ەڭ جوعارى حالىق سوتى مەكەمەسى «تيىم» جاريالادى

    19 – ساۋىردە ەڭ جوعارى حالىق سوتى مەكەمەسى جاعدايدان قۇلاعدار ەتۋ اقپاراتتىق جيىنىن اشىپ، اتقارۋ ارەكەتىن ارناعا ءتۇسىرۋ ارناۋلى جونگە سالۋ قيمىلىن ورىستەتۋ جاعدايىن حابارلاندىردى ءارى «حالىق سوتى مەكەمەسىنىڭ اتقارۋ ارەكەتىن ارناعا تۇسىرۋدەگى ‹ون تيىمىن›» جاريالادى. وسى كۇننەن باستاپ وسى جىلدىڭ قاراشاسىنا دەيىن، ەڭ جوعارى حالىق سوتى مەكەمەسى مەرزىمى جارىم جىلدان اساتىن ارناۋلى قيمىل ورىستەتىپ، دەلونى ءبىتىرۋ، اتقارۋ بارىسىنداعى جوسىقسىز ارەكەتتەردى وڭاپ، زاڭعا، تارتىپكە قيعاشتىق جاساعان اتقارۋشى قىزمەتكەرلەردى تەكسەرىپ، ءبىر جاقتى ەتەدى.

    10 تارماقتى قاتاڭ بەلگىلەمە ايباتىن كورسەتەدى

    ەڭ جوعارى حالىق سوتى مەكەمەسى اتقارۋ مەكەمەسىنىڭ ورىنباسار باستىعى ۋ شاجۇن جاعدايدان قۇلاعدار ەتۋ جيىنىندا بىلاي دەدى: 2017 – جىل ــ اتقارۋ قيىن بولۋدى شەشۋدەگى شەشۋشى جىل، قامال الۋ جىلى، ونىمدىلىگىن كورۋ جىلى، ءتۇرلى قىزمەت ورنىقتى ىلگەرىلەتىلۋمەن بىرگە، وسى كۇننەن باستاپ اتقارۋ ارەكەتىن ارناعا ءتۇسىرۋ ارناۋلى جونگە سالۋ قيمىلى ورىستەتىلەدى.

    جۇڭگو ساياسي – زاڭ ۋنيۆەرسيتەتى ازاماتتىق داۋ – شار جانە ساۋدا زاڭى، ەكونوميكا زاڭى ينستيتۋتىنىڭ پروفەسسورى، جۇڭگو ارەكەت زاڭى عىلمي قوعامى اتقارۋ ارەكەتىن زەرتتەۋ قوعامىنىڭ تۇراقتى القاسى چيۋ شيڭمەي گازەتىمىزدىڭ تىلشىلىگىن قابىلداعاندا بىلاي دەدى: «حالىق سوتى مەكەمەسىنىڭ اتقارۋ ارەكەتىن ارناعا تۇسىرۋدەگى ‹ون تيىمىنىڭ›» جاريالانۋى حالىق سوتى مەكەمەسى قىزمەتكەرلەرىنىڭ اتقارۋ ارەكەتىن ارناعا تۇسىرۋدە ماڭىزدى مانگە يە. بۇل دەلونى اتقارۋدىڭ زاڭ، بەلگىلەمە بويىنشا قاتاڭ جۇرگىزىلۋىن قامتاماسىزداندىرادى، اتقارۋ ونىمدىلىگىن جوعارىلاتۋعا، اتقارۋ تەبىنىن كۇشەيتۋگە ءتيىمدى.

    ۇعىسۋعا قاراعاندا، «ون تيىم» دەلونى ءبىتىرۋ، اتقارۋ بارىسىنداعى يتەرمەلەۋگە جانە ناراۋلىقپەن اتقارۋعا، كەشەۋىلدەتىپ اتقارۋعا، تالعاپ اتقارۋعا قاتاڭ تيىم سالۋ، جەمقورلىققا نەمەسە ءىستى ادامعا ورىنسىز اقى ارقالاتۋعا قاتاڭ تيىم سالۋ، قىزمەت قۇپيالىعىن جايۋعا قاتاڭ تيىم سالۋ سياقتىلاردى قامتيدى ەكەن.

جاۋاپتى رەداكتور:سايراش تۇرارجان قىزى