مەملەكەتتىك 13 - كەزەكتى ادىلەت جولىندا ايانباعان قاھارمان - ۇلگى بولىپ ماداقتالىپ − سيلانعان شينجياڭدىق 2 توپ، 2 جەكە داڭقپەن ورالدى

    29 - ساۋىردە اۆتونوميالى رايوننىڭ ادىلەت جولىندا ايانباعاندار قور قوعامى وتكىزگەن مەملەكەتتىك 13 - كەزەكتى ادىلەت جولىندا ايانباعان قاھارمان - ۇلگىلەردىڭ ۋاكىلدەرىمەن اقپارات قۇرالدارىنىڭ كەزدەسۋ ماجىلىسىندە اقسۋداعى «27 - ماۋسىم» زورلىقتى كۇش، لاڭكەستىك وقيعاسىندا بۇلىكشىلەرمەن ەرلىكپەن ايقاسقان 4 باتىردىڭ ۋاكىلى شۋە فۋجىڭ تەبىرەنىپ بىلاي دەدى: «ءبىز ءار ۇلت حالقى جۇدىرىقتاي جۇمىلىپ، زورلىقتى كۇش، لاڭكەستىك قىلمىسقا بىرگە سوققى بەرسەك، اتا مەكەنىمىزدى، ءسوز جوق، مىقتى قورعاپ، لاڭكەستىككە قارسى تۇرۋدىڭ حالىقتىق شايقاسىنىڭ جەڭىسىنە قول جەتكىزە الامىز!».

    24 - ساۋىردە مەملەكەتتىك 13 - كەزەكتى ادىلەت جولىندا ايانباعان قاھارمان - ۇلگىلەردى ماداقتاۋ - سيلاۋ جينالىسى بەيجيڭدە اشىلدى. شينجياڭنان ادىلەت جولىندا ايانباعان ءبىر قاھارمان توپ، ءبىر ۇلگىلى توپ، ءبىر ۇلگى جانە بيڭتۋاننان ءبىر ۇلگى سيلانىپ، رايونىمىزدىڭ وسى داڭقتى اتاق بويىنشا العان سيلىق سانى، سيلىققا يە بولعانداردىڭ سانى ەڭ كوپ بولعان ءبىر جينالىس بولدى.

    حوتانداعى «15 - ماۋسىم» زورلىقتى كۇش، لاڭكەستىك وقيعاسىندا بۇلىكشىلەرمەن ەرلىكپەن ايقاسقان 29 ادام «مەملەكەتتىك ادىلەت جولىندا ايانباعان قاھارمان توپ» اتاعىنا يە بولدى؛ اقسۋداعى «27 - ماۋسىم» زورلىقتى كۇش، لاڭكەستىك وقيعاسىندا بۇلىكشىلەرمەن ەرلىكپەن ايقاسقان 4 ادام «مەملەكەتتىك ادىلەت جولىندا ايانباعان ۇلگىلى توپ» اتاعىنا يە بولدى؛ بيڭتۋان 4 - ديۆيزياسى 64 - پولك 16 - روتاسىنىڭ ديقانى ۇبۇل قاسىم، شينجياڭ بايىن ينجەنەريالىق قۇرىلىسى توبى شەكتى سەرىكتەستىگىنىڭ كورلاداعى بولىمشەسىنىڭ 107 - ءنومىرلى نىسان بولىمىندە ىستەيتىن ىشكى ولكەدەن كەلگەن حالىق جۇمىسكەرى چياۋ يۇڭگاڭ (قۇربان بولعان) «مەملەكەتتىك ادىلەت جولىندا ايانباعان ۇلگى» اتاعىنا يە بولدى.

    اڭگىمە ماجىلىستە حوتانداعى «15 - ماۋسىم» زورلىقتى كۇش، لاڭكەستىك وقيعاسىندا بۇلىكشىلەرمەن ەرلىكپەن ايقاسقان 29 ادامنىڭ ۋاكىلى تۇرسىنمامەت روزىمامەت زورلىقتى كۇش، لاڭكەستىك قىلمىسقا جولىققاندا كەۋدە كەرىپ العا شىعۋ، ولارمەن جۇرەكتىلىكپەن ايقاسۋ ءوزىنىڭ بۇلتارتپاس جاۋاپكەرشىلىگى ءارى بورىشى ەكەندىگىن ايتتى، «وسى جولعى جينالىستا ماداقتالىپ - سيلانىپ، وسىنداي جوعارى مارتەبەگە يە بولعانىمدى ايرىقشا داڭق سەزىنەمىن، وتباسىمداعىلار دا مەنى ماقتانىش ەتەدى!»، - دەدى ول.

    اۆتونوميالى رايوننىڭ ادىلەت جولىندا ايانباعاندار قورى قوعامىنىڭ باس مەڭگەرۋشىسى ليۋ كىچيننىڭ تانىستىرۋىنشا، قاھارماندار مەن ۇلگىلەر ءىس جۇزىندىك ارەكەتىمەن جۇڭحۋا ۇلتىنىڭ ادىلەت جولىندا ايانبايتىن ءداستۇرلى تاماشا ءمورالىن ايگىلەپ، رايونىمىزداعى ءار ۇلت حالقىنىڭ قوعام ورنىقتىلىعىن قورعاۋ، ۇلتتىق بولشەكتەۋشىلىككە قارسى تۇرۋ، زورلىقتى كۇش لاڭكەستەرمەن باتىل كۇرەس جاساۋداعى بەرىك بەكىمى مەن جەڭىسكە جەتەتىن كۇشتى سەنىمىن بەينەلەدى، وسى داڭقتار شينجياڭداعى ءار ۇلت حالقىنىڭ ورتاق ماقتانىشى.

جاۋاپتى رەداكتور:سايراش تۇرارجان قىزى