كەشكى مەكتەپ شارۋالاردىڭ قوس ءتىل ۇيرەنۋ بەلسەندىلىگىن ارتتىردى

 

    سەرىك يمانقان ۇلى حابارلايدى. اۋىل- قىستاقتا ەگىنشى، مالشىلارعا ارنالعان قوس ءتىل ۇيرەنۋ كەشكى مەكتەبى جالپى بەتتىك جۇرىلگەننەن بەرى، شارۋالار كۇندىز ءوندىرس جۇمسىندا بولىپ، ىمىرت ۇيىرىلە قىستاق كەڭسەلەرىندە جۇيەلى ۇيرەنۋگە قاتىناسىپ، ءتىل ۇيرەنۋدىڭ العاشقى ساتسىنا قادام تاستادى.

    بۇل ارادا شارۋالار سانالارىن بىلىممەن قارۋلاندىرۋمەن بىرگە قىستاق تۇرعىندارىمەن بولعان ءوزارا تۇسنىكتەرىن ارتتىرىپ، دوستىقتارىن تەرەڭدەتتى. جاڭالىققا جارشى بولعان تىڭ بىلىمدەردى وي سانالارىنا تولىقتاپ، جاڭا داۋىردەگى جاڭاشىل شارۋالاردان بولۋعا قۇلشىندى.

    ناۋرىز ايىنىڭ 22- كۇنى كەش ءتىلشى جولشىباي بۋرىلتوعاي اۋدانى شىعانجيدە اۋىلى سەكىرۋ قىستاعىنا بارعاندا قىستاق كەڭسەسىندە كوپتەگەن قىستاق تۇرعىندارىنىڭ جەتەكشى مۇعالىمىنىڭ ساباعىن بەرىلە تىڭداپ، ءار كەز ەستەلىك الىپ وتىرعاندىعىن بايقايدى. ويتكەنى، وسى قىستاقتا وتباسىن ارالاپ جاعداي ۇعىسۋ بارسىندا كوپتەگەن شارۋا ادامدارىنىڭ حانزۋ ءتىلىن ۇيرەنۋ ارمانى بار بولىپ، ءتۇرلى سەبەپتەرمەن ۇيرەنە الماي وتىرعاندىعىن ۇعىسادى. دەسەدە 80-، 90 -جىلداردىڭ تۇلەكتەرىنىڭ ءوزى حانزۋ ءتىل ورەسىنىڭ شامالى بولىپ، سىرتقا شىعىپ جۇمىس ىستەۋ قيىندىعىن ارتتىرىپ وتىرعان كورنەكتى ماسەلە ەكەندىگىن كوز دە ۇستايدى. بۇل ماسەلەلەر جونىندە قىزمەت اترەتى دەركەزىندە قىستاق ەكى القاسىمەن اقىلداسىپ، قوس ءتىلدى كەشكى مەكتەبىن اشتى ءارى تۇتاس جىلدىق ۇيرەنۋ جوسپارىن بەلگىلەپ، دۇيسەنبى، سەيسەنبى، سەنبى، جەكسەنبى كەشكى ۋاقىتتارى ارقىلى وسى جالىندى جاستارعا ەكى ساعات مولشەرىندە شوعىرلى ۇيرەنۋ جۇرگىزدى.

    قوس ءتىلدى كەشكى مەكتەبىن اشۋ ارقىلى ءبىرى ولاردىڭ حانزۋ ءتىل بىلىمىن ارتتىرسا، ەندى ءبىرى ولارعا ادامگەرشىلىك، كىسىلىك جاقتاعى فيلوسوفيالىق بىلىمدەردى ۇعىندىردى جانەدە قىستاقتاعى جاستاردىڭ قوعام ورنىقتىلعى مەن جاراسىمدىلىقتى دارىپتەۋگە قوساتىن ۇلەس تانىمىن جوعارلاتتى. وقىتۋ ماتەريالىن قۇراستىرۋدا قىزمەت اترەتى قولدانىلمالىعى جانە يدەيالىق جەتەكشىلدىگى كۇشتى بەس تانىم، وسىزامان مادەنيەتى جانە قوعامدىق ءمورال، وتباسى اسىل ءمورالى سياقتى مازمۇندارمەن بىرلەستىردى. سونىمەن قاتار، قىزمەت اترەتى وزىندىك تالپىنستارىن كۇشەيتىپ، ءبىر- بىرىنە كومەكتەسۋ سىندى كوپ باعىتتى سۇيەمەلدەۋ فورماسىن اتقارىپ، قوس ءتىل ۇيرەنۋ اۋماعىن كەڭەيتىپ، ءار دارەجەلى كادىرلاردىڭ ونەگەلىك جەتەكشىلىك رولىن العا ىلگەرلەتتى.

    نۇربانۋ ادىلقان قىزى سەكىرۋ قىستاعىنىڭ تۇرعىنى، قوس ءتىل ۇيرەنۋدە بەلسەندىگى كۇشتى، مەيلى حانزۋ ءتىلىن وقىپ ۇيرەنۋ، جازۋدا بولسىن تۇگەلدەي جاقسى ول: قوس ءتىل بۇقارا ورتاسىنداعى التىن كوپىر بولۋمەن قاتار كادرلارمەن بۇقارانىڭ دانەكەرى، قوس ءتىل ۇيرەنۋگە بولعان سەنىمىز كۇشتى،- دەدى.

    قىزمەت اترەتىنىڭ باستىعى جۋاڭ شاۋبو: تەك ءوزارا ءتىل تابىسا العاندا عانا بەرەكە- بىرلىگىمىز ارتادى. ءوزارا قويۋ بايلانىستا بولعاندا عانا كوڭىلىمىز توعىسادى،- دەدى.

    ۇعسۋعا قاراعاندا، قازىرگە دەيىن بۇل قىستاق قوس ءتىل كەشكى مەكتەبىن 12 كەزەك اشىپتى، قاتىناسقان ادام سانى 360 ادام رەتتەن اسقان ەكەن.

جاۋاپتى رەداكتور:نۇرجان مينۋار قىزى