التىن جاتسا دا،كوز قىرىن سالمادى


    تاسقىن بايجۇما ۇلى، جاڭ ۋي حابارلايدى. فۋكاڭ قالالىق 3-ورتا مەكتەپ 7-جىلدىق (8) كلاس وقۋشىسى اقمارال جەڭىس قىزى 14-مامىر جەكسەنبى تۇستەن كەيىن ۇيىنەن مەكتەپكە قايتىپ كەلە جاتقاندا مەكتەپتىڭ باتىس جاق ىرگەسىندەگى جول بويىنان 500 يۋان ناق اقشا تاۋىپ الادى.

    اقشا يەسى ءدال وسى ساتتە ابىرجىپ، ىزدەپ جۇرگەن بولار دەپ ويلاعان ول اقشانى مەكتەپ يدەيا –ءمورال بولىمىندەگى تيان مانمان مۇعالىمعا تاپسىرىپ بەرەدى.

    كوپشىلىكتىڭ سۇراستىرۋى ارقىلى يەسى تابىلىپ، اقشاسىن ابايسىزدا جوعالتىپ العان 9-جىلدىق (1) كلاستاعى جوۋ يۇشۋاي ساباقتاستىڭ قولىنا تابىس ەتىلەدى.ا قمارالدىڭ التىن جاتسادا كوز قىرىن سالماعان ادالدىق اسىل قاسيەتىنەن اسەرلەنگەن جوۋ يۇشۋاي ساباقتاستىڭ شەشەسى ليۋ چيۋليڭ 16-مامىر تۇستەن كەيىن العىس حاتىن جازىپ اكەلىپ، اقمارال ساباقتاسقا العىسىن جاۋدىرادى.

    17-مامىر تاڭەرتەڭ تۋ شىعارۋ سالتىندا مەكتەپ باسشىلىعى وعان «ادال وقۋشى» دەگەن اتاق بەرىپ، 7-جىلدىق (8) كلاس پەن 7-جىلدىق كوللەكتيۆىن ماداقتاۋمەن بىرگە وقىتۋشى-وقۋشىلار قاۋىمىن اقمارال ساباقتاستىڭ ىزگى ىسىنەن ۇيرەنۋگە ۇندەدى.

جاۋاپتى رەداكتور:نۇرجان مينۋار قىزى