قوعام حاۋىپسىزدىگى مينيسترلىگى: جالعان، جارامسىز ازىق - تۇلىك وندىرگەندەردى تىكەلەي جازا كولەمىنە ەنگىزۋ كەرەك

    ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 2016 - جىلى قوعام حاۋىپسىزدىگى مينيسترلىگى ازىق - تۇلىك، ءدارى - دارمەك سالاسىن ءتۇيىن ەتكەن جالعان، جارامسىز تاۋارلارعا سوققى بەرۋدىڭ «قانجار» ارەكەتىن ورىستەتۋدى ورنالاستىرىپ، ازىق - تۇلىك، ءدارى - دارمەك وندىرۋدەگى زاڭعا قايشى قىلمىستىق ارەكەتتەرگە قاتاڭ سوققى بەرۋدىڭ تەگەۋرىندى كۇيىنەن جازباي، تۇتاس جىلدا ازىق - تۇلىك وندىرۋگە ساياتىن زاڭعا قايشى 12 مىڭ دەلونى، ءدارى - دارمەك وندىرۋگە ساياتىن زاڭعا قايشى 8500 دەلونى تەكسەرىپ - انىقتاپ، قوعام حاۋىپسىزدىگى مينيسترلىگى ارناۋلى تەكسەرۋدى ۇيعارعان 350دەن استام دەلو تۇگەلدەي اشىلىپ، جالعان تاۋار وندىرگەن، ساتقان ءبىر توپ زاڭسىز زاۆودتاردى، اپانداردى، بازارلاردى الاستاپ، جالعان تاۋار وندىرگەن، ساتقان قىلمىستىق توراپ جەلىلەرىن ءونىمدى تۇردە تالقانداعان.

    ۇعىسۋىمىزشا، سوڭعى جىلدارى ەلىمىزدىڭ قوعام حاۋىپسىزدىگى ورگاندارى قاتىستى تاراۋلارمەن بەلسەنە سەلبەسىپ، قاتاڭ سوققى بەرۋ، وڭاۋ قيمىلدارىن ءۇرتىس ورىستەتىپ، كورنەكتى ونىمدىلىككە قول جەتكىزگەن. الايدا ازىق - تۇلىك، ءدارى - دارمەك سالاسىنداعى تەرەڭ قاتپارلى ماسەلەلەر تۇبىرىنەن شەشىلە قويعانى جوق، كەيبىر جاڭا احۋالدار، جاڭا ماسەلەلەر ۇزدىكسىز جارىققا شىعۋدا. ازىق - تۇلىك ءوندىرۋ، مانەرلەۋ بۋىندارىنداعى زاڭسىز قوسپا قوسۋ، ازىق - تۇلىك قوسپالارىن بەتالدى پايدالانۋ ماسەلەسى ءالى دە كورنەكتى بولىپ، جالعان، جارامسىز تاۋار ءوندىرۋ، ساتۋ ماسەلەسى تيىم سالىنسا دا تيىلماي، اۋىق - اۋىق تۋىلۋدا. سوندىقتان قوعام حاۋىپسىزدىگى مينيسترلىگى ارناۋلى سوققى بەرۋ، وڭاۋدى جەتەكشى ەتىپ، جەر - جەردە كورنەكتى بولىپ وتىرعان ازىق - تۇلىك، ءدارى - دارمەك قىلمىستارىنا دالمە - ءدال سوققى بەرۋدى ورنالاستىردى. جالعان، جارامسىز ازىق - تۇلىكتى زاڭسىز ءوندىرۋ، ساتۋ قىلمىستىق ارەكەتتەرىنە سوققى بەرۋدە، مايلى ەتتى قارا كەسەكتەندىرۋ، اۋىرىپ ولگەن مالدىڭ ەتى سياقتى بۇرىننان كەلە جاتقان ماسەلەلەردى قاداعالاي باقىلاپ، قايتالاي بەلەڭ بەرۋىنىڭ باتىل الدىن الدى ءارى ەلەكتروندىق ساۋدا تۇعىرىنان پايدالانىپ جالعان تاۋارلاردى جاساعان، ساتقان جاڭا احۋالدارعا قاداعالاي نازار اۋدارىپ، حاۋىپ - قاتەرلەردى ءبىر - بىرلەي اداقتاۋدى، توراپتا، توراپ سىرتىندا بىرلەسىپ سوققى بەرۋدى كۇشەيتتى. سونىمەن بىرگە، قىلمىسقا سوققى بەرۋ قىزمەت مەحانيزمىنە جاڭالىق جاساپ، رايون اتتاعان ءىرى دەلولارعا قاراتا قوعام حاۋىپسىزدىگى مينيسترلىگى ارناۋلى تەكسەرىپ، شوعىرلى تۇردە بىرلەسىپ تەكسەرىپ، وكشەلەي سوققى بەرىپ، جالعان، جارامسىز ازىق - تۇلىك، ءدارى - دارمەك ءوندىرۋ، ساتۋ قىلمىستارىنا سوققى بەرۋ، وڭاۋ ورەسىن ورنىقتى جوعارىلاتتى.

    قوعام حاۋىپسىزدىگى مينيسترلىگى مىنانى ءبىلدىردى: قىلمىستىق ىستەرگە سوققى بەرۋ سەرپىنىن اناعۇرلىم كۇشەيتىپ، قاتىستى تاراۋلارمەن سايكەسىپ، جالعان، جارامسىز ازىق - تۇلىك ءوندىرۋ، ساتۋ ارەكەتتەرىن تىكەلەي جازا كولەمىنە ەنگىزىپ، جالعان، جارامسىز ازىق - تۇلىك، ءدارى - دارمەك ءوندىرۋ، ساتۋ قىلمىستارىنا سوققى بەرۋدەگى ءادىليالىق تۇسىندىرمەنى كەمەلدەندىرىپ، «قىلمىستىق ىستەر زاڭىنىڭ» سەسكەندىرۋ رولىن پارمەندى ساۋلەلەندىرەدى. سونىمەن بىرگە، «ازىق - تۇلىك حاۋىپسىزدىگى زاڭىنان» شىن مانىندە ويداعىداي پايدالانىپ، زاڭ بويىنشا قىلمىس قالىپتاستىرماعان، الايدا بۇقارانىڭ ىزا - كەگىن قوزعاپ وتىرعان ازىق - تۇلىك حاۋىپسىزدىگى زاڭىنا قايشى ارەكەتتەرگە زاڭ بويىنشا اكىمشىلىك قاماي تۇرۋ جازاسىن بەرىپ، قاتىستى ادامداردى باتىل جازالاپ، زاڭعا قايشىلىق جاساعان قىلمىستى ەلەمەنتتەرگە اۋىر بوداۋ بەرگىزۋ كەرەك.

جاۋاپتى رەداكتور:سايراش تۇرارجان قىزى