2017 – جىلعى شينجياڭ شيحۋ حالىقارالىق مارافون جارىسىنا تىزىمدەلگەندەر سانى 2000نان استى

    12 – مامىر، بەيجيڭ. شينجياڭ حالىقارالىق مارافون جارىسى 20 – مامىر وتكىزىلەدى، قاتىستى تىزىمدەۋ قىزمەتى قازىر ىستەلۋ ۇستىندە. قازىرگە دەيىن 2000نان استام ادام تىزىمدەلدى.

    ءتىلشىنىڭ ۇعىسۋىنشا ەلىمىزدىڭ جەر – جەرىندەگى جۇگىرۋگە قىزىعاتىندار توراپ تەكشەلەرى، ناق مايداننان تىزىمدەلۋ قاتارلى جولدار ارقىلى 2017 – جىلعى شينجياڭ شيحۋ حالىقارالىق مارافون جارىسىنا بەلسەنە تىزىمدەلۋدە. وسى جولعى جارىسقا تىزىمدەلگەن ايقىن قادىلبەك بىلاي دەدى: «مەن وتكەن جىلى دا وسى مارافون جارىسىنا قاتىناسىپ، بەسىنشى بولعان ەدىم . بيىل تاعى دا وتكىزىلەدى دەپ ەستىپ، تاعى دا قاتىناسپاقشىمىن، وسى جولى 21 كيلومەترلىك جارىم جولدىق مارافون جارىسىنا قاتىناسپاقشىمىن.»

    ۇعىسۋعا قاراعاندا، 2017 – جىلعى 2 – كەزەكتى شينجياڭ شيحۋ حالىقارالىق مارافون جارىسى «سۇيسپەنشىلىك جولىندا ۇمتىلعان باقىتقا تولى شيحۋ» اتىندا بولىپ، جارىس 42.195 كيلومەترلىك تۇتاس ارالىقتى مارافون جارىسى، 21.0975 كيلومەترلىك جارىم ارالىقتى مارافون جارىسى، بەس كيلومەترلىك اۋەسكەرلەر مارافون جارىسى قاتارلى ءۇش مازمۇننان قۇرالعان.

جاۋاپتى رەداكتور:نۇرجان مينۋار قىزى