولماعان دەڭگەيدە جۋىقتاي ءتۇستى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بۇرىن بولماعان دەڭگەيدە جاقىنداي ءتۇستى. ەلىمىزدىڭ جەدەل دامىپ، الۋەتتەنۋىنە سايكەس ءبىز ءدوپ كەلەتىن حاۋىپسىزدىك قاتەرى مەن تاۋەكەلدىكتىڭ، سىن - سايىستىڭ دا بارىنشا كۇردەلىلەنىپ، اۋىرلاي تۇسەتىنىنە نەمقۇرايدى قاراۋعا بولمايدى. دۇنيە جۇزىلىك جاڭا اسكەري ىستەر توڭكەرىسى جەدەل دامىعان، سوعىس فورماسى ينفورماتسيالانۋعا جەدەل ويىسقان جاعدايدا حالىق ارمياسىنداعى «ەكى قابىلەتتىڭ جەتكىلىكتى بولماۋى»، «ەكى پارىقتىڭ اسا زور بولۋى» سىندى ماسەلەنى جەدەل ءبىر جايلى ەتۋ اسا قاجەت بولىپ وتىر.

جاۋاپتى رەداكتور:نۇرجان مينۋار قىزى