كوكتوعاي اۋداندىق قىزىل كرەست قوعامى شۇعىل جاعدايدا قۇتقارۋ، كومەك بەرۋ كۋرىسىن اشتى

    راحىمەتحان شوناي ۇلى حابارلايدى. كوكتوعاي اۋداندىق قىزىل كرەست قوعامى تۇرعىنداردىڭ قىزىل كرەست قوعامى تۋرالى تۇسىنىگىن ايقىنداۋ، تۇرعىندار جايشىلىقتا شۇعىل، حاۋىپتى جاعدايعا تاپ بولعاندا نەمەسە حاۋىپتى جاعدايعا تاپ بولعان ادامدى كورگەندە، ونى تانىسىن-تانىماسىن قول قۋسىرىپ قاراپ تۇرماي، قايتا شىنايى مەيىرىمدى پوزيتسيادا بولا ءبىلىپ، شۇعىل قۇتقارۋ ورىندارىنا حابار بەرۋمەن بىرگە، ولار كەلگەنشە حاۋىپتە قالعان ادامدى جاعدايىنا قاراي حاۋىپسىز، وڭاشا، قولايلى تىنىش ورىنعا جوتكەۋ، دايىن كولىك بولعاندا شيپاحانالارعا جەتكىزۋ، سونىمەن ءبىر ۋاقىتتا قاراپايىم تاسىلدەرمەن جاساندى جولمەن تىنىس الدىرىپ، قاتەرگە ۇشىراعان ادامنىڭ تىنىسى توقتاۋىنىڭ الدىن الۋ، سول ارقىلى تۇرعىنداردى قاي-قاشاندا ءبىر-بىرىنە مەيىرىمدى، جاناسقىش ءارى قاراپايىم قۇتقارۋ تاسىلدەرىنەن حاباردار بولىپ، ءوزارا جاردەمشىل بولىپ، جاراسىمدىلىقتى جەكە باسىنان باستاۋعا داعدىلاندىرىپ، قوعامنىڭ جاراسىمدىلىعىن شىنايى جەبەۋ ءۇشىن، جاقىندا «قىزىل كرەست قوعامى جانە تۇرعىنداردىڭ شۇعىل جاعدايدا قۇتقارۋ، كومەكتەسۋ بىلىمدەرىنەن» قۋ ەرتىس قالاشىعى تۇرعىندارىنا كۋرس اشتى.

    كۋرستا كوكتوعاي اۋداندىق قىزىل كرەست قوعامىنىڭ باسشىلارى قىزىل كرەست قوعامى جانە ونىڭ قىزمەت مىندەتى تۋرالى كۋرسانتتارعا ەگجەي-تەگجەيلى تۇسىنىك جاساپ، «جۇڭحۋا حالىق رەسپۋبليكاسىنىڭ قىزىل كرەست قوعامى زاڭىنىڭ» كونە نۇسقاسىمەن، ءىشىنارا تارماقتارىنا وزگەرىس ەنگىزىلگەننەن كەيىنگى جاڭا نۇسقاسىن سالىستىرا ءتۇسىندىردى. ونان سوڭ كاسىپتىك تەحنيك قىزمەتكەرلەر تۇرعىنداردىڭ جايشىلىقتا شۇعىل جاعدايعا تاپ بولعانداعى، مىسالى: توك سوققان، جىعىلعان نەمەسە بيىكتەن قۇلاعان، سۋعا تۇسكەن قاتارلى ت،ب، حاۋىپتە قالعان ادامدارعا جولىققاندا جەدەل جاردەمدەسىپ، قاراپايىم جولدارمەن تىنىس الدىرۋ، قوزعاۋ، قۇتقارۋدىڭ  ءونىمدى ءادىس، قاعيدالارى تۋرالى بىلىمدەردى جاندى مىسالدارمەن ءتۇسىندىردى.

    بۇل كۋرسقا جيىنى 30 دان استام ادام قاتىناستى.

جاۋاپتى رەداكتور:سايراش تۇرارجان قىزى