سۋ ىستەر مەكەمەسى بالىق اۋلاۋعا تيىم سالۋ قىزمەتىن بارىنشا كۇشەيتتى

    سايرا قاپدەل قىزى حابارلايدى. التاي ايماعىنىڭ «تابيعي وزەندەردە بالىق اۋلاۋعا تيىم سالۋ قىزمەتىن قاتاڭ ىسكە اسىرۋ جونىندەگى ۇقتىرۋ» تالابىنا ساي، ءبىرىنشى ساۋىردەن باستاپ قابا اۋداندىق سۋ ىستەر مەكەمەسى بالىق شارۋاشىلىعىن باسقارۋ پۋنكتىندەگى قىزمەتشىلەر، ەرتىس وزەنىنەن جابايى بالىقتاردى اۋلاۋعا تيىم سالۋ جاعىنداعى زاڭ اتقارۋ قىزمەتتەرىن كۇش سالا جاقسى ىستەپ، ەرتىس كوپىرى مەن 185 تۋاننىڭ ارالىعىنداعى ەرتىس وزەنى بويىنان، قازىرگە دەيىن جيىنى 78 قاراپايىم قايىقتى ۇستاپ، قايىققا بەلگى سوعىپ،ءبىر ورىننان باسقارۋعا شوعىرلاندىردى.

    بۇل قىزمەت 31-شىلدەگە دەيىن قاتاڭ جۇرگىزىلەدى دەپ بەلگىلەندى. بۇل رەتكى زاڭ اتقارۋ قىزمەتىنىڭ ءساتتى جۇرىلۋى وزەن ءوڭىرى ەكولوگيالىق ورتاسىن جاقسارتىپ قالماستان، ەكولوگيالىق ورتانىڭ تەپە-تەڭدىگىن ساقتاۋعا سەپتىگىن تيگىزەدى.

ءتىلشىنىڭ قىزمەت ورنى: قابا اۋداندىق سۋ ىستەر مەكەمەسى

جاۋاپتى رەداكتور:نۇرجان مينۋار قىزى