قىزمەت اترەتى سۋ قۇبىرىن جوندەدى


    مەيرامگۇل مۇسىنات قىزى حابارلايدى. 16-مامىر كۇنى ، قوبىقسارى موڭعۇل اۆتونوميالى اۋدانى بوستەڭكى مال فەرماسىنىڭ ۇلانعادا قىستاعىنا تومەنگە تۇسكەن اۋداندىق ورمان شارۋاشىلىعى مەكەمەسىنىڭ قىزمەت اترەتى، قىستاق ەكى كوميتەتىنىڭ كادرلارىمەن بىرگە سۋ قۇبىرىن جوندەپ بۇقارانىڭ اۋىز سۋى مەن ءتورت تۇلىك مالىنىڭ سۋات ماسەلەسىن شەشتى.

    بۇقارانىڭ ءتۇبىرلى مۇددەسىنە ساياتىن ەڭ كوكەيتەستى ماسەلەسىن شىنايى، ناتيجەلى شەشىم ەتۋدى كوزدە ۇستاپ، حالىق بۇقاراسىنىڭ ارمان –تىلەگىنە تەرەڭ سۇيىسپەنشىلىك، وسكەلەڭ جاۋاپكەرشىلكپەن قۇلاق اسۋ ءۇشىن، قوبىقسارى موڭعۇل اۆتونوميالى اۋداندىق ورمان شارۋاشىلىعى مەكەمەسىنىڭ بوستەڭكى مال فەرماسى ۇلانعادا قىستاعىنا تومەنگە تۇسكەن قىزمەت اترەتى ءۇشىنشى رەت وتباسىلارىن ارالاپ احۋال ۇعىسۋ بارىسىندا، قىستاۋدان مايىنتى كوكتەۋلىگىنە كوشكەن مالشىلاردىڭ مال-جانىن بىردەن-ءبىر اۋىز سۋىمەن جانە سۋاتپەن قامدايتىن سۋ قۇبىرىنىڭ بۇزىلىپ قالعانىن، مالشىلاردىڭ اۋىز سۋىن تۇتىنۋى مەن مالدارىن سۋارۋى قيىنعا سوعىپ، مال مەن باس بىردەي قيىنشىلىقتا قالعانىن ۇعىسقاننان كەيىن، دەرەۋ اتتانىسقا كەلىپ قىستاق ەكى كوميتەتىمەن سەلبەسىپ، سۋ قۇبىرىن دەر كەزىندە جوندەپ، حالىقتىڭ كوز الداعى قينشىلىعىن شەشتى.

    بۇگىن مەن قىزمەت اترەتىندەگىلەرمەن بىرگە سۋ قۇبىرىن جوندەۋگە قاتىناستىم. جاسىم ەگدەلەپ قالسادا ولاردىڭ قىستاعىمىزداعى مال باسىمىز ءۇشىن جاندارىن سالا ەڭبەك ىستەپ، بەينە ءوز وتباسىلارىنىڭ جۇمىسىنداي ساناپ كىرىسكەنىن كورىپ توتەنشە تەبىرەنىپ، ولارمەن بىرگە مەن دە ەڭبەك ىستەدىم،–دەدى وسى قىستاقتىڭ تۇرعىنى شاعالا اقساقال.

    قىزمەت اترەتى مەن قىستاق ەكى كوميتەتىنىڭ كادرلارى ءبىركۇن جاپالى ەڭبەك ىستەۋ ارقىلى 8 مەتردەن استام قۇبىر جولىن ريممونتتاپ، قىستاقتاعى 70 تەن استام وتباسىنىڭ اۋىز سۋ قيىنشىلىعى مەن 20 مىڭنان ارتىق ءار تۇلىك مالدىڭ سۋات ماسەلەسىن تۇبەگەيلى شەشىم ەتىپ، ۇلانعادا قىستاعىنداعى ءار ۇلىت حالقىنىڭ القاۋىنا بولەنىپ، سەنىمىنە يە بولدى.

جاۋاپتى رەداكتور:نۇرجان مينۋار قىزى