تاسقىننان ساقتانۋ توسپاسى بەكەمدەلدى

 

    سەرىك يمانقان ۇلى حابارلايدى. «ۇعىسۋ، تيىمدىلىك جاساۋ، توعىستىرۋ» تالابى بويىنشا اۋىل- قىستاقتىڭ ەڭ قاجەت ەتكەن جەرىنە بارعان ەلىمجان ازاماتتار بار ىنتا- پەيىلدەرىمەن نەگىزگى ساتىنىڭ كۇرمەۋى كوپ جۇمىستارىنا ارالاسىپ، حالىق تىلەگىنىڭ قامىنان شىعۋعا قۇلشىندى.

    بۋرىلتوعاي اۋدانى كوكاعاش اۋىلىنىڭ اقوتكەل قىستاعىنا بارعان قىزمەت اترەتى ەكى ايدان بەرى وتباسىن ارالاپ جاعداي ۇعىسۋ، بۇقارامەن اڭگىمە ءماجىلسىن وتكىزۋ، بۇقارانىڭ ايتار داتىن قابىلداۋ تاسىلىمەن بۇل قىستاقتاعى كوپ ساندى تۇرعىنداردىڭ تۇراعى مەن ەگىستىك جەرى ۇلىڭگىر وزەنىنىڭ جاعاسىنا ورنالاسقان سەبەپتى ءارجىلى كوكتەم كەلسىمەن قار ەرۋ سيپاتىنداعى تاسقىن اپاتى پايدا بولاتىندىعى ءتىپتى ءبىر بولىم ەگستىك جەرلەردى تاسقىن سۋى بۇلدىرگەندىگى ءالى دە قازىرگى بار ەگستىك جەرلەرگە تاسقىن سۋىنىڭ حاۋىپى تونىپ تۇرعاندىعىنان تولىق حابارلار بولادى.

    مىنە وسى ناقتىلى جاعدايدى كوزدە ۇستاعان قىستاققا تۇسكەن قىزمەت اترەتى مەن قىستاق ەكى القاسى كوپ رەت جيىن اشىپ بۇل ماسەلەنى تالقىلادى. جان- جاقتىلى قۇلشىنس جاساۋ ناتيجەسىندە جوسپار جوبالارىن اق وتكەل قىستاعى مەن مەشىت قىستاعىن ۇلىڭگىر وزەن ارناسىن جالپى بەتتىك وڭاۋداعى سۋ ىستەر نىسانىنا كىرگىزدى. ءساۋىر ايىنىڭ 27- كۇنى ايماقتىق سۋ ىستەر مەكەمەسىنىڭ قاتىستى باسشىلارى مەن تاسقىننان ساقتانۋ توسپاسىن جوندەۋ ورىندارىنىڭ جاۋاپتى ادامدارى كەلىپ تاسقىننان ساقتانۋ توسپاسىن جوندەۋ جايلى ماسەلەلەردى ناق مايداندا كورىپ اقىلداستى. سونداي- اق، جوندەلەتىن تاسقىننان ساقتانۋ توسپاسى ءارى تاسقىن سۋىن توسۋمەن قاتار باسقا وزەنگە قۇيا الاتىن بولىپ، توسۋمەن اعىزۋدى قاتار الىپ باراتىن قۋاتقا يە بولىپ، وزەن جاعاسىنداعى تۇرار- جاي مەن ەگستىك جەردى بۇلدىرۋىن تۇبەگەيلى شەشىپ، ەگىنشى، مالشىلاردىڭ مال- مۇلىك زيانىن ەڭ تومەنگى دەڭگەيدە تومەندەتە الاتىن بولۋدى تالاپ ەتتى.

    وسى نىساننىڭ جولعا قويىلۋى ۇلىڭگىر وزەنى ەكى جاعالاۋىنداعى تۇرار- جاي مەن ەگىستىك جەرلەردىڭ تاسقىن مەزگىلىنەن حاۋىپسىز وتۋىنە بەرىك نەگىز قالادى. سونداي- اق، ەگىنشى، مالشى بۇقارالارىنىڭ ءوندىرىس تۇرمىس حاۋىپسىزدىگىن شىنايى قامتاماسىزداندرىپ، حالىق تىلەگىن ۇيىستىرىپ، حالىق قۋاتىن شوعىرلاندىردى. قىستاققا تۇسكەن قىزمەت اترەتىنىڭ دە ەلەۋلى ناتيجەسى كورىنىپ، حالىقتىڭ سەنىمى مەن پارتيا، ۇكىمەتتىڭ شىنايى العىسىنا بولەندى.

 

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:نۇرجان مينۋار قىزى