قىزمەت اترەتىندەگىلەر قىستاق بۇقاراسىنىڭ سۇرلەم بورميىن ەگىپ، سۇرلەم باسۋلارىنا كومەكتەستى

    گۇلنار ءاۋساي قىزى حابارلايدى. شىڭگىل اۋدانى ارال اۋىلىنىڭ ءدوڭتى قىستاعى مال شارۋاشىلىعىن نەگىز ەتەتىن قىستاق بولىپ، قىستاق بۇقاراسى قىسقى جەم-ءشوپ جەتىسپەۋ ماسەلەسىنە ءار جىلى جولىعاتىن. اۋداندىق اۋىل شارۋاشىلىعى مەكەمەسىنەن وسى قىستاقتا تۇرىپ قىزمەت وتەۋگە تۇسكەن قىزمەت اترەتىندەگىلەر وتباسىلارىن ارالاۋ بارىسىندا وسى قىستاقتا بىردە ءبىر وتباسىنىڭ سۇرلەم بورميىن ەگىپ، سۇرلەم باسپايتىندىعىن ۇعىسقاننان كەيىن، قىستاق ەكى كوميتەتىمەن اقىلداسۋ ارقىلى، وسى قىستاقتا سۇرلەم بورميىن ەگۋ جانە سۇرلەم ۇراسىن سالۋدى وسى قىستاقتىڭ مال شارۋاشىلىعىن دامىتۋداعى ءتۇيىندى قىزمەتى ەتىپ بەكىتتى.

    وسى ارقىلى ءبىر جاعىنان مالشىلاردى سۇرلەم باسۋعا شابىتتاندىرىپ، بيىل 380 مۋ جەرگە سۇرلەم ەگۋدى، ەندى ءبىر جاعىنان مال شارۋاشىلىعى تاراۋلارىنان قاتىستى نىساندى قولعا كەلتىرىپ، سۇرلەم ۇراسىن سالىپ، مالدارعا جەم-ءشوپ جەتىسپەۋ ماسەلەسىن شەشىم ەتپەكشى.

    قىستاق تۇرعىنى سەرىك تىلشىگە بىلاي دەدى:«مەن بيىل 28 مۋ جەرگە سۇرلەم بورميىن ەكتىم. قىزمەت گرۋپپاسىنداعىلاردىڭ كومەگىندە سۇرلەم باسۋ ۇراسى دا دايىندالدى. ەگەر ءبارى ءساتتى بولاتىن بولسا مالدارعا جەم-ءشوپ جەتىسپەۋ ماسەلەسى شەشىم ەتىلەتىن بولدى. قىزمەت گرۋپپاسىنداعىلاردىڭ كومەگىنە كوپ-كوپ راحىمەت».

 

ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور:نۇرجان مينۋار قىزى