رايونىمىز «گيگابايت بويىنشا ولشەنەتىن اقىلدى وپتيكالىق ينتەرنەت جەلىسى داۋىرىنە» قادام باستى

    شينجياڭ تەلەگرافى 1 - قىركۇيەكتەن باستاپ قول تەلەفونداردىڭ ەل ىشىندەگى الىس ارالىقتى حابارلاسۋداعى رايون اتتاۋ اقىسىن كۇشىنەن قالدىرادى

    گيگابايت بويىنشا ولشەنەتىن اقىلدى وپتيكالىق ينتەرنەت جەلىسى قانشالىق تەز؟ 5 مەگابايتتتىق تۇنىق مۋزيكا، 10 مەگابايتتىق تۇنىق سۋرەتتى كوزدى اشىپ - جۇمعانشا ءتۇسىرىپ الۋعا بولادى، ءبىر گيگابايتتىق تۇنىق فيلم تۇسىرۋگە نەبارى 8 سەكۋند، 8 گيگابايتتىق كەسكىندى تۇسىرۋگە نەبارى 56 سەكۋند ۋاقىت كەتەدى... 16 - مامىر كۇنى جۇڭگو تەلەگرافى شينجياڭ سەرىكتەستىگى ەسكەرتكىش سيپاتتى كەزەڭدىك بۋىنعا ءدوپ كەلدى، گيگابايت بويىنشا ولشەنەتىن اقىلدى وپتيكالىق ينتەرنەت جەلىسىنىڭ جولعا قويىلۋى شينجياڭنىڭ رەسمي تۇردە «گيگابايت بويىنشا ولشەنەتىن اقىلدى وپتيكالىق ينتەرنەت جەلىسى داۋىرىنە» قادام باسقانىن ايگىلەدى. سونىمەن بىرگە، ينتەرنەت قارقىنىن جوعارىلاتىپ، اقىسىن تومەندەتۋدى ناقتى ىلگەرىلەتۋ ءۇشىن، قول تەلەفوننىڭ ەل ىشىندەگى الىس ارالىق حابارلاسۋداعى رايون اتتاۋ اقىسى شينجياڭدا ەلىمىزدىڭ باسقا جەرلەرىنەن ءبىر اي بۇرىن، ياعني 1 - قىركۇيەكتەن باستاپ كۇشىنەن قالدىرىلاتىن بولدى.

    ۇعىسۋعا قاراعاندا، شينجياڭ تەلەگرافى «زەردەلى شينجياڭ» قۇرىلىس نىساناسىن ءتۇيىندى تۇردە ارقاۋ ەتىپ، وپتيكالىق تالشىقتى ينتەرنەت جەلىسىنىڭ دەڭگەيىن جوعارىلاتۋ قىزمەتىن جاپپاي باستاپ، ينتەرنەتتىڭ دەڭگەيىن جوعارىلاتىپ، جىلدامدىعىن ارتتىرۋدى جەدەلدەتىپ، وپتيكالى ينتەرنەت جەلىسىنىڭ قامتۋ اۋماعىن كەڭەيتىپ، 10 ميلليون دارەجەلىك وپتيكالىق ينتەرنەت جەلىسىن كىرگىزۋ قابىلەتىن قالىپتاستىرعان. بىلتىر جەلتوقسانعا دەيىن، شينجياڭداعى قالالاردا وپتيكالىق ينتەرنەت جەلىسى تۇگەلدەي جالپىلاسىپ، اۋىل - قىستاقتاردا جالپىلاسۋ مولشەرى %80كە جەتكەن. بيىل ساۋىردە شينجياڭ تەلەگرافى «كەڭ جولاقتى ينتەرنەت جەلىسى ارقىلى حالىققا تيىمدىلىك جەتكىزۋدىڭ جىلدامدىق ارتتىرۋ جوسپارىن» جالپى بەتتىك ورىستەتىپ، جەلىدەگى بارلىق ابونتتاردىڭ ينتەرنەت جىلدامدىعىن 20 مەگابايتقا، ەڭ جوعارى بولعاندا، 200 مەگابايتقا اقىسىز شىعارعان بولاتىن، مەجە بويىنشا جىل سوڭىندا شينجياڭ تەلەگراف ابونتتارىنداعى 100 مەگابايتتىق ابونتتاردىڭ سالىستىرماسى %40كە جەتەدى ەكەن.

    گيگابايت بويىنشا ولشەنەتىن اقىلدى وپتيكالىق ينتەرنەت جەلىسىن جاريالاۋمەن بىرگە، شينجياڭ تەلەگرافى تاعى دا اقىلدى وپتيكالىق كەڭ جولاقتى ينتەرنەت جەلىسىن الدىمەن ويلاستىرۋ، تەز ورناتۋ، تەز رەمونتتاۋدى قامتىعان ساپالى قىزمەت كورسەتۋدى دە جولعا قويعان، سونىمەن ينتەرنەت جەلىسى ءوتىنىش ەتىلگەن كۇنى ورناتىلىپ، ءوتىنىش ەتىلگەن كۇنى رەمونتتالاتىن، قىزمەت كورسەتۋ كەشەۋىلدەسە تولەم بەرەتىن ولشەم شىعارىلىپ، ابونتتاردىڭ جاڭادان قوستىراتىن قىزمەت ەتۋ تۇرلەرىنە، رەمونتتاۋ وتىنىشتەرىنە قاتاڭ ۋاقىت شەكتەمەسى بەلگىلەنگەن ءارى ۋادەلى ۋاقىتتا وتباسىلارىنا بارىپ قىزمەت كورسەتە الماسا تولەم تولەيتىنى دە بەلگىلەنگەن.

جاۋاپتى رەداكتور:سايراش تۇرارجان قىزى