اعزانى كوكتەم مەزگىلىنە قالاي دايىندايدى

    كوكتەم − تابيعاتتىڭ تۇرلەنەتىن تاماشا مەزگىلى. «قىستان امان شىقتىق، كوكتەم كەلدى» دەپ شاتتانعانىمىزبەن اعزامىزدا ورىن الاتىن كەيبىر وزگەرىستەر قۋانىشىمىزدى سۋ سەپكەندەي باساتىنى بار.

    ءار كوكتەم سايىن بىلاي قايتالانۋدىڭ سىرى ءبىزدىڭ قارسىلىق جۇيەمىز جۇقارىپ، اعزاداعى ۆيتامين قورىنىڭ ازايۋىندا.

    قىستىڭ سۋىعىندا ۇيدە وتىرىپ، كەڭسەدەن كوپ شىقپاي، از قيمىلدايمىز. كوكتەم باستالىسىمەن بىردەن پايدا بولاتىن قيمىلداردىڭ سالدارىنان دەنە قۋاتىمىز السىرەيدى. قار ەرىپ، قارا جەر بۋسانىپ جاتقانداعى اۋا رايىنىڭ وزگەرىسى قان قىسىمىنىڭ تومەندەۋى مەن باس اۋرۋلارىنا اپارىپ سوعاتىنى تاعى بار. كوكتەمگى شارشاۋ A ۆيتاميندەرىنە دە بايلانىستى بولادى. بۇل ماۋسىمداعى جەمىس - جيدەكتەر مەن كوكونىستەر قۇرامىنداعى بارلىق پايدالى ۆيتاميندەر مەن قوسىلىستار بۇزىلادى، ءتىپتى زياندىلارى دا پايدا بولادى. بۇل ورايدا ايتارىمىز شيپاگەرمەن كەڭەسە وتىرىپ ارنايى ۆيتاميندەر قابىلداعان پايدالى جانە قاي مەزگىلدە دە قۇنارىن جوعالتپايتىن ءداندى داقىلداردى دۇرىس تۇتىنعان ءجون. دۇرىس تاماقتانۋ دەمەكشى قىز - كەلىنشەكتەر اراسىندا بۇل مەزگىلدە دەنە سىمباتىمەن كۇرەسۋ بەلسەندىلىگى ارتاتىنى جاسىرىن ەمەس. ارۋلارىمىز ارىقتايمىز دەيدى دە ۆيتامين كەمشىل اعزانىڭ دارمەنسىزدىگىنە قاراماي وزدەرىن تاماقتان شەكتەپ تاستايدى. ءبىزدىڭ ايتارىمىز الدىمەن ساۋلىعىڭىزعا كوڭىل ءبولىڭىز. السىزدىك بايقالىپ، كورۋ قابىلەتىڭىز ناشارلاسا A ۆيتاميندەرىنە، جۇيكەڭىز جۇقارىپ، شاشىڭىز ءتۇسىپ، تىرناعىڭىز سىنا باستاسا V ۆيتاميندەرىنە، اعزاداعى زات الماسۋ قىزمەتىندە وزگەرىس بايقالىپ، بۋىندارىڭىز سىر بەرىپ جاتسا C ۆيتاميندەرىنە باي تاعامداردى داستارقان ۇستىنەن تۇسىرمەڭىز.

    جۋاننىڭ جىڭىشكەرىپ، جىڭىشكەنىڭ ۇزىلەر تۇسىندا جۇيكەنىڭ پسيحولوگيالىق السىرەۋى دە سىر بەرەتىنى بار. مۇندايدا جۇيكەنى تىنىشتاندىرۋ ءۇشىن دەنە شىنىقتىرۋلار تاپتىرماس ەم. كۇندەلىكتى 10 − 15 مينۋت ۋاقىتىڭىزدى شىنىعۋعا ارناساڭىز قان اينالىمى جانە بۇلشىق ەتتەردىڭ ميكرو جانە ماكرو ەلەمەنتتەرىمەن قورەكتەنۋى كۇشەيە تۇسەدى.

جاۋاپتى رەداكتور:سايراش تۇرارجان قىزى