شينجياڭ ۇيعۇر اۆتونوميالى رايوندىق 7 – كەزەكتى عىلىم – تەحنيكا فەستيۆالىنىڭ اشىلۋ سالتى وتكىزىلدى

    شينجياڭ عىلىم – تەحنيكا ساريىندا 22 – ءساۋىر جاستىقتىڭ جالىنى شارىق ۇردى، تۇستەن بۇرىن ساعات 11 مولشەرىندە شينجياڭ ۇيعۇر اۆتونوميالى رايوندىق 7 – كەزەكتى عىلىم – تەحنيكا فەستيۆالىنىڭ كوكشىل تۋىن كوتەرگەن قۇلتەمىرلەردىڭ باستاۋىمەن «جاسامپازدىق - باستان وتكەرۋ – جۇڭگو ارمانى – جاستىق ارمانى» اتىنداعى شينجياڭ ۇيعۇر اۆتونوميالى رايوندىق 7 – كەزەكتى عىلىم – تەحنيكا فەستيۆالىنىڭ اشىلۋ سالتى ۇرىمجىدە وتكىزىلدى.

    شينجياڭ ۇيعۇر اۆتونوميالى رايونى ءتوراعاسىنىڭ ورىنباسارى ەركىن تۇنياز قيمىلعا قاتىناستى ٵرى شينجياڭ ۇيعۇر اۆتونوميالى رايوندىق 7 – كەزەكتى عىلىم – تەحنيكا فەستيۆالىنىڭ اشىلعاندىعىن جاريالادى.

    كەزەكتى عىلىم – تەحنيكا فەستيۆالى 18 – ساۋىردەن 24 – ساۋىرگە دەيىن وتكىزىلەدى، نەگىزىنەن شينجياڭنىڭ 2 – كەزەكتى عىلىم- تەحنيكا ويىن كورسەتۋ جارىسى، شينجياڭ ۇيعۇر اۆتونوميالى رايونى 31 – كەزەكتى جاستار مەن جاسوسپىرىمدەردىڭ عىلىم – تەحنيكادا جاسامپازدىق جاراتۋ جارىسى قاتالى جەتى ءتۇرلى تاقىرىپتاعى عىلىم جالپىلاستىرۋ قيمىلىن قامتيدى.

جاۋاپتى رەداكتور:سايراش تۇرارجان قىزى