7-كەزەكتى ءۇرىمجى حالىقارالىق ازىق-تۇلىك كورمەسىنىڭ شىمىلدىعى اشىلدى

كاۋاپ جەپ وتىرعان بالاقاي

    18-مامىر كۇنى، 7-كەزەكتى ءۇرىمجى حالىقارالىق ازىق-تۇلىك كورمەسى شينجياڭ كورمە ورتالىعىندا شىمىلدىعىن اشتى. بۇل جولعى كورمە اۆتونوميالى رايوندىق ساۋدا مەڭگەرمەسى مەن ءۇرىمجى قالالىق حالىق ۇكىمەتى وتكىزگەن بەس كۇندىك كورمە. كورمە حالىقارالىق كورمە رايونى جانە ەل ءىشى كورمە رايونى دەپ ەكى بولىمگە بولىنگەن، بۇنىڭ ىشىندە، حالىقارالىق كورمە رايونىندا 43 مەملەكەت پەن رايوننان كەلگەن 350 كاسىپورىن كورمەگە قاتىسقان، ەل ءىشى كورمە رايونىندا ەلىمىزدىڭ 23 ولكە قالا، شينجياڭنان 8 ايماق-وبلىستان كەلگەن 620 كاسىپورىن كورمەگە قاتىستى. كورمەدە دامدەندىرگىش، ءسۇت ونىمدەرى، ەت ونىمدەرى، شاي، كوفە، بالكۇلشە، جەمىس قاتارلى ون مىڭعا جۋىق ازىق -تۇلىك قويىلعان. بۇدان سىرت، كورمە كەزىندە جىبەك جولى ەكونوميكالىق بەلدەۋىنىڭ ازىق-تۇلىك كاسىبى ءماجىلىسى، جاڭا جىبەك جولى تىزبەكتى ازىق-تۇلىك حالىقارالىق ىنتىماقتاستىق مىنبەرى، شينجياڭ ەرەكشە ءدامدى تاعامداردى كوپشىلىكپەن باعالاۋ، شينجياڭنىڭ «10 ءدامدى تاعامىن» جاريالاۋ قاتارلى ماڭىزدى قيمىلدار وتەدى.

    ۇعىسۋعا قاراعاندا، كورمەنىڭ ەسىك بەلەتى 20 يۋان بولىپ، ءۇرىمجى قالاسىنداعى حالىققا قولايلى كوكتات ساتۋ ورىندارىندا جانە شينجياڭ حالىقارالىق كورمە ورتالعىنىڭ وڭتۇستىك، باتىس، شىعىس ەسىكتەرىندە ساتىلادى ەكەن. ءار كۇنگى كورمەگە كىرۋ ۋاقىتى ساعات 10:30 نان 18:30 عا دەيىن (بەيجيڭ ۋاقىتى).

جاۋاپتى رەداكتور:سايراش تۇرارجان قىزى