زەرتتەرمەندەردىڭ كىسى باسىنا تۋرا كەلەتىن جىلدىق قاراجاتى 500 مىڭ يۋانعا جوعارىلاتىلادى

    تىلشىلەردىڭ تاياۋدا عىلىم – تەحنيكا مينيسترلىگىنەن ۇعىسۋىنشا، عىلىم – تەحنيكا مينيسترلىگى تاياۋدا «مەملەكەتتىڭ <13 – بەس جىلدىق> كەزىندەگى عىلىم – تەحنيكا دارىندىلارىن دامىتۋ جوسپارىن» باسىپ تاراتتى، وندا مىناۋ ورتاعا قويىلدى: 2020 – جىلعا بارعاندا ەلىمىز كوپ ۇيەكتى دارىندىلار ۇسىنىلىمى مەحانيزمىن كەمەلدەندىرەدى، بۇكىل ەلدەگى زەرتتەۋ جانە دامۋ (R&D) جۇمىسىمەن شۇعىلداناتىن زەرتتەرمەندەردىڭ كىسى باسىنا تۋرا كەلەتىن جىلدىق قاراجاتى 2014 – جىلعى 370 مىڭ يۋاننان 2020 - جىلى 500 مىڭ يۋانعا جوعارىلاتىلىپ، دامىعان ەلدەرمەن پارىق بارىنشا ازايتىلادى.

    جوسپاردا ءمالىم بولۋىنشا، «12 – بەس جىلدىق» مەزگىلىندە شارۋاشىلىق قۇرىلىسى مەن قوعام دامۋىنىڭ جالپىلىق تالابىن توڭىرەكتەۋ نەگىزىندە ەلىمىزدىڭ عىلىم – تەحنيكا دارىندىلارى قىزمەتىندە كورنەكتى ونىمدىلىككە قول جەتكىزىلگەن، عىلىم – تەحنيكا دارىندىلارى ومىرشەڭدىك قۋات تانىتقان. عىلىم – تەحنيكا دارىندىلارى قوسىنى جەدەل زورايىپ، ادام كۇشى بايلىعى جالپى مولشەرى 71 ميلليوننان اسقان، بۇكىل ەلدەگى زەرتتەرمەندەردىڭ جالپى مولشەرى 5 ميلليون 350 مىڭ بولىپ، دۇنيە ءجۇزى بويىنشا 1 – ورىندا تۇرعان. «12 – بەس جىلدىق» كەزىندە ەلگە قايتقان دارىندىلار ءبىر ميلليون 100 مىڭنان اسىپ، الدىڭعى 30 جىلداعى ەلگە قايتقان دارىندىلار سانىنىڭ 3 ەسەسىنە تۋرا كەلگەن.

جاۋاپتى رەداكتور:نۇرجان مينۋار قىزى