تاكسي شوفەرى «ءجىپ ۇشىمەن قامداعانداردى سيلاپ ماداقتاۋ ەرەجەسى» بويىنشا ماداقتالىپ سيلاندى

    قادىل نۇراحىمان ۇلى، ايبولسىن قۇسايىنقازى قىزى حابارلايدى. ناۋرىزدىڭ سوڭعى كۇندەرىنىڭ ءبىر كەشىندە، ساۋان قالاشىعىندا كىرە تارتىپ جۇرگەن تاكسي شوفەرى ياڭxx تىڭ كولىگىنە بەيتانىس بىرەۋ كەلىپ وتىردى. ول جول-جونەكەي ءبىرقانشا ورىنعا بارىپ، سوڭىندا ساۋان اۋدانى داچۋان اۋىلىنىڭ قالا ماڭى شىعىس قىستاعىنا جەتىپ، كىرە اقىسىن تولەمەي ءتۇسىپ كەتتى. شوفەر ونى توقتاتىپ، اقى تالاپ ەتكەندە ول قالتاسىنان دارداي اقشا الىپ شىعىپ شوفەرگە «بىزدە اقشا دەگەن بارشىلىق، سەنىڭ ءبىر اي جۇگىرىپ تاپقان اقىڭدى مەن ءبىر تۇندە-اق تاۋىپ الامىن»،- دەدى دە سىرت اينالىپ ءجۇرىپ كەتتى.

    ياڭxx ونىڭ اراق ءىشىپ العانىن، سونىمەن بىرگە ءسوز ارەكەتى مەن بەينەسى سولەكەت قىلمىس كۇماندىسى ەكەندىگىنەن سەزىكتەنىپ، قاراستى رايونداعى ساقشى بولىمشەسىنە مالىمدەيدى.

    ساقشىلار ياڭxx تىڭ ءجىپ ۇشى بويىنشا، ونىمەن سەلبەسە وتىرىپ، قىلمىس كۇماندىسى قا xx تى ءتۇرلى ءادىس-شارالار ارقىلى سويلەتىپ سىر تارتقاندا، ول وسپاقتاپ وتىرىپ، جۋىقتا وسى قىستاقتان قۇنى 2000 يۋان ۇرلىق دەلوسىن تۋدىرعاندىعىن مويىندايدى.

    قازىرگى كەزدە كۇماندى ادام بايقالسا، زاڭ ورىندارىنا مالىمدەۋ- بارلىق قوعام مۇشەلەرىنىڭ بورىشى بولماق.

    ياڭxx ادەتتەگى تاكسي شوفەرى بولا تۇرا، قوعامنىڭ ورنىقتىلىعى مەن باياندى تىنىشتىعىن قورعاۋدى ەسىنەن شىعارماي، ءوز باسىنان ونەگە كورسەتكەندىگى ءۇشىن، «ساۋان اۋداندىق قوعام حاۋىپسىزدىگى مەكەمەسىنىڭ ءجىپ ۇشىمەن قامداعانداردى سيلاۋ ماداقتاۋ ەرەجەسى» بويىنشا ماداقتالىپ سيلاندى.

    

    تىلشىلەردىڭ قىزمەت ورنى: ساۋان اۋدانى 2-ورتا مەكتەپ

جاۋاپتى رەداكتور:نۇرجان مينۋار قىزى