جۇلدىزدار ارا جورىقتا عارىش ىستەرىندە قۇدىرەتتى ەل قۇرايىق

   — 2 – رەتكى «جۇڭگو عارىش كۇنى» كەلۋ بايلانىسىمەن

    «شەتسىز دە شەكسىز الەم كەڭىستىگى جونىندە ىزدەنىس جاساپ، عارىش ىستەرىن دامىتىپ، عارىش ىستەرىندە قۇدىرەتتى ەل قۇرۋ __ تىنباي تالپىناتىن عارىش ارمانىمىز».

    1970 – جىلى 24 – ساۋىردە جۇڭگونىڭ ءبىرىنشى جاساندى جەر سەرىگى __ «شىعىس قىزاردى – 1» ءساتتى ۇشىرىلىپ، جۇڭگو عارىشتىڭ سىرىن اشۋدىڭ، عارىشتان بەيبىت جولمەن پايدالانۋدىڭ، ادامزاتقا باقىت جاراتۋدىڭ بەتاشارىن اشتى.

    24 – ساۋىرگە بەلگىلەنگەن 2 – رەتكى «جۇڭگو عارىش كۇنى» كەلۋ بايلانىسىمەن جۇڭگونىڭ وتكەن ءبىر جىلداعى عارىشقا ۇشۋ ىستەرىنە نازار سالساق، جۇڭگونىڭ كەڭىستىك تەحنيكاسى تابىسىنىڭ زور بولعانىن، كەڭىستىك عىلىمى ىزدەنىسىنىڭ توقتاۋسىز جۇرگىزىلگەنىن، كەڭىستىك قولدانىسى جونىندەگى باستاپقى تىلەكتىڭ وزگەرمەگەنىن اڭعارا الامىز. رەفورما جۇرگىزۋ، دامۋ سىندى ءداۋىر اعىمىنا ىلەسە جۇڭگونىڭ عارىش ىستەرىندە ءۇرتىس قامال الىنىپ، تىڭ داستان جازىلدى.تابىس قوماقتى بولدى، جاسامپازدار عانا قۇدىرەتتى بولا الادىوتكەن ءبىر جىلدا جاڭا عارىشقا ۇشۋ ايلاعىنىڭ جۇمىس جاعدايى توتەنشە جاقسى بولدى، كەمەلدى ايلاق جۇڭگو عارىش ىستەرىنىڭ گۇلدەنگەن جاڭا جاعدايىنا كۋا بولدى.

    «ۇزاق جورىق – 7» دەن «ۇزاق جورىق – 5» كە دەيىن جۇڭگونىڭ تاسىمال راكەتاسى جاڭا ورەگە ءساتتى كوتەرىلىپ، عارىش ىستەرىندە قۇدىرەتتى ەل قۇرۋداعى جۇڭگو كۇش – قۋاتى توپتالدى؛ «تيانگۇڭ – 2» «شىنجوۋ – 11» مەن، «تيانجوۋ – 1» مەن ءتۇيىلىسىپ، عارىشكەرلەر عارىشتا 33 كۇن ايالداپ، جۇڭگو كەڭىستىك بەكەتى قۇرىلىسىندا نىق قادام تاستادى؛ «چاڭ – ى – 5» ۇشىرىلۋ الدىندا تۇر، مارىستى بارلاۋدا قازىر جۇمىس ىستەلۋدە، جۇڭگونىڭ شالعاي عارىشتى بارلاۋىندا ارت – ارتىنان «شاعىن نىسانالار» ورىندالىپ، تىڭ قامالدار الىندى؛ «اۋە مەن جەر ۇشتاسقان ينفورماتسيا تورابىنان» «كەڭىستىك قولدانىلمالى قىزمەت وتەۋ جۇيەسىنە» دەيىن جۇمىستار ىستەلۋدە، جۇڭگونىڭ كەڭىستىك نەگىزدىك قۇرىلعىسى ۇزدىكسىز كەمەلدەنۋدە ...

جاۋاپتى رەداكتور:سايراش تۇرارجان قىزى