شينجياڭنىڭ تەمىر جول - تەڭىز جولى بىرلەسپە تاسىمالىنىڭ حالىقارالىق تۇڭعىش كەزەكشى پويەزى جولعا شىقتى

    تاۋارلار «ءبىر بەلدەۋ، ءبىر جول» ارقىلى شىعىس وڭتۇستىك ازياعا تىكە جەتكىزىلەدى، ساڭلاۋسىز ۇشتاسۋ تۇڭعىش رەت جۇزەگە اسىرىلادى

    گەرمانيانىڭ دۋيسبۋرگ قالاسىنان جولعا شىعىپ، اۆستريانىڭ ساپالى اعاش قويمالجىڭىن تولتىرا تيەگەن جۇڭگو - ەۆروپا تۇڭعىش كەزەكشى پويەزى 16 - مامىردا شينجياڭعا جەتتى، ءۇرىمجى حالىقارالىق قۇرلىقتىق پورت رايونىندا اۋىستىرىپ تيەۋدەن كەيىن، تەمىر جول ارقىلى ليانيۇنگاڭعا بارىپ، ونان ارى تەڭىز جولى ارقىلى ءۇندىستانعا جانە شىعىس وڭتۇستىك ازيا ەلدەرىنە جەتەدى.

    ءۇرىمجى حالىقارالىق قۇرلىقتىق پورت رايونىن دامىتۋدى جەبەۋ كەڭسەسىنىڭ مەڭگەرۋشىسى ليۋ شاۋحۋا تانىستىرىپ بىلاي دەدى: ءۇرىمجى حالىقارالىق قۇرلىقتىق پورت رايونىنان تۇڭعىش رەت جولعا شىعاتىن تەمىر جول - تەڭىز جولى بىرلەسپە تاسىمالىنىڭ بۇل حالىقارالىق كەزەكشى پويەزىنىڭ اينالىم جەلىسى ازيا - ەۆروپانى ەندەي ءوتىپ، وكەانيانى، تىنىق مۇحيتتى، ءۇندى مۇحيتىن تۇتاستىرىپ، «ءبىر بەلدەۋ، ءبىر جولدىڭ» ساڭلاۋسىز ۇشتاسۋىن شىن مانىندە جۇزەگە اسىرادى، بۇل ەلىمىز بويىنشا تۇڭعىش رەت بولىپ وتىر.

    ۇعىسۋعا قاراعاندا، كەزەكشى پويەزگە تيەلگەن ساپالى اعاش قويمالجىڭى جۇڭتاي توبىنا قاجەتتى ونەركاسىپتىك شيكىزات ەكەن، كەزەكشى پويەز 2 - مامىردا گەرمانيادان اتتانىپ، 2 اپتادان كەيىن ءۇرىمجى حالىقارالىق قۇرلىقتىق پورت رايونىنا ات تۇمسىعىن تىرەپ جۇك شەشكەن ءارى تەمىر جول ارقىلى تاسىمالدانىپ، كورلا فۋليادا قاتارلى باقشا رايوندارىندا پايدالانۋعا بەرىلگەن. وسىدان كەيىن، جۇڭتاي توبىنىڭ جەرگىلىكتى ورىندا وندىرگەن PVC ونىمدەرى جۇڭگو - ەۆروپا كەزەكشى پويەزىندەگى تەڭىز تاسىمالىنا پايدالانىلاتىن كونتەينەرلەرگە اۋىستىرىپ تيەلىپ، ءۇرىمجى حالىقارالىق قۇرلىقتىق پورت رايونىنىڭ كوپ فورمالى بىرلەسپە تاسىمالدى كەدەندىك باقىلاۋ - باسقارۋ ورتالىعىندا كەدەن اداقشىلىعى، كارانتيندەۋ راسمياتىن ءبىر رەتتە ءبىتىرىپ، تەمىر جول تاسىمالى ارقىلى 3 كۇندە ليانيۇنگاڭعا جەتەدى، ونان سوڭ تەڭىز جولى ارقىلى شىعىس وڭتۇستىك ازيا ەلدەرىنە ساتىلادى، سونىمەن يمپورتى مەن ەكسپورتى ءبىر تۇلعالانعان، قۇرلىقتىق تاسىمال مەن تەڭىز تاسىمالى ۇشتاسقان ءىرى اينالمالى ساۋدا تاسىمالى قالىپتاسادى.

    ليۋ شاۋحۋا بىلاي دەدى: ءۇرىمجى حالىقارالىق قۇرلىقتىق پورت رايونى ءۇرىمجى تەمىر جول كەدەنى، ءۇرىمجى جيناقتاۋ ورتالىعى، ءۇرىمجى كوپ فورمالى بىرلەسپە تاسىمالدىڭ كەدەندىك باقىلاۋ - باسقارۋ ورتالىعى، ءۇرىمجى امبەباپ قورعامالى باجى رايونى سياقتىلاردى قامتيدى، تەمىر جول - تەڭىز جولى بىرلەسپە تاسىمالىنىڭ حالىقارالىق كەزەكشى پويەزىنىڭ قاتىناۋىمەن، ءارقايسى تۇعىرلار ءبىر ۋاقىتتا رول اتقارىپ، جوسپارلى قۇرىلىستىڭ ماڭىزدىلىعى مەن رەال ءمانىن اناعۇرلىم كورنەكتىلەندىرە ءتۇستى.

جاۋاپتى رەداكتور:سايراش تۇرارجان قىزى