قىستاققا تۇسكەن كادرلار پارتيانىڭ تيىمدى ساياساتتارىن شالعايداعى مالشى وتباسىلارىنا دەيىن بارىپ، ۇگىتتەدى


    جەڭىسحان اسقار ۇلى، نۇردىبەك قاھارمان ۇلى حابارلايدى. كوكتەم كەلىپ، جەر ءجۇزىنىڭ بارلىعىن جاسىل كىلەم جاپقان مامىر ايىندا قىستاقتاعى مالشىلاردا مالدارىن كوكتەۋلىك جايلىمدارىنا جەتكىزىپ، دالا جايلىسىنا جايا باستادى.

    جاقىنعى بىرنەشە كۇننەن بەرى قاراي، اۋارايى وزگەرىسى تەز بولىپ، بىرەسە جاڭبىر جاۋىپ، بىرەسە بوران سوعىپ تۇردى. سونىمەن 14-مامىر كۇنى ساۋان اۋداندىق 2-ورتا مەكتەپتەن بورتىنكو مال فەرماسى كوكجايداق قىستاعىنا تۇسكەن قىزمەت اترەتىندەگى كادرلار قىستاق «ەكى كوميتەتىندەگى» باسشىلار مەن اڭگىمە ءماجىلسىن اشىپ، كوكتەۋلىككە وتارلاپ كوشىپ كەتكەن مالشىلارعا كەزەكتە ءجۇرىلىپ جاتقان پارتيانىڭ ءتۇرلى باعىت ساياساتتارى مەن تيىمدىلىك جەتكىزۋ جونىندەگى ساياساتتاردى جەتكىزۋدى قارارعا الدى ءارى قىستاققا تۇسكەن قىزمەت اترەتىندەگى كادرلار تەز ارادا قيمىلداپ ىسكە كىرىسىپ، الدىن الا ءتۇرلى ماتەريالداردى قازاق تىلىنە اۋدارىپ، تىرەكتى ۇگىتشىلەر قوسىنىن ۇيىمداستىرىپ، تاۋ اسىپ، تاس باسىپ مالشى وتباسىلارىن ارالاپ ۇگىت جۇرگىزدى.

    قىزمەت اترەتىندەگى كادرلار مالشى وتباسىلارىن ارالاۋ بارىسىندا، مالشىلار مەن ءبىر ءۇيلى جانداي ەتەنە بولىپ، ءاربىر وتباسىنا بارعاندا مالشىلاردىڭ تۇرمىسن، دەنساۋلىقتارىن، ءوندىرسى احۋالدارىن مۇقيات سۇراپ ۇعىستى. سونداي-اق، مالشىلاردىڭ تاۋداعى مال جايلىم ورنىندا تەلە ارنالارىنان، راديودان پارتيانىڭ ەڭ جاڭا ساياساتتارىن كورىپ ەستي الاتىن، المايتىندىقتارىن سۇراپ ۇعىستى.

    قىستاق تۇرعىنى راحات: «مەن ءبىر پارتيانىڭ مەيىرىنە بولەنگەن پارتيا مۇشەسىمىن. قازىرگىدەي پارتيانىڭ حالىق تۇرمىسىنا تيىمدىلىك جەتكىزۋ ساياساتتارى مەن سۇيەمەلدەپ، كومەكتەسپەگەن بولسا، وندا مەنىڭ بۇگىنگى كۇنىمدە بولماق ەمەس ەدى. مەن بۇدان كەيىن ءوزىمنىڭ ناقتىلى جاقسى ارەكەتتەرىم ارقىلى قوعامعا قايتارامىن. قىزمەت اترەتىندەگى كادرلاردىڭ بىزگە پارتيانىڭ ءتۇرلى ساياساتتارىن جەتكىزگەندەرىنە راحىمەت. مەن بۇگىن كوپتەگەن پارتيانىڭ تيىمدى ساياساتتارىن ۇقتىم. قازىر ءبىزدىڭ تۇرمىسىمىز كۇننەن-كۇنگە جاقسارىپ كەلەدى. مەن ءسوزسىز پارتيا باسشىلىعى مەن ءبىر اۋىزدىلىقتى ساقتاپ، ۇلتتار ىنتىماعىن قورعاپ، تاباندىلىقپەن ءوز كاسىبىمدى ىستەپ، قىستاقتاعى تۇرعىندار مەن بىرگە ەرتەرەك اۋقاتتانۋ جولىنا تۇسەمىن»،-دەدى.

 

تىلشىلەردىڭ قىزمەت ورنى: ساۋان اۋدانى مادەنيەت، دەنەتاربيە مەكەمەسى

جاۋاپتى رەداكتور:نۇرجان مينۋار قىزى