شينجياڭعا باعىتتامالى كومەكتەسۋ نىسانىن تامامداۋ وتكىزىپ الۋ گرۋپپاسى شىڭگىل اۋدانىندا قىزمەت تەكسەردى

    قۇرمانگۇل اسپەن قىزى حابارلايدى. 15-،16-مامىر كۇندەرى، ايماقتىق ٴءتارتىپ تەكسەرۋ كوميتەتىنىڭ ورىنباسار شۋجيى حان ۋىنجۇي گرۋپپا باستىعى، ايماقتىق دامۋ-رەفورما كوميتەتىنىڭ ورىنباسار مەڭگەرۋشىسى شيە جيانتاۋ جانە ايماقتىق قازىنا مەكەمەسىنىڭ ورىنباسار ورىنباسارى جاڭ مىڭلين ورىنباسار گرۋپپا باستىعى بولعان جەتى ادامدىق باقىلاۋ-جەتەكشىلىك ەتۋ گرۋپپاسى شىڭگىل اۋدانىنا كەلىپ، شىڭگىل اۋدانىنىڭ 2015-2016-جىلعى قوسىلعان جالپى قارجىسى 2 ميلليوننان اسقان، وتكىزىپ الۋدى ٴوتىنىش ەتكەن شينجياڭعا باعىتتامالى كومەكتەسۋ ٴتورت نىسانىنىڭ قۇرلىسىنا تەكسەرىپ-زەرتتەۋ جۇرگىزدى.

    باقىلاۋ-جەتەكشىلىك ەتۋ گرۋپپاسى اۋەلى اڭگىمە ٴماجىلىسىن اشتى. ماجىلىسكە شىڭگىل اۋداندىق دامۋ-رەفورما كوميتەتى، قازىنا مەكەمەسى، قارجى باقىلاۋ مەكەمەسى، ٴۇي قۇرىلىس مەكەمەسى، ٴتورت نىساندى مىندەتىنە العان ورىندار سىندى مەكەمە-ورىندار قاتىناستى.

    ماجىلىستە، اۋداننىڭ ورىنباسار شۋجيى ياڭ يجۇن شىڭگىل اۋدانىنىڭ قار تازالاۋ جابدىقتارىن ساتىپ الۋ احۋالى، مەملەكەت دارەجەلى شىرعاناق ۇلگى بازاسىن قۇرلىسى، اۆتوموبيل جولاۋشى تاسىمال بەكەتىن كوشىرىپ سالۋ قۇرلىسى، جاستار مەن جاسوسپىرىمدەر قيمىل ورتالىعى سىندى ٴتورت نىسان قۇرلىسىنىڭ تەكسەرىپ وتكىزىپ الۋعا دايىندالۋ جاعدايىن مالىمدەدى. باقىلاۋ-جەتەكشىلىك ەتۋ گرۋپپاسى نىسان ماتەريالدارىن تەكسەرىپ كورىپ، ٴاربىر نىسانعا جاۋاپتى ورىندارمەن پىكىر الماستىرىپ، تولىقتىرۋ ەنگىزۋ جونىندە پىكىر بەردى.

    سوڭىنان، ولار نىسان قۇرلىس ورنىنا بارىپ، قۇرلىستىڭ احۋالىن تەكسەرىپ، حۇيحۋا سەرىكتەستىگىنىڭ ٴىرى جەمىستى شىرعاناق مانەرلەۋ ٴوندىرۋ سەحىن ەكسكۋرسسيالادى.

    ايماقتىق باقىلاۋ-جەتەكشىلىك ەتۋ گرۋپپاسى تەكسەرۋ ارقىلى شىڭگىل اۋدانىنىڭ شينجياڭعا باعىتتامالى كومەكتەسۋ نىسانىن ورىنداۋ احۋالىنا جانە قول جەتكىزگەن تابىستارىن تۇراقتاندىرىپ، كەلەرگى قىزمەتتە قاي جاعىنان كۇش سالۋ كەرەكتىگىن كورسەتىپ، وتكىزىپ الۋدىڭ ناقتىلى ۋاقىتىن تۇراقتاندىردى.

    ياڭ يجۇن بۇدان كەيىن شىڭگىل اۋدانى ساپا وتكەلىن قاتاڭ تەكسەرىپ، شينجياڭعا كومەكتەسۋ نىسان قۇرىلىسىنىڭ ساپاسىن باسقارىپ، شىنجياڭعا كومەكتەسۋ نىسانىن تەكسەرۋدەن وتە الاتىن، ٴار ۇلت حالقى ريزا بولاتىن حالىق تۇرمىسى ينجەنەرياسى، الاڭسىز ينجەنەريا ەتىپ قۇرىپ شىعۋعا قۇلشىناتىندىقتارىن ٴبىلدىردى.

جاۋاپتى رەداكتور:نۇرجان مينۋار قىزى