«اۆتونوميالى رايوننىڭ <13 - بەسجىلدىق> جوبا مەزگىلىندەگى عىلىم - تەحنيكادا جاڭالىق اشۋ، دامىتۋ جوباسى» جاريالاندى

    2020 - جىلى عىلىم - تەحنيكانىڭ ۇلەس سالىستىرماسى %60كە جەتەدى

    اۆتونوميالى رايوندىق عىلىم - تەحنيكا مەڭگەرمەسىنەن ۇعىسۋىمىزشا، «اۆتونوميالى رايوننىڭ <13 - بەسجىلدىق> مەزگىلىندەگى عىلىم - تەحنيكادا جاڭالىق اشۋ، دامىتۋ جوباسى» تاياۋدا جاريالانىپ اتقارىلعان. «جوباعا» ساي، 2020 - جىلى اۆتونوميالى رايونىمىزدا عىلىم - تەحنيكانىڭ ۇلەس سالىستىرماسى %60كە جەتىپ، تاپقىرلىق جانە پاتەنت ءار 10 مىڭ ادامعا 5.2تەن اينالادى ەكەن. «12 - بەسجىلدىق» جوبانىڭ سوڭعى مەزگىلىندە بۇل ەكى سان جەكە - جەكە %50 جانە 1.34 بولاتىن.

    «جوبادا» مىنالار اتاپ كورسەتىلدى: «13 - بەسجىلدىق» جوبا مەزگىلى − دامۋعا جاڭالىق اشۋ ارقىلى دەم بەرۋ ستراتەگياسىن جاپپاي اتقاراتىن شەشۋشى مەزگىل ءارى جاڭاشىل شينجياڭ قۇرۋدىڭ شەشۋشى جەڭىسىنە قول جەتكىزۋ كەزەڭى. «13 - بەسجىلدىق» جوبا مەزگىلىندە، اۆتونوميالى رايونىمىز عىلىم - تەحنيكادا جاڭالىق جاساۋدا قوعام ورنىقتىلىعى مەن باياندى تىنىشتىق باس نىساناسىنا باستان - اياق بۇلجىماي بويسۇنىپ جانە وعان قىزمەت كورسەتىپ، عىلىم - تەحنيكادا جاڭالىق اشۋ مەن تۇزىمدىك مەحانيزمدە جاڭالىق اشۋدى سايكەستى ىلگەرىلەتۋگە كۇش سالىپ، (جالعاسى 4 - بەتتە)

    عىلىم - تەحنيكادا جاڭالىق اشۋعا قارجى ۇسىنىلىمى، جاڭاشىل دارىندىلاردى ەنگىزۋ، تاربيەلەۋ، جاڭاشىل ورتانى قالىپتاستىرۋ جاعىندا ماندىك سيپاتتى شارالاردى قولدانىپ، قامتاماسىز ەتۋ سەرپىنىن ارتتىرىپ، جاڭالىق اشۋ قابىلەتىن ءوسىرۋ، كوپ بولىپ جاڭالىق اشۋدى، جالپى قاۋىم شارۋاشىلىق قۇرۋدى ىلگەرىلەتۋ جاعىندا شينجياڭنىڭ عىلىم - تەحنيكادا جاڭالىق اشۋ قابىلەتىن كۇش سالا ءوسىرۋ كەرەك.

    «جوبا» مازمۇن جاعىندا «13 - بەسجىلدىق» جوبا مەزگىلىندەگى مەملەكەتتىڭ عىلىم - تەحنيكادا جاڭالىق اشۋ جوباسىمەن ۇشتاسۋمەن بىرگە، شينجياڭنىڭ ورنىقتىلىقتى قورعاۋ، حالىق تۇرمىسى، كەدەيلەردى سۇيەمەلدەۋ جاعىنداعى ەرەكشە قاجەتىن كورنەكتىلەندىرىپ، عىلىم - تەحنيكا ارقىلى ورنىقتىلىقتى قورعاۋ، عىلىم - تەحنيكا ارقىلى حالىقتى يگىلىككە كەنەلتۋ، عىلىم - تەحنيكا ارقىلى كەدەيلەردى سۇيەمەلدەۋ ارناۋلى ارەكەتىن اتقارۋدى العا قويدى.

    «جوبادا» مىنالار العا قويىلدى: 2020 - جىلى اۆتونوميالى رايونىمىزدا جاڭاشىل جەتەكشى كاسىپورىنداردان ءبىرقانشاسى قالىپتاسىپ، تۇتاس رايوننىڭ تەحنيكا بازارىنىڭ توقتام ايىرباس جالپى سوماسى 800 ميلليون يۋانعا، جوعارى، جاڭا تەحنيكا كاسىپورىندارى 1000عا جەتەدى. تۇتاس رايونىمىزدىڭ زەرتتەۋ جانە سىناق ەتۋ، دامىتۋ قارجى شىعىسىنىڭ رايوننىڭ ءوندىرىس جالپى ءونىم قۇنىمەن بولعان سالىستىرماسىن %2كە، قازىنانىڭ عىلىم - تەحنيكاعا سالىناتىن ۇسىنىلىمىن قازىنانىڭ ادەتتەگى الەۋمەتتىك مەجە ەسەپ شىعىسىندا يەلەيتىن سالىستىرماسىن %2.5كە، كولەمدەنگەن ونەركاسىپ كاسىپورىندارىنىڭ زەرتتەۋ جانە سىناق ەتۋ، دامىتۋ قاراجات شىعىسىنىڭ نەگىزگى تيجارات كىرىسىندە يەلەيتىن سالىستىرماسىن %1كە جوعارىلاتۋعا قۇلشىنىس جاسالادى.

جاۋاپتى رەداكتور:سايراش تۇرارجان قىزى