مەملەكەتتىك 13-كەزەكتى سپورت جارىسىنا دايىندىق: اعالى-ىنىلەر جارىس مايدانىندا باسقالارمەن ىمىراعا كەلمەيدى

شينجياڭ جۇردىقشىلار كومانداسىنداعى اعايىندى-ءىنى مامەتتۇرسىن چوڭ (سولدا) جانە قۇربانجان چوڭ (وڭدا)

    12-شىلدەدە، شينجياڭ جۇدىرىقشىلار كومانداسى مەملەكەتتىك 13-كەزەكتى سپورت جارىسىنا قاتىناسۋ ءۇشىن، جاڭا عانا چيڭحايداعى ءۇستىرت جاتتىعۋىن اقىرلاستىرىپ، شينجياڭ جۇدىرىقشىلار سپورت باسقارۋ ورتالىعىنا قايتىپ كەلىپ، ەڭ سوڭعى دايىندىق جۇمىستارىن جاسادى. 27-شىلدە كۇنى ولار تيانجينعا جولعا شىعىپ، مەملەكەتتىك جۇدىرىقشىلار شەشۋشى جارىسىنا قاتىناسادى.

    شينجياڭ جۇدىرىقشىلار كومانداسىندا ءبىر جۇپ اعالى-ىنىلەر بار، ولار بولسا: مامەتتۇرسىن چوڭ جانە قۇربانجان چوڭ. مامەتتۇرسىن چوڭ شينجياڭ جۇدىرىقشىلار كومانداسىندا باستاماشى رول اتقارادى. ادامداردىڭ بارلىعى ەستىپ بىلگەندەي، قۇربانجان چوڭ اعاسىن ۇلگى تۇتادى. بيىل ءساۋىر ايى مەن مامىر ايىندا، وسى ەكى اعايىندى-ىنىلەر ارت-ارتىنان مەملەكەتتىك سپورت جينالىسىنا جول الىپ، شينجياڭ كومانداسىنا ۋاكىل بولىپ قاتىناسۋ تولىمدىلىعىنا يە بولدى.

    مامەتتۇرسىن چوڭ جۇڭگوعا ۋاكىل بولىپ بەيجيڭ جانە لوندوندا وتكەن ەكى رەتكى وليمپيادا جارىسىنا قاتىناسقان. 2013-جىلى شىنياڭ مەملەكەتتىك سپورت جارىسىندا جەكە ادامدىق ەكىنشى رەتكى التىن سيلىققا يە بولىپ، شينجياڭ جۇدىرىقشىلار كومانداسىنىڭ مەملەكەتتىك سپورت جارىسىندا ارت-ارتىنان 5 رەت التىن الۋ ارمانىن ىسكە اسىردى. 2016-جىلعى وليمپيادا جارىسىنا قاتىناسا الماعاندىقتان، مامەتتۇرسىن چوڭ كاسىپتە قيىن كەزدەردى باسىنان وتكىزەدى. جاتتىقتىرۋشىنىڭ شابىتتاندىرۋىندا، مامەتتۇرسىن چوڭ قايتادان باس كوتەرىپ، ءوزىنىڭ جۇدىرىقشىلىق ونەرىمەن قايتادان ءوز قابىلەتىن دالدەپ ءارى ءساتتى تۇردە مەملەكەتتىك سپورت شەشۋشى جارىسىنا قاتىناسۋ تولىمدىلىعىنا يە بولادى.

    مامەتتۇرسىن چوڭ شينجياڭ كومانداسى ءۇشىن ناتيجە جاراتىپ جاتقان مەزگىلدە، ءىنىسى قۇربانجان چوڭ جۇدىرىقشىلىق ونەرىن ۇيرەنۋ ويىن بىلدىرەدى. مامەتتۇرسىن چوڭ ىنىسىنە بىلاي دەيدى: مەن ساعان جۇدىرىقشىلىق ونەرىن ۇيرەتەيىن. ءبىراق، سەن سپورتشى بولماي-اق قوي. ويتكەنى، سپورتشىلار ناتيجە جاراتۋ ءۇشىن كوپتەگەن قۇرباندىقتار بەرۋ قاجەت.

    مامەتتۇرسىن چوڭنىڭ وسى ءسوزى ءىنىسىن توسىپ قالا المادى. قۇربانجان چوڭ جۇدىرىقشىلىق ونەرىن ۇيرەنۋ جولىنا تۇسەدى. 2008-جىلى قۇربانجان چوڭ قاشقارداعى دەنەتاربيە مەكتەبىنە ءتۇسىپ، 2010-جىلى تاڭدالىپ شىعىپ، شينجياڭنىڭ جۇدىرىقشىلار كومانداسىنا كىرىپ، اعاسىنىڭ ساپتاسى بولادى.

    قۇربانجان چوڭنىڭ ارمانى ەڭ جاقسى ناتيجەمەن مەملەكەت كومانداسىنا كىرۋ. بيىل قاجىرلى قۇلشىنستارى ارقىلى، ول مەملەكەتتىك سپورت جارىسىنا جول الادى. مامەتتۇرسىن چوڭ ەرەكشە قۋانىشتا بولادى. «ءىنىمنىڭ ارەكەت جىلدامدىعى تەز، جۇدىرىعى اۋىر، جاتتىعۋ مەزگىلىندە ول مەننەن مىقتى. ال مايدانعا شىققاندا، پسيحيكالىق ساپاسى جەتەرسىز بولىپ قالادى. وسى رەت قابىلەتىن قالىپتى ساۋلەلەندىرسە، مەملەكەتتىك سپورت جارىسىندا الدىڭعى سيلىقتارعا يە بولىپ قالار، ارمانىن ىسكە اسىرار»،-دەدى مامەتتۇرسىن چوڭ.

    شينجياڭ جۇدىرىقشىلار سپورت باسقارۋ ورتالىعىنىڭ ورىنباسار مەڭگەرۋشىسى، باس جاتتىقتىرۋشى ابدۇشكىر ميجىت بىلاي دەدى: مامەتتۇرسىن چوڭ تاجىربيەلى سپورتشى، سونىمەن قاتار جۇدىرىقشىلار كوماندامىزدىڭ سەركەسى، ونىڭ باستاۋىندا، شينجياڭ جۇدىرىقشىلار كومانداسىنداعى 13 ادام مەملەكەتتىك سپورت جارىسىنا قاتىناسۋ تولىمدىلىعا يە بولدى.. وسى رەتكى جارىس بۇرىنعى جارىستان وزگەشە، ويتكەنى، سپورتشىلاردىڭ بارلىعى ءبىر-ءبىر جارىس رايونىندا جارىسىپ، قارسىلاستارىن ويسىراتا جەڭىپ شىققان. مامەتتۇرسىن چوڭ مەن قۇربانجان چوڭ اعايىندى ەكەۋى بۇل رەتكى جارىستىڭ شەشۋشى جارىسنا كىردى، اعايىندى ەكەۋىنىڭ جۇدىرىقشىلار كومانداسىندا وسىنداي ناتيجە جاراتۋلارى وڭاي ەمەس.

جاۋاپتى رەداكتور:سايراش تۇرارجان قىزى