لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

    مەملەكەتتىك كەڭەستىڭ زۇڭليى لي كىچياڭ 17 - مامىردا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە كاسىپورىندارعا ساياتىن تيجارات، قىزمەت وتەۋ اقىسىن اناعۇرلىم تومەندەتىپ، زات اينالىسىنا پايدالانىلاتىن ەنەرگيانىڭ وزىندىك قۇنىن تومەندەتىپ، كاسىپورىنداردىڭ جۇگىن جەڭىلدەتۋگە دەم بەرۋ بەلگىلەندى؛ تۇيىندە سىناق ەتۋ ۇلگىسىمەن «جۇڭگو جاساۋ كاسىبى – 2025» ستراتەگياسىنىڭ ىشكەرىلەي جۇرگىزىلۋىن ىلگەرىلەتىپ، جاساۋ كاسىبىنىڭ تيپتە بۇرىلىس جاساپ، دارەجەنى جوعارىلاتۋىن جەبەۋ ورنالاستىرىلدى.

    ورتالىقتىڭ ەكونوميكالىق قىزمەت ءماجىلىسىنىڭ رۋحى مەن «ۇكىمەت قىزمەتىنەن باياندامانىڭ» ورنالاستىرۋى بويىنشا، قامداۋ تۇرىندەگى قۇرىلىمدىق رەفورمانى ىلگەرىلەتۋ، بازاردىڭ ومىرشەڭدىك قۋاتى مەن قوعامنىڭ جاسامپازدىق قۋاتىنا دەم بەرۋ توڭىرەكتەلىپ، ماجىلىستە الدىڭعى مەرزىمدە شىعارىلعان كاسىپورىنداردىڭ اۋىرتپالىعىن جەڭىلدەتۋگە ساياتىن ساياساتتاردى ويداعىداي تياناقتاندىرۋ نەگىزىندە، اقىنى تومەندەتۋگە ساياتىن ءبىرقىدىرۋ شارانى تاعى شىعارۋ بەلگىلەندى. بىرىنشىدەن، كاسىپورىنداردىڭ زات اينالىسى وزىندىك قۇنىن تومەندەتۋ كەرەك. ەلەكتر تورابى سەرىكتگىنىڭ تەمىر جول تاسىمال سەرىكتىكتەرىنەن الاتىن ەلەكترلەنگەن تەمىر جول قارىز قايتارۋ ەسەبىندەگى ەلەكتر باعاسىن كۇشىنەن قالدىرۋ، تەمىر جول زات تاسىمال اقىسىن ۇقساس سومادا تومەندەتۋ كەرەك. زات تاسىمالى اۆتوموبيلدەرىنىڭ جىلدىق تەكسەرۋى مەن جىلدىق بەكىتۋىن زاڭ بويىنشا بىرىكتىرىپ، تەكسەرۋ اقىسىنا جۇمسالاتىن اۋىرتپالىقتى جەڭىلدەتۋ كەرەك. گانسۋ، چيڭحاي، ىشكى موڭعۇل، نيڭشيا سىندى 4 ولكە، اۆتونوميالى رايوننىڭ قارىز قايتارۋ ەسەبىندەگى 2 – دارەجەلى تاس جولدان الىناتىن اقىسىن كۇشىنەن قالدىرۋ كەرەك. جاڭا، جاندى اۋىل شارۋاشىلىق ونىمدەرىنىڭ ىركىلىسسىز جول ساياساتىنىڭ اتقارىلۋ تەبىنىن نىعايتۋ كەرەك. ەكىنشىدەن، ولكە دارەجەلى ەلەكتر تورابىنىڭ ەلەكتر ۇلەستىرۋ باعا رەفورماسىن ىلگەرىلەتىپ، ەلەكتر ۇلەستىرۋ باعاسىن لايىقتى تومەندەتۋ كەرەك. ەلەكتر تاراتاتىن كاسىپورىندار مەن تۇتىنۋشىلاردىڭ تىكەلەي ساۋدالاسۋ كولەمىن ۇلعايتۋ كەرەك. ەلەكتر باعا قۇرىلىمىن رەتتەپ، ونەركاسىپ كاسىپورىندارىنىڭ قۇرىلىمدى رەتتەۋ ارناۋلى قارجىسىن كۇشىنەن قالدىرۋ، كولەمدى سۋ ەلەكتر قۇرىلىسىنىڭ قورى مەن ءىرى، ورتا تيپتەگى سۋ قويمالارىنىڭ تۇرعىنداردى كوشىرۋدەن كەيىنگى سۇيەمەلدەۋ قورىنىڭ جيناۋ ولشەمىن ازايتۋ، كۇكىرتسىزدەندىرىلگەن، ازوتسىزداندىرىلعان ەلەكتر اقىسىن لايىقتى تومەندەتۋ سياقتى شارالارمەن كاسىپورىنداردىڭ ەلەكتردەن پايدالانۋ اۋىرتپالىعىن جەڭىلدەتۋ كەرەك. قۇبىر جولى تاسىمال باعاسىن تومەندەتۋ، الباتى اقىل الۋ جايتتەرىن اداقتاپ، ءبىر جاقتى ەتۋ شارالارىن قولدانىپ، ولكە ىشىندەگى تابيعي گاز قۇبىرىنىڭ ۇلەستىرۋ اقىسىن تومەندەتۋ كەرەك. ۇشىنشىدەن، تيجارات، قىزمەت وتەۋ تۇرىندەگى اقىنى ازايتۋ كەرەك. اكىمشىلىك تەكسەرىپ بەكىتۋ تاراۋلارى تەحنيكالىق قىزمەت وتەۋ ىستەرىن ورىستەتسە، بارلىق قاراجاتتى وزدەرى شىعارۋ كەرەك. كاسىپ قوعامدارىنىڭ، ساۋدا قوعامدارىنىڭ ۇيلەسىمسىز اقى تۇرلەرىن كۇشىنەن قالدىرىپ، ساقتاپ قالىنعان تۇرلەردىڭ وتە جوعارى ولشەمدەرىن تومەندەتۋ كەرەك. فينانس قۇرىلىمدارىنىڭ اقى الۋ ارەكەتىن ارناعا ءتۇسىرىپ، ساۋدا اۆتوموبيلدەرىن قامسىزداندىرۋ رەفورماسىن تەرەڭدەتىپ كاسىپورىنداردىڭ قامسىزداندىرۋ اقىسى جاعىنداعى اۋىرتپالىعىن جەڭىلدەتۋ كەرەك. جوعارىداعى شارالار اتقارىلسا، ءبىر جىلدا كاسىپورىنداردىڭ 120 ميلليارد يۋان جۇگى جەڭىلدەيدى. ماجىلىستە مىنالار تالاپ ەتىلدى، ءار تۇردەگى الباتى اقى الۋ ارەكەتتەرىنە قاراتا تيپتىكتەرىن يگەرىپ، باتىلدىقپەن اشكەرەلەپ، قاتتى جونگە سالۋ كەرەك. كاسىپورىندارعا ساياتىن اقىلاردى جاريا ۇستاۋ ءتۇزىمىن جاپپاي اتقارۋ، ءار دارەجەلى جەرگىلىكتى ۇكىمەت وسى جىلدىڭ ىشىندە كاسىپورىندارعا ساياتىن اقى الۋ تىزىمدىگىن سىرتقا جاريالاۋى كەرەك.

جاۋاپتى رەداكتور:سايراش تۇرارجان قىزى