«حالىق ساقشىسى» اتىنداعى قۇجاتتى فيلىمدى ءتۇسىرۋ جۇمىسى باستالدى

    «حالىق ساقشىسى» اتىنداعى قۇجاتتى فيلىمدى ءتۇسىرۋ جۇمىسى مەن جەلىلەس قيىملدارى 10 – مامىر ۇرىمجىدە باستالدى.

    «حالىق ساقشىسى» فيلىمىنىڭ ءبىر بولەگى بولعان «جاقسى ساقشىنىڭ اڭگىمەسىن ايتىپ، قوعام حاۋىپسىزدىگىنىڭ ءۇنىن جەتكىزۋ» اتىنداعى قۇجاتتى فيلىمدى قوعام حاۋىپسىزدىك مينيسترلىگىنىڭ جينماۋ كينو – كەسكىن مادەنيەت ورتالىعى مەن قورعاس مەيگاۋ مادەنيەت تاراتۋ شەكتى سەرىكتىگى بىرلىكتە قارجى قوسىپ تۇسىرمەكشى، مۇندا نەگىزگى ساتىداعى ساقشىلار مەن ولاردىڭ وتباسىن باستى تاقىرىپ ەتۋ ارقىلى، ولاردىڭ قاراپايىم دا قاربالاس تۇرمىسى مەن قىزمەتىن فيلىمگە ارقاۋ ەتكەن. بيىل العاشقى جارىم جىلدا الدىمەن 28 سەرياسىن تۇسىرەدى، شينجياڭنان تاڭدالعان 20دان استام قاھارمان، ەڭبەك وزاتى، ۇزدىك جەكەلەردى نەگىز ەتىپ تۇسىرەدى، ۇلتتار ىنتىماعى، بۇقارالىق لۋشياندى اتقارۋ، سوتسياليستىك وزەكتى قۇن كوزقاراسىن ساۋلەلەندىرۋ قاتارلى جاقتارداعى شىن ۋاقيعالاردى بايان ەتەدى، وسى ارقىلى كەيپكەرلەردىڭ قاراپايىم قىزمەت ورنىنداعى ەلەۋلى ناتيجەسىن جىرلايدى.

    اتالعان فيلىم ءتۇسىرىلىپ بولعان سوڭ ورتالىق تەلەۆيزيادا تاراتىلادى.

جاۋاپتى رەداكتور:سايراش تۇرارجان قىزى