ازاماتتاردىڭ باس بوستاندىق ۇقىعىنا قول سۇعۋدىڭ كۇندىك تولەم قاراجاتى 258.89 يۋان دەپ بەلگىلەندى

    ءتىلشىنىڭ 31 – مامىردا ەڭ جوعارى حالىق پروكۋراتۋرا مەكەمەسىنەن ۇعىسۋىنشا، ەڭ جوعارى حالىق پروكۋراتۋراسى قىلمىستىق ىستەر ارىز – شاعىم تەكسەرۋ مەڭگەرمەسى 31 – مامىردا ۇقتىرۋ تاراتىپ، ءار دارەجەلى پروكۋراتۋرا مەكەمەلەرىنىڭ وزىندىك تولەم بەرۋگە بورىشتى ورگاندارى مەملەكەتتىك تولەم بەرۋ دەلولارىن ءبىر جاقتى ەتكەن كەزىندە كۇندىك تولەم بەرۋدىڭ 258.89 يۋاندىق ەڭ جاڭا ولشەمىن اتقارۋىن تالاپ ەتتى.

    ەڭ جوعارى حالىق پروكۋراتۋراسى قىلمىستىق ىستەر ارىز – شاعىم تەكسەرۋ مەڭگەرمەسى قاتىستى جاۋاپتىسىنىڭ تانىستىرۋىنشا، مەملەكەتتىك تولەم بەرۋ زاڭىنىڭ 33 – تاراۋىندا بىلاي دەپ بەلگىلەنگەن: «ازاماتتاردىڭ باس بوستاندىعىنا سۇعاناقتىق جاسالعاندا بەرىلەتىن كۇندىك تولەم قاراجاتى ەلىمىزدەگى جۇمىسشى – قىزمەتكەرلەردىڭ وتكەن جىلعى كۇندىك ورتاشا ەڭبەكاقىسى بويىنشا ەسەپتەلگەن». مەملەكەتتىك ساناق مەكەمەسىنىڭ 2017 – جىلى 27 – مامىردا جاريالاۋىنشا، 2016 – جىلى بۇكىل ەلدىڭ قالا – قالاشىقتارىنداعى بەي تيجارات سيپاتىندىق مەكەمەلەرىندە ىستەيتىن قىزمەتكەرلەردىڭ جىلدىق ورتاشا ەڭبەكاقىسى 67 مىڭ 569 يۋان بولعان. جوعارىداعى زاڭدىق بەلگىلەمەگە نەگىزدەلگەندە، ساناق مالىمەتى ءارى ادام كۇشى بايلىعى جانە قوعامدىق قامتاماسىزداندىرۋ مينيسترلىگى قامداعان كۇندىك ەڭبەكاقى ولشەمىن ەسەپتەۋ فورمالاسىنا ساي، ازاماتتاردىڭ باس بوستاندىعىنا سۇعاناقتىق جاساۋعا مەملەكەتتىك تولەم بەرۋ دەلولارىنا قاراتا، ەڭ جوعارى حالىق پروكۋراتۋراسى قىلمىستىق ىستەر ارىز – شاعىم تەكسەرۋ مەڭگەرمەسى كۇندىك تولەم قاراجاتتىڭ 258.89 يۋاندىق ەڭ جاڭا ولشەمىن بەكىتتى. بۇدان سىرت «ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋرا مەكەمەسىنىڭ قىلمىستىق ىستەر تولەم دەلولارىن ءبىر جاقتى ەتۋدە زاڭ قولدانۋ جونىندەگى ءبىر قانشا ماسەلەگە تۇسىنىگىنىڭ» 21 – تاراۋ 2 – تارماعىندا بىلاي دەپ بەلگىلەنگەن: ءار دارەجەلى حالىق پروكۋراتۋرا مەكەمەلەرى 2017 – جىلى 31 – مامىردان باستاپ كۇندىك تولەم بەرۋدە وسى جاڭا ولشەمدى اتقارۋى كەرەك.

جاۋاپتى رەداكتور:سايراش تۇرارجان قىزى