بەيبىت، گۇلدەنىپ - كوركەيگەن، اشىق، جاڭالىق اشاتىن وركەنيەت جولىن قول ۇستاسا قۇرايىق

    توراعا شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ اشىلۋ سالتىندا سويلەگەن ارقاۋ ءسوزىن رايونىمىزداعى ءار ۇلت كادر، بۇقاراسى مۇقيات تىڭدادى، قىزۋ اڭىس ءبىلدىردى

    ءتوراعا شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ اشىلۋ سالتىندا سويلەگەن سوزىندە، بەيبىتشىلىك، دامۋ سىندى ءداۋىر اعىسىنا ۇيلەسىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ سياقتى دامۋ ۇستانىمدارىن جەتەكشى ەتىپ، بەيبىتشىلىك جولىن، گۇلدەنۋ جولىن، اشىق ۇستاۋ جولىن، جاڭالىق اشۋ جولىن، وركەنيەت جولىن قۇرۋ تۇرعىسىنان، «ءبىر بەلدەۋ، ءبىر جول» قۇرىلىسىنىڭ تاماشا كەلەشەگى مەن العا باسۋ باعىتىن كورسەتۋى كەلەلى دە تەرەڭ مانگە يە. ءتوراعا شي جينپيڭنىڭ تارتىمدى سوزدەرى گازەت، ينتەرنەت، راديو، تەلەۆيزور ارقىلى تيانشاننىڭ وڭتۇستىگى مەن سولتۇستىگىنە تەز تارالىپ، قىزۋ اڭىس تۋدىردى، كوپشىلىك ءبىر اۋىزدان «ءبىر بەلدەۋ، ءبىر جول» قۇرىلىسىنىڭ ورايىن مىقتاپ يگەرىپ، تىڭ دا كۇشتى جاۋاپكەرشىلىك تانىتىپ، تىڭ دا مول ۇلەس قوساتىندىقتارىن ءبىلدىردى.

    اۆتونوميالى رايوندىق دامۋ - رەفورما كوميتەتىنىڭ قاتىستى جاۋاپتىسى بىلاي دەدى: جىبەك جولى ەكونوميكالىق بەلدەۋى قۇرىلىسى شينجياڭعا تاپتىرماس تاريحي دامۋ ورايىن اكەلىپ قانا قالماستان، جىبەك جولى بويىنداعى ەلدەرگە ءوزارا تيىمدىلىك جەتكىزەتىن سەلبەستىك ساحناسىن دا ازىرلەدى. كەلەسى قادامدا، ءبىز شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جىبەك جولى رۋحىن قۇلشىنا امالياتتا ايگىلەپ، «ءبىر بەلدەۋ، ءبىر جول» قۇرىلىسىنا بەلسەنە ات سالىسۋىمىز كەرەك. جوبالاردى جاپپاي كەمەلدەندىرىپ، جۇڭگو - پاكيستان ەكونوميكالىق ءدالىزى مەن جۇڭگو - موڭعۇليا - رەسەي ەكونوميكالىق ءدالىزى قۇرىلىسىنا بەلسەنە ات سالىسىپ، توڭىرەكتەگى مەملەكەتتەرمەن ءوندىرىستى دامىتۋ جوسپارى جاعىنداعى ءوزارا سيىسىمدىلىقتى، ءوزارا جەبەۋشىلىكتى ىلگەرىلەتۋىمىز كەرەك؛ ىشكى ولكەلەر مەن ورتا ازيا، باتىس ازيا، وڭتۇستىك ازيا جانە ەۆروپا سياقتى وڭىرلەر اراسىنداعى «قۇرلىق، تەڭىز، اۋە، ينتەرنەت» سىندى 4 جاق ءبىر تۇلعالانعان ءىرى وتكەل قۇرىلىسىن كۇش سالا جەدەلدەتىپ، ءوڭىر اتتاعان زات اينالىمى تورى قۇرىلىسىن كەمەلدەندىرۋىمىز كەرەك؛ جىبەك جولى ەكونوميكالىق بەلدەۋىنىڭ وزەكتى رايون قۇرىلىسى بۇلت ەسەپتەۋ ساندى مالىمەتىنىڭ ورتالىعى قۇرىلىسىن جەدەلدەتىپ، «5 ءىرى ورتالىقتىڭ» نەگىزگى ساندى مالىمەت بايلىعىن شوعىرلى ساقتاۋ جانە ورتاقتاسۋدى جۇزەگە اسىرۋ كەرەك؛ ءۇرىمجى حالىقارالىق قۇرلىقتىق پورت رايونى سياقتى نىسان قۇرىلىستارىنا سۇيەنىپ، ءۇرىمجىنى ورتا ازياداعى، باتىس ازياداعى، وڭتۇستىك ازياداعى حالىقارالىق ءىرى قالا جانە جىبەك جولى ەكونوميكالىق بەلدەۋىندەگى ءتۇيىندى قالا ەتىپ قۇرۋ كەرەك؛ مەملەكەتتىڭ سۇيەمەلدەۋ ساياساتىنان ۇتىمدى پايدالانىپ، قورعاس - الاتاۋ، قاشقار - اتۇش، التاي - بەيتۇن، جۇڭگو - قازاقستان حالىقارالىق ەكونوميكالىق سەلبەستىكتەن ۇلگى كورسەتۋ رايونى سياقتى وڭىرلىك ەكونوميكانىڭ ارتۋ تۇيىندەرىن بەلسەنە قالىپتاستىرۋ كەرەك؛ سونىمەن بىرگە، جۇڭگو − ازيا - ەۆروپا كورمەسى، جۇڭگو شينجياڭ حالىقارالىق ۇلتتىق ءبي فەستيۆالى سياقتى قيمىلداردى جاقسى وتكىزىپ، حالىقارالىق بىرلەسىپ زەرتتەۋ ورتالىعى سياقتى ءبىر توپ حالىقارالىق عىلىم - تەحنيكا سەلبەستىك بازالارىن قۇرۋ كەرەك؛ فينانستاعى سىرتقا ەسىك اشۋدى تەزدەتىپ، جىبەك جولى ەكونوميكالىق بەلدەۋىنىڭ حالىقارالىق قارجى توپتاۋ، اداقتاۋ جۇرگىزۋ، ۆاليۋتا ايىرباسى سياقتى فينانستىق تۇعىرى قۇرىلىسىن ىلگەرىلەتىپ، جۇڭگو - ورتا ازيا حالىقارالىق وڭىرلىك فينانس ورتالىعىن كۇش سالا قالىپتاستىرۋ كەرەك.

    قۇمىل قالالىق شەكارادان كىرۋ - شىعۋدى تەكسەرۋ، كارانتيندەۋ مەكەمەسىنىڭ قىزمەتكەرى گو ۋىنشيۋ بىلاي دەدى: ءتوراعا شي جينپيڭنىڭ جينالىستا سويلەگەن ارقاۋ ءسوزى شىنايى، كىسىنى شابىتتاندىرادى. ەكونوميكا جاھاندانعان جاعدايدا، «ءبىر بەلدەۋ، ءبىر جول» دارىپتەمەسى قۇرىلىسىنىڭ ىلگەرىلەۋىنە ساي، ەلىمىزدىڭ جەلى بويىنداعى ەلدەرمەن ورناتقان ساۋدا ارناسى، ساۋدا ءتاسىلى ۇزدىكسىز بايىدى جانە دامىدى، سىرتقى ساۋدانىڭ ومىرشەڭدىك كۇشى ۇزدىكسىز نىعايدى. قۇمىل قالاسى شينجياڭنىڭ شىعىس قاقپاسىنا ورنالاسقان، تاماشا وڭىرلىك باسىمدىققا يە. قۇمىل قالاسى شەكارادان كىرۋ - شىعۋدى تەكسەرۋ، كارانتيندەۋ مەكەمەسى جالپى جاعدايدى تياناق ەتىپ، ءوزىنىڭ فۋنكتسيالىق باسىمدىعىن تەرەڭدەتىپ، تەكسەرۋ، كارانتيندەۋ ورەسىن جاپپاي جوعارىلاتىپ، شينجياڭنىڭ قوعام ورنىقتىلىعى مەن باياندى تىنىشتىعىنا ەسە قوسادى.

    «<ءبىر بەلدەۋ، ءبىر جول> ءوزىنىڭ جارقىن دامۋ بولاشاعى مەن ءورىسىن ايگىلەدى، اتقاراتىن رولى مۇنان دا ماڭىزدى». قورعاس اندا جاڭا ەنەرگيا ەلەكتروموبيل عىلىم - تەحنيكا شەكتى سەرىكتەستىگىنىڭ باسالقاسى چيان شياۋبيڭ: باس سەرىكتەستىك قورعاستىڭ «ءبىر بەلدەۋ، ءبىر جول» وزەكتى رايونىنداعى تىرەكتى ءتۇيىن بولۋداي وڭىرلىك باسىمدىعىن بايقاعاندىعى سەبەپتى، ەلەكتروموبيل نىسانىن اتقارىپ وتىر. مۇنان سىرت، قورعاستىڭ كاسىپورىنداردى قولداۋ تەبىنى توتەنشە زور، كاسىپورىنداردىڭ ورايدى مىقتى يگەرىپ، جەدەل دامۋعا دەگەن سەنىمى كامىل، - دەدى.

    شينجياڭ اۋىل شارۋاشىلىق عىلىم اكادەمياسىنىڭ قاشقار جاڭاشارى اۋدانى قامسارىق اۋىلى جارقىستاۋ قىستاعى پارتيا ياچەيكاسىنىڭ ءبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى جاڭ پيڭ بىلاي دەدى: «قىستاق تۇرعىندارىنا، اسىرەسە، جاستارعا وسى رەتكى سالتاناتتى جينالىستى جەتە ءتۇسىندىرۋ ءۇشىن، ءبىز جاستاردى شەبەرلىككە باۋلۋ ورايىنان پايدالانىپ، قىستاق تۇرعىندارى اراسىندا <ءبىر بەلدەۋ، ءبىر جولعا> قاتىستى بىلىمدەردى ۇيرەنۋ قيمىلىن ورىستەتىپ، قىستاق تۇرعىندارىنا بايىرعى جىبەك جولىنىڭ شۇعىلالى تاريحىن اڭگىمەلەپ، جىبەك جولى ەكونوميكالىق بەلدەۋىنىڭ كوپشىلىكتى تاماشا ورايعا يە ەتەتىندىگىن ايتتىق».

    بۇراتالا قالاسى چىندەل ءمالى باسقارماسى جيەشين الەۋمەتتىك اۋماعىنىڭ تۇرعىنى ۇلانباتىر ءتوراعا شي جينپيڭنىڭ لەكسياسىن قول تەلەفونىندا كوردى. ول: ءتوراعا شي جينپيڭنىڭ جۇڭگونىڭ «ءبىر بەلدەۋ، ءبىر جول» قۇرىلىسىن ونان ارى ىلگەرىلەتۋ جونىنەن العا قويعان ءبىرسىپىرا ناقتى شارالارى بۇكىل ادامزاتتى باقىتقا كەنەلدىرەتىن ۇلاعاتتى ءىس، ءبىز وسى ءبىر ۇلى امالياتقا، ءسوز جوق، بۇكىل ىنتا - پەيىلىمىزبەن ات سالىسىپ، شارالاردى ناقتاپ تياناقتاندىرىپ، تەرەڭگە تامىر تارتقىزىپ، دامۋ جەتىستىكتەرىنەن اناعۇرلىم كوپ قاۋىمدى يگىلىكتەندىرەمىز، - دەدى.

جاۋاپتى رەداكتور:سايراش تۇرارجان قىزى