حالىق ىستەرى مينيسترلىگىنىڭ ساقتاندىرۋى: كەيبىرەۋلەردىڭ «زەينەتكەرلىك، مۇگەدەكتىك كومەك بەرۋ كارتوچكاسىن» تاراتۋدى سىلتاۋ ەتىپ، الدامكوستىك ىستەۋىنەن ساق بولىڭىزدار

    حالىق ىستەرى مينيسترلىگى كەڭسەسى 13 – ساۋىردە ساقتاندىرۋ حاتىن تاراتىپ، تاياۋدان بەرى كەيبىرەۋلەردىڭ قارتتارعا «زەينەتكەرلىك، مۇگەدەكتىك كومەك بەرۋ كارتوچكاسىن» تاراتۋدى سىلتاۋ ەتىپ الدامكوستىك ىستەپ جۇرگەنىن، حالىق ىستەرى مينيسترلىگى بۇنداي ايتىلمىش قيمىلداردى ۇيىمداستىرماعانىن، بۇقارانىڭ الدانىپ سان سوعىپ قالماۋىن ەسكەرتتى.

    ساقتاندىرۋ حاتىندا مىنالار اتاپ كورسەتىلدى: تاياۋدا ءبىرسىپىرا قارت كەيبىرەۋلەردىڭ حالىق ىستەرى تاراۋلارىنىڭ قىزمەتكەرى كەيپىنە كىرىپ الىپ، 65 جاستان جوعارى قارتتارعا «زەينەتكەرلىك، مۇگەدەكتىك كومەك بەرۋ كارتوچكاسىن» تاراتۋ اتىمەن، قارتتاردى حالىق ىستەرى تاراۋلارىنا كەلىپ «زەينەتكەرلىك، مۇگەدەكتىك كومەك بەرۋ كارتوچكاسىن» اقىسىز تاپسىرىپ الۋعا ۇسىنىس ەتكەندىگىن اڭىس ەتتى. حالىق ىستەرى مينيسترلىگى مىنانى قاتاڭ ەسكەرتەدى: بۇل تۇردەگى ايتىلمىش قيمىلدار مۇلدە ۇيىمداستىرىلعان ەمەس، بۇل __ تيپتىك الدامشىلىق. حالىق بۇقاراسى، اسىرەسە، قارتتار قىراعىلىقتى كۇشەيتىپ، الدانىپ قالۋدان ساقتانۋى، وسىنداي ۇگىت – ءناسيحاتتى بايقاعاندا دەرەۋ دەلو مالىمدەۋى كەرەك.

جاۋاپتى رەداكتور:سايراش تۇرارجان قىزى