قاتىناس شىرعالاڭىن تۋدىرۋ قىلمىسىنىڭ زاردابىنا ءسال قارمايىق

    ءمينار تۇقان قىزى حابارلايدى. تاياۋ جىلداردان بەرى، ەكونوميكانىڭ دامۋىنا بايلانىستى، ادامداردىڭ تۇرمىس ورەسى جوعارلاپ، موتورلى كولىككە بولعان قاجەتى ارتا تۇسۋمەن بىرگە، ءار سەميادا بىردەن اۆتوكولىك بولۋداي زامان اۋقىمى قالىپتاستى.

    وسىعان وراي قوعام تىنىشتىعى بۇزىلىپ، ادامداردىڭ باس اماندىعىنا اۋىر قاتەر ءتونىپ ءبىر جىلدا نەشە ونداعان ادامداردىڭ جانى اۆتوكولىك شىرعالاڭىنان جۇدا بولىپ، تالايلاعان وتباسى قان جۇتىپ قايعىرىپ جاتقان احۋالدار كوپ كەزدەسىپ وتىر. وسىعان وراي زاڭ تاراۋلارى دا قاتىناس شىرعالاڭىن تۋدىرۋ قىلمىسىنا قاتاڭ سوققى بەرىپ، قوعام تىنىشتىعى مەن ازاماتتاردىڭ باس بوستاندىق ۇقىعىنىڭ قورعالۋىنا پارمەندى شارالار قولدانىپ كەلسەدە، اۋدانىمىز كولەمىندە ءجۇز بەرگەن قاتىناس شىرعالاڭى وقيعالارى بىرىنەن كەيىن ءبىرى ىركەس- تىركەس تۋىلىپ، قوعام اماندىعىنا اۋىر ىقپال تيگىزۋدە.

    وسىعان وراي كوكتوعاي اۋداندىق حالىق سوت مەكەمەسى جۋىقتا قاراعان قاتىناس شىرعالاڭىن تۋدىرۋ قىلمسىن تىلگە تيەك ەتۋ ارقىلى، اۆتور وقىرمانداردان مەملەكەتىمىزدىڭ زاڭ، زاڭ- ەرەجەلەرىن قاتاڭ اتقارىپ، قاتىناس زاڭ ەرەجەلەرىنە كوڭىل ءبولىپ، مادەنيەتى كولىك جۇرگىزۋىن، سەلقوستىققا سالىنىپ، ايداپ جۇرگەن موتورلى كولىكتەردەگى بولىمسىز كىناراتتارى مەن قامسىزداندىرۋعا قاتىناستىرۋ ماسەلەسىنە نەمقۇرايدى قاراپ، دەلو تۋىلعاننان كەيىن ورنى تولماس وكىنىش ارقالاپ قالۋدان ساقتانۋىن ەسكەرتەدى.

    2016- جىلدىڭ ءبىر كۇنى جاۋپكەر امەتجان موتورلى كولىك ايداۋ تولىمدىلعى جوق جاعادايدا، باسقالارمەن بىرلىكتە اراق ىشىكەن سوڭ، ەكى دوڭگەلەكتى موتوسيكىلدى ايداپ، ولكە جولى 324- لەنياسىنىڭ ءمالىم جەرىنە كەلگەندە، وزىنە قارسى باعىتتا جۇرىپ كەلە جاتقان زياندالۋشى سامەتتىڭ موتوسيكىلىنە سوعىلىپ، زياندالۋشى جان ۇزگەن، ەكى كولىك وقساماعان دارەجەدە بۇلىنگەن اۋىر قاتىناس شىرعالاڭى تۋىلعان.

    شىرعالاڭ تۋىلعان سوڭ، جاۋاپكەر امەتجان موتوسيكىلىن ايداپ، ناق مايداننان كەتىپ قالعان. ءارى سول كۇنى ءوزىن قوعام حاۋىپسىزدىگى ورگانىنا مالىمدەپ دەلوعا الدىرعان. دەلو تۋىلعاننان كەيىن قاتىناس ساقشى تاراۋلارى جاۋاپكەر امەتجان بۇل رەتكى شىرعالاڭنىڭ بارلىق جاۋاپكەرشىلىگىن ارقالايدى دەگەن شىرعالاڭ تۇراقتاندىرۋ قارارىن شىعارعان. سونىمەن بىرگە، قوعام حاۋىپسزدىگى مەكەمەسىنىڭ زاڭ دوحتىرىنىڭ ساراپتاۋ پىكىرىندە: زياندالۋشىءتىرى كەزىندە دوعال سيپاتتى زاتتىڭ اسەرىنەن باس سۇيەگى مىلجالانىپ ولگەن دەپ تۇراقتاندىرعان. ءارى عىلىم- تەحىنيكالىق سپيرت قۇرامىن تەكسەرۋ دوكىلاتىندا: جاۋپكەردىڭ 100 ميلي ليتر قانىنداعى سپيرت قۇرامى 43 ميللي گرام بولعاندىعىن تۇراقتاندىرعان. سوت اشىپ قاراۋ بارىسىندا، جاۋاپكەردىڭ تۋىس- تۋعاندارى زياندالۋشىنىڭ ءولىم تولەم قاراجاتى، جەرلەۋ قاراجاتى قاتارلى شىعىندارى ءۇشىن زياندالۋشىنىڭ جاقىن تۋىستارىمەن 480 مىڭ يۋان تولەم تولەۋگە كەلىسىمگە كەلىپ، قازىرگە دەيىن 200 مىڭ يۋان تولەم بەرىپ، زياندالۋشىنىڭ شىنايى كەشىرىمىنە يە بولعاندىعى سەبەپتى، سوتىمىز دەلونى قاراۋ بارىسىندا ەلىمىز قىلمىستى ىستەر زاڭىنداعى بەلگىلەرىنە ساي: جاۋاپكەر امەتجانعا 3 جىلدىق مەرزىمدى قاماق جازاسىن بەرىپ، 4 جىل كەشىكتىرىپ اتقارۋعا ۇكىم ەتتى.

     (ادام اتتارى بالامالانىپ الىندى).

    ءٴتىلشىنىڭ قىزمەت ورنى: كوكتوعاي اۋداندىق سوت مەكەمەسى

جاۋاپتى رەداكتور:نۇرجان مينۋار قىزى